മലയാളത്തിലെ ഏറ്റവും വലിയ വിജയമായ ദൃശ്യത്തിന്റെ കലക്ഷനെ കുറിച്ച് നിങ്ങളറിയാത്ത ചില സത്യങ്ങള്‍, ഇതാ

ആകെ ചെലവ്

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിച്ച ചിത്രത്തിന്റെ ആകെ ചെലവ് 4.8 കോടി രൂപ മാത്രമാണ്. പത്ര പരസ്യത്തിനും മറ്റ് പബ്ലിസിറ്റിയ്ക്കും ഉള്‍പ്പടെയുള്ള ചെലവുകള്‍ ഈ തുകയില്‍ പെടുന്നു.

ആകെ കളിച്ച ഷോ

റിലീസ് ചെയ്ത് രണ്ടാമത്തെ ദിവസം മുതലാണ് ദൃശ്യം കുതിച്ചു ചാടിയത്. റിപ്പോര്‍ട്ടുകള്‍ പ്രകാരം ആകെ മൊത്തം മുപ്പത്തിരണ്ടായിരം ഷോകളാണ് ദൃശ്യം കളിച്ചത്.

കേരളത്തിലെ ഗ്രോസ് കലക്ഷന്‍

കേരളത്തില്‍ നിന്ന് മാത്രം ദൃശ്യം നേടിയ ഗ്രോസ് കലക്ഷന്‍ 44.3 കോടി രൂപയാണ്. ഈ നേട്ടവും ഇതുവരെ ഒരു മലയാള സിനിമയും കവച്ചു വച്ചിട്ടില്ല.

കേരളത്തിന് പുറത്ത്

മോഹന്‍ലാല്‍ നായകനായി എത്തിയ ദൃശ്യത്തിന് അന്യഭാഷക്കാര്‍ക്കിടയിലും മികച്ച സ്വീകരണമാണ് ലഭിച്ചത്. കേരളത്തിന് പുറത്ത് നിന്ന് ചിത്രം 11.6 കോടി രൂപ ഗ്രോസ് കലക്ഷന്‍ നേടി

ഇന്ത്യയ്ക്ക് പുറത്ത്

കേരളവും ഇന്ത്യയും കടന്നും ദൃശ്യം മികച്ച വിജയവും കലക്ഷനും നേടി. യുകെയില്‍ നിന്ന് 1.01 കോടിയും യുഎസ്എയില്‍ നിന്ന് 1.1 കോടി രൂപയും ദൃശ്യം നേടി

ആകെ ഗ്രോസ് കലക്ഷന്‍

കേരളത്തില്‍ നിന്നും കേരളത്തിന് പുറത്തു നിന്നും ഒക്കെയായി ദൃശ്യം ആകെ മൊത്തം നേടിയ ഗ്രോസ് കലക്ഷന്‍ 66 കോടി രൂപയ്ക്കടുത്താണ്

സാറ്റലൈറ്റും, റീമേക്കും

ഏഷ്യനെറ്റ് ചാനലാണ് ദൃശ്യത്തിന്റെ സാറ്റലൈറ്റ് അവകാശം സ്വന്തമാക്കിയത്. 6.5 കോടി രൂപയ്ക്കാണ് ദൃശ്യത്തിന്റെ സാറ്റലൈറ്റ് അവകാശം ഏഷ്യനെറ്റ് വാങ്ങിയത്. തമിഴ്, തെലുങ്ക്, കന്നട, ഹിന്ദി ഭാഷകളിവലേക്ക് റീമേക്ക് ചെയ്തതിലൂടെ ചിത്രം നേടിയത് 2.5 കോടി രൂപയാണ്.

വലിയ വിജയം ആകുന്നത്

ആകെ നേടിയ ഗ്രോസ് കലക്ഷനും, സാറ്റലൈറ്റ് - റീമേക്ക് അവകാശം വിറ്റുപോയതിലൂടെയും ഒക്കെയായി ദൃശ്യം നേടിയത് 75 കോടി രൂപയാണ്. അങ്ങനെയാണ് ദൃശ്യം മലയാളത്തിലെ ഏറ്റവും വലിയ വിജയം നേടിയ ചിത്രമാകുന്നത്.