സണ്ണി ലിയോണിന്റെ കോണ്ടം പരസ്യം നിരോധിക്കണം, സര്‍ക്കാര്‍ പറയട്ടെ എന്ന് സണ്ണി

എന്ത് പരസ്യം

കെടിസിഎല്‍ (കടമ്പ ട്രാന്‍സ്‌പോര്‍ട്ട് കോര്‍പറേഷന്‍ ലിമിറ്റഡിന് വേണ്ടി സണ്ണി ലിയോണ്‍ അഭിനയിച്ച കോണ്ടത്തിന്റെ പരസ്യത്തിനെതിരെയാണ് ഗോവയിലെ സ്ത്രീ സംഘടന രംഗത്തെത്തിയിരിയ്ക്കുന്നത്.

പരസ്യത്തിനെതിരെ പരാതി

രാണരാഗിണി എന്ന സ്ത്രീയുടെ പരാതിയെ തുടര്‍ന്നാണ് ആവശ്യം. ഗോവ സ്‌റ്റേറ്റ് കമ്മീഷന്‍ ഫോര്‍ വുമിന്‍ (ജിഎസ്സിഡബ്ല്യുസി) അധികൃതര്‍ക്കാണ് രാണരാഗിണി പരാതി നല്‍കിയത്.

പരാതിക്കാരി പറയുന്നത്

കടമ്പ ബസ്സുകളിലും മറ്റ് പൊതു സ്ഥലങ്ങളിലും പതിപ്പിച്ചിരിയ്ക്കുന്ന കോണ്ടം പരസ്യം പിന്‍വലിക്കണമെന്നാണ് രാണരാഗിണിയുടെ ആവശ്യം. സ്ത്രീകളെ ശല്യം ചെയ്യുന്ന ഇത്തരം പരസ്യങ്ങള്‍ പിന്‍വലിക്കുകയും സ്ത്രീകളുടെ കുലീനത സംരക്ഷിക്കണമെന്നും പരാതിക്കാരി പറയുന്നു.

പൊതു സ്ഥലങ്ങളില്‍ നിന്ന് പിന്‍വലിക്കണം

പരാതി ലഭിച്ചതിന്റെ അടിസ്ഥാനത്തില്‍ കെടിസിഎല്ലിനും ജില്ലാ കലക്ടര്‍ക്കും ജിഎസ്ഡബ്യുസി ചെയര്‍മാന്‍ വിദ്യ തന്‍വാഡെ നോട്ടീസ് അയച്ചു. പൊതു സ്ഥലങ്ങളില്‍ നിന്ന് ഈ പരസ്യം പിന്‍വലിക്കണമെന്നാണ് ആവശ്യം.

സണ്ണിയുടെ പ്രതികരണം

പ്രസ്തുത വിഷയത്തില്‍ വേണ്ട നടപടി ഗോവ സര്‍ക്കാര്‍ സ്വീകരിക്കട്ടെ എന്നാണ് സണ്ണി ലിയോണ്‍ പ്രതികരിച്ചത്. സണ്ണി ലിയോണിനെതിരെ നോട്ടീസ് ലഭിച്ചിട്ടില്ല.