Don't Miss!
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Automobiles എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മംഗലശ്ശേരി നീലകണ്ഠന്റെ ചെറുമകള്ക്കൊപ്പം മമ്മൂട്ടി
ലാലിന്റെ അഭിനയജീവിതത്തിലെ മികച്ച ചിത്രങ്ങളിലൊന്നായ ദേവാസുരത്തിനും അതിന്റെ തുടര്ച്ചയായ രാവണപ്രഭുവിനും പ്രചോദനമായ മുല്ലശ്ശേരി രാജഗോപാലിന്റെ കൊച്ചുമകളായ നിരഞ്ജന.രാജഗോപാലിന്റെ മകള് നാരായണിയുടെയും കൊച്ചിയിലെ ബിസിനസ്സുകാരനായ അനൂപ് അക്ബറിന്റെയും മകളാണ് നിരഞ്ജന. ഏഴാം ക്ലാസ് വിദ്യാര്ഥിനിയായ നിരഞ്ജനയുടെ അരങ്ങേറ്റം കൊച്ചിയിലാണ് നടന്നത്.
ദേവാസുരത്തില് മോഹന്ലാലായിരുന്നു നീലകണ്ഠനെങ്കില് നിരഞ്ജനയുടെ അരങ്ങേറ്റം കാണാനെത്തിയത് മമ്മൂട്ടിയായിരുന്നു. നൃത്തം തുടങ്ങുന്നതിന് മുമ്പ് വേദിയിലെത്തിയ മമ്മൂട്ടി നിരഞ്ജനയുടെ തലയില് കൈവെച്ച് അനുഗ്രഹിയ്ക്കുകയും ചെയ്തു.
കോഴിക്കോട്ടെ ചാലപ്പുറത്തെ മുല്ലശ്ശേരി വീട്ടിലെ രാജഗോപാലിന്റെ ജീവിതത്തെ അഭ്രപാളികളിലെ മംഗലശ്ശേരി നീലകണ്ഠനാക്കി മാറ്റിയ രഞ്ജിത്തും നിരഞ്ജനയുടെ നൃത്തത്തിന് സാക്ഷ്യം വഹിയ്ക്കാനെത്തിയിരുന്നു. കെപിഎസി ലളിത, ജയരാജ്, അനൂപ് മേനോന്, സംവൃത സുില് കുക്കു പരമേശ്വരന്, സുരേഷ് കൃഷ്ണ എന്നിങ്ങനെ ഒട്ടേറെ പ്രമുഖര് സദസ്സിലുണ്ടായിരുന്നു.
രഞ്ജിത്തിന്റെ തൂലികയില് ഐവി ശശി സംവിധാനം ചെയ്ത ദേവാസുരത്തിലൂടെയാണ് മുല്ലശ്ശേരി രാജഗോപാലെന്ന മനുഷ്യനെ മലയാളി അടുത്തറിയുന്നത്. തളര്ന്ന ശരീരവും തോല്ക്കാത്ത മനസ്സുമായി ജീവിച്ച രാജഗോപാലിന്റെ കഥ മോഹന്ലാല് വെള്ളിത്തിരയില് അനശ്വരമാക്കി. വര്ഷങ്ങള്ക്ക് ശേഷം രാവണപ്രഭുവെന്ന പേരില് രഞ്ജിത്ത് തിരക്കഥയെഴുതി സംവിധാനം ചെയ്ത ചിത്രവും മലയാളികള് ഒരേ മനസ്സോടെ സ്വീകരിച്ചു.