കാത്ത് നിന്ന് മടുത്തപ്പോള്‍ ദിലീപ് പറഞ്ഞു, ആ..അവന്‍ വരുമ്പോള്‍ വിളി, ആ ദേഷ്യം അപ്പോള്‍ തന്നെ പോയി

അസിസ്റ്റന്റ് ഡയറക്ടര്‍ വന്ന് പറഞ്ഞു

ലൊക്കേഷനില്‍ എത്തി എന്റെ സീനിനായി കാത്തിരിക്കുമ്പോഴാണ് അസിസ്റ്റന്റ് ഡയറക്ടര്‍ വരുന്നത്. കുറച്ച് നേരം കാത്തിരിക്കേണ്ടി വരും. അത് കഴിഞ്ഞ് നിങ്ങളുടെ സീനിനായി വിളിക്കാമെന്ന് പറഞ്ഞു. അങ്ങനെ കേട്ടപ്പോള്‍ കുറച്ച് നേരമൊന്ന് വിശ്രമിക്കാന്‍ സ്ഥലം കിട്ടുമോ എന്ന് അന്വേഷിക്കാമെന്ന് കരുതി ഞാന്‍ എണീറ്റ് നടന്നു.

ഇതിനുള്ളില്‍ കിടന്നോളൂ..

ഇത്തിരി നടന്നപ്പോള്‍ ഒരു വണ്ടിയുടെ തണല്‍ കണ്ടു. അതിനടുത്തെത്തിയപ്പോള്‍ സമീപത്തുണ്ടായിരുന്ന ഒരു തമിഴ് പയ്യന്‍ വന്ന് വാതില്‍ തുറന്നു. ഇതിനുള്ളില്‍ വിശ്രമിച്ചോളാനും പറഞ്ഞു. അതിനുള്ളില്‍ ഒരു കട്ടില് കണ്ടപ്പോള്‍ ഞാനതില്‍ കിടന്ന് ഉറങ്ങി.

ഷോട്ടിന് സമയമായപ്പോള്‍ ധര്‍മ്മജന്‍ ഇല്ല

ഷോട്ടിന് സമയമായപ്പോള്‍ ആളില്ല. എല്ലാവരും ധര്‍മ്മജനെ തിരക്കി നടക്കാന്‍ തുടങ്ങി. കുറെ നേരം കാത്ത് നിന്നതിന് ശേഷം ദിലീപ് പറഞ്ഞു. 'ആ, അവനെത്തുമ്പോള്‍ വിളിക്ക്'. കാരവാനില്‍ ചെന്നപ്പോള്‍ താന്‍ അതില്‍ കിടന്ന് ഉറങ്ങുന്നു.

എന്ത് പരിപാടിയാ നീ കാട്ടിയത്

എന്ത് പരിപാടിയ നീ കാട്ടിയെ? ലൊക്കേഷനില്‍ എല്ലാവരും നിന്നെ തിരയുമ്പോള്‍ നീ ഇവിടെ കിടന്ന് ഉറങ്ങുന്നോ? നല്ല ദേഷ്യത്തോടെയാണ് ദിലീപേട്ടന്‍ ഇക്കാര്യം ചോദിച്ചത്.

ആ ദേഷ്യം മുഴുവന്‍ തീര്‍ന്നു

എന്റെ പൊന്ന് ദിലീപേട്ടാ, ഞാന്‍ ആദ്യമായാണ് ഈ വണ്ടി കാണുന്നത്. കാരവാനാണെന്ന് എനിക്കറിയില്ലായിരുന്നു. ആ മറുപടിയില്‍ തന്നെ ദിലീപിന്റെ ദേഷ്യം മുഴുവന്‍ അലിഞ്ഞ് പോയി- ധര്‍മ്മജന്‍ പറയുന്നു.