ലൂസിഫര്‍ പൂര്‍ത്തിയാക്കാന്‍ പൃഥ്വിയ്ക്ക് കഴിയുമോ.. മോഹന്‍ലാലിന് ആശങ്ക... ??

അത് നടക്കുമോ...

എന്നാല്‍ ചിത്രം 2017 ല്‍ തന്നെ ആരംഭിയ്ക്കുമോ എന്ന കാര്യത്തില്‍ മോഹന്‍ലാലിന് ആശങ്കയുണ്ട് എന്നാണ് ഇപ്പോള്‍ കേള്‍ക്കുന്നത്. 2017 ല്‍ എന്നല്ല, സമീപകാലത്തെങ്ങും ലൂസിഫര്‍ ആരംഭിയ്ക്കാന്‍ സാധ്യതയില്ല എന്നാണ് റിപ്പോര്‍ട്ടുകള്‍.

പൃഥ്വിയുടെ തിരക്ക്

കൈ നിറയെ ചിത്രങ്ങളുമായി തിരക്കിലാണ് ഇപ്പോള്‍ പൃഥ്വിരാജ്, അതും ബിഗ് ബജറ്റ് ചിത്രങ്ങള്‍. ആര്‍എസ് വിമലിന്റെ കര്‍ണന് ഒരു വര്‍ഷത്തില്‍ കൂടുതല്‍ സമയം വേണം. ബ്ലെസിയുടെ ആട് ജീവിതത്തിന് പൃഥ്വി രണ്ട് വര്‍ഷത്തെ കാള്‍ഷീറ്റ് നല്‍കി എന്നാണ് കേട്ടത്. ഇത് കൂടാതെ, ടിയാന്‍ ഉള്‍പ്പടെ മറ്റ് പല ചിത്രങ്ങളിലും പൃഥ്വി കരാറൊപ്പിട്ടിരിയ്ക്കുന്നു.

അതിനിടയില്‍ എപ്പോള്‍?

ലഭിയ്ക്കുന്ന വാര്‍ത്തകള്‍ പ്രകാരം, പൃഥ്വി ഇപ്പോള്‍ മൈ സ്‌റ്റോറി എന്ന ചിത്രത്തിന്റെ തിരക്കിലാണ്. അത് പൂര്‍ത്തിയായാല്‍ ടിയാന്റെ രണ്ടാം ഘട്ട ഷൂട്ടിങ് ആരംഭിയ്ക്കും. 2017 പുകുതിയോടെ കര്‍ണന്‍ ആരംഭിയ്ക്കും എന്നാണ് വിമല്‍ പറഞ്ഞിരിയ്ക്കുന്നത്. അതിനിടയില്‍ എപ്പോഴാണ് പൃഥ്വി ആറ് മാസം ലൂസിഫറിന് വേണ്ടി കണ്ടെത്തുന്നത്??

അഭിനയത്തിന്റെ തിരക്കില്‍

കരാറൊപ്പിട്ട ചിത്രങ്ങളുമായി തിരക്കിലാണെന്നും, അത് പൂര്‍ത്തിയാക്കിയ ശേഷം സംവിധായനത്തിലേത്ത് കടക്കും എന്നുമാണ് നേരത്തെ പൃഥ്വി പറഞ്ഞിരുന്നത്. എന്നാല്‍ പെട്ടന്നാണ് ലൂസിഫര്‍ പ്രഖ്യാപിച്ചത്. ഈ അഭിനയത്തിന്റെ തിരക്കില്‍ ലൂസിഫര്‍ ചെയ്താല്‍ എങ്ങിനെയാവും എന്ന ആശങ്ക ആരാധകര്‍ക്കുമുണ്ട്. എന്ത് തന്നെയായാലും പ്രേക്ഷകര്‍ കാത്തിരിയ്ക്കുന്നു.