കട്ടപ്പ എന്തിന് ബാഹുബലിയെ കൊന്നു: ഏഴ് കാരണങ്ങള്‍ ഇതാ

കട്ടപ്പ എന്തിന് ബാഹുബലിയെ കൊന്നു?

അടുത്ത രാജാവ് ബാഹുബലിയാണെന്ന് രാജമാതാവ് ശിവകാമി ഉത്തരവിട്ടു കഴിഞ്ഞു. എന്നാല്‍ ദേവസേനയെ കല്യാണം കഴിക്കുന്നതിനാല്‍ ബാഹുബലിയ്ക്ക് രാജസ്ഥാനം ഒഴിയേണ്ടി വന്നിരിക്കാം. പിന്നീട് സിംഹാസനത്തിന് ഭീഷണിയാകാതിരിക്കാന്‍ രാജാവായ പല്‍വാല്‍ ദേവന്‍ ബാഹുബലിയെ കൊല്ലാന്‍ കട്ടപ്പയോട് ആജ്ഞാപിക്കുന്നതാവാം

കട്ടപ്പ എന്തിന് ബാഹുബലിയെ കൊന്നു?

ഒരുപക്ഷെ ബാഹുബലിയുടെ മരണത്തിന് പിന്നില്‍ രാജമാതാവാകാം. ചിത്രത്തിന്റെ തുടക്കത്തില്‍ ഞാന്‍ ചെയ്ത പാപങ്ങള്‍ക്ക് എന്റെ ജീവന്‍ എടുത്തോളൂ എന്ന് പറയുന്നത് ഓര്‍ക്കുക.

കട്ടപ്പ എന്തിന് ബാഹുബലിയെ കൊന്നു?

ബാഹുബലി എന്നെക്കള്‍ കേമനാണെന്നല്ലേ പറഞ്ഞത്, എന്നിട്ടെവിടെ എന്ന് പല്‍വാല്‍ദേവന്‍ ദേവസേനയോട് ചോദിക്കുന്നുണ്ട്. പല്‍വാല്‍ ദേവനും ബാഹുബലിയും ദേവസേനയെ ഇഷ്ടപ്പെട്ടിരിക്കാം. ദേവസേനയെ വിവാഹം ചെയ്യാനായി ബാഹുബലി കിരീടം വിട്ടൊഴിയുന്നു. കിരീടം കിട്ടിയ പല്‍വാല്‍ ദേവന്‍ ദേവസേനയെ സ്വന്തമാക്കുവാന്‍ ബാഹുബലിയെ കട്ടപ്പയെ കൊണ്ട് കൊല്ലിക്കുന്നതാവാം

കട്ടപ്പ എന്തിന് ബാഹുബലിയെ കൊന്നു?

രചയ്താവ് പറഞ്ഞതും, ക്ലൈമാക്‌സില്‍ കട്ടപ്പ പറഞ്ഞതും വച്ചു നോക്കുമ്പോള്‍ ബാഹുബലിയെ കട്ടപ്പ വധിച്ചിട്ടുണ്ടാവില്ല. ബാഹുബലിയെ കുത്തി എന്ന് മാത്രമേ കട്ടപ്പ ക്ലൈമാക്‌സില്‍ പറയുന്നുള്ളൂ. മരിച്ചതായി പറയുന്നില്ല. കൂടാതെ, ഒരു സംഭാഷണത്തില്‍ ബാഹുബലിയുടെ വരവിനായി താനും കാത്തിരിയ്ക്കുന്നു എന്ന് ദേവസേനയോട് കട്ടപ്പ പറയുന്നുണ്ട്.

കട്ടപ്പ എന്തിന് ബാഹുബലിയെ കൊന്നു?

ഇതൊന്നുമല്ല, താന്‍ കുത്തിയെന്ന് കട്ടപ്പ കള്ളം പറയുന്നതാവാം. രാജമാതാവ് ശിവകാമി ദേവിയ്ക്ക് നല്‍കിയ ഉറപ്പു പ്രകാരം പല്‍വാല്‍ ദേവനില്‍ കുറ്റം വരാതിരിക്കാനും രാജ്യം അന്യാധീനപ്പെട്ടു പോകാതിരിക്കാനും കട്ടപ്പ കുറ്റം ഏറ്റെടുക്കുന്നതാവാം. താന്‍ ചെയ്ത പാപം എന്ന് രജമാതാവ് പറഞ്ഞത് ഇതുമാവാം

കട്ടപ്പ എന്തിന് ബാഹുബലിയെ കൊന്നു?

കട്ടപ്പ ബാഹുബലിയെ പിന്നില്‍ നിന്നു കുത്തുന്നതാണ് കാണിക്കുന്നത്. ഒരു പക്ഷെ കട്ടപ്പയ്ക്ക് യുദ്ധലഹളയിലും ഇരുട്ടിലും അബദ്ധം പറ്റി ആളുമാറിയതാവാം

കട്ടപ്പ എന്തിന് ബാഹുബലിയെ കൊന്നു?

ചിലപ്പോള്‍ ഏതെങ്കിലും തരത്തില്‍ പല്‍വാല്‍ ദേവന്‍ കട്ടപ്പയെ ഭീഷണിപ്പെടുത്തി കൊല്ലിച്ചതുമാവാം.