ഗ്രേറ്റ് ഫാദരില്‍ അഭിനയിക്കാന്‍ ആര്യ ആദ്യം സമ്മതിച്ചിരുന്നില്ല , മമ്മൂട്ടി കാരണമാണോ??

വേറെയാരെയെങ്കിലും നോക്കാന്‍ പറഞ്ഞു

ചിത്രത്തിലെ ആന്‍ഡ്രൂസ് ഈപ്പനെ അവതരിപ്പിക്കുന്നതിനായി വേറെ ആളെ നോക്കാനാണ് നിര്‍മ്മാതാവെന്ന നിലയില്‍ സംവിധായകനോട് നിര്‍ദേശിച്ചത്. നെഗറ്റീവ് ഷെയ്ഡായതിനാല്‍ ആ കഥാപാത്രം ഒരു വെല്ലുവിളിയായാണ് തോന്നിയത്. നടനെന്ന നിലയില്‍ വളരെ ചലഞ്ചിങ്ങ് ആയി തോന്നിയിരുന്നു.

ആ വേഷം ചെയ്യാന്‍ ആരും തയ്യാറായില്ല

ആ കഥാപാത്രത്തെ അവതരിപ്പിക്കുന്നതിനായി സംവിധായകന്‍ പലരെയും സമീപിച്ചിരുന്നെങ്കിലും അത് ഏറ്റെടുക്കാന്‍ ആരും തയ്യാറില്ല. തുടര്‍ന്നാണഅ ആന്‍ഡ്രൂസ് ഈപ്പനെ അവതരിപ്പിക്കാന്‍ ആര്യ തീരുമാനിച്ചത്.

വെല്ലുവിളിയായിരുന്നു

എന്നാല്‍ ഗ്രേറ്റ് ഫാദര്‍ തനിക്കുമുന്നില്‍ ഉയര്‍ത്തിയ പ്രധാന വെല്ലുവിളി മറ്റൊന്നായിരുന്നുവെന്നും പറയുന്നു ആര്യ. 'പരമാവധി 10 ദിവസത്തെ ചിത്രീകരണമേ എനിക്കുണ്ടാവൂ എന്നാണ് കരുതിയിരുന്നത്. പക്ഷേ മമ്മൂക്ക ഉള്‍പ്പെടെയുള്ളവരുമായി കോമ്പിനേഷന്‍ സീനുകള്‍ ഉണ്ടായിരുന്നതിനാല്‍ 45 ദിവസം ഇവിടെ നില്‍ക്കേണ്ടിവന്നു.

കൂടുതല്‍ പ്രാധാന്യം നല്‍കി

എന്റെ തമിഴ് ചിത്രം കടമ്പന്റെ ചിത്രീകരണത്തിന് ഇത് വെല്ലുവിളി ഉയര്‍ത്തി. പക്ഷേ ആന്‍ഡ്രൂസ് ഈപ്പന്‍ എന്ന കഥാപാത്രത്തിന്റെ പ്രത്യേകതയും സിനിമയുടെ പ്രമേയവുമൊക്കെ പരിഗണിച്ച് ഞാന്‍ ഗ്രേറ്റ് ഫാദറിന് പ്രാധാന്യം നല്‍കി', ആര്യ പറയുന്നു.