ഉശിരുള്ള മത്സരം, ദുല്‍ഖറിന്റെ സിഐഎ നാല് ദിവസം കൊണ്ട് കേരളത്തില്‍ നിന്ന് നേടിയ കോടികള്‍?

നാല് ദിവസത്തെ കലക്ഷന്‍

ട്രേഡ് അനലൈസ് റിപ്പോര്‍ട്ടുകള്‍ പ്രകാരം കോമ്രേഡ് ഇന്‍ അമേരിക്ക നാല് ദിവസം കൊണ്ട് കേരളത്തില്‍ നിന്ന് മാത്രം നേടിയത് 9.70 കോടി രൂപയാണ്. നാലാം ദിവസവും ചിത്രം രണ്ട് കോടി കലക്ഷന്‍ നേടി.

ആദ്യ മൂന്ന് ദിവസം

മെയ് 5, വെള്ളിയാഴ്ചയാണ് സിഐഎ തിയേറ്ററിലെത്തിയത്. വാരാന്ത്യത്തില്‍ ചിത്രത്തിന് മികച്ച കലക്ഷന്‍ നേടാന്‍ കഴിഞ്ഞു. കേരളത്തില്‍ മൂന്ന് ദിവസം പിന്നിട്ടപ്പോള്‍ ചിത്രത്തിന്റെ കലക്ഷന്‍ 7.70 കോടി രൂപയായിരുന്നു.

ഷെയറും നെറ്റ് പ്രോഫിറ്റും

റിപ്പോര്‍ട്ടുകള്‍ പ്രകാരം കോമ്രേഡ് ഇന്‍ അമേരിക്ക നാല് ദിവസം കൊണ്ട് കേരളത്തില്‍ നിന്ന് നേടിയ നെറ്റ് പ്രോഫിറ്റ് 7.87 കോടി രൂപയാണ്. 4.53 കോടിയാണ് നിര്‍മാതാവിന്റെ ഷെയര്‍. അമല്‍ നീരദ് തന്നെയാണ് ചിത്രം നിര്‍മിച്ചിരിയ്ക്കുന്നതും.

കേരളത്തിന് പുറത്ത്

ഇന്ത്യയിലെ പ്രധാന റിലീസിങ് തിയേറ്ററുകളില്‍ നിന്നും ചിത്രത്തിന് മികച്ച അഭിപ്രായങ്ങളാണ് ലഭിയ്ക്കുന്നത്. എന്നാല്‍ ഇതുവരെ കേരളത്തിന് പുറത്തുള്ള കലക്ഷന്‍ റിപ്പോര്‍ട്ട് പുറത്തുവിട്ടിട്ടില്ല. ഇന്ത്യയ്ക്ക് പുറത്ത് മെയ് അവസാന വാരത്തോടെ ചിത്രം റിലീസ് ചെയ്യും