Don't Miss!
- News വി മുരളീധരന് കെട്ടിവെയ്ക്കാനുള്ള പണം നല്കിയത് യുക്രൈനില് നിന്നും മടങ്ങിയെത്തിയ വിദ്യാർത്ഥികൾ
- Lifestyle അധികം മിനക്കെടാതെ ഹോട്ടല് സ്റ്റൈല് മഷ്റൂം പെപ്പര് ഫ്രൈ
- Automobiles പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ദിലീപ് വീണ്ടും സാധാരണക്കാരനാകുന്നു
അടുത്ത വീട്ടിലെ പയ്യന് എന്നായിരുന്നു ദിലീപിന്റെ കഥാപാത്രങ്ങളെ പൊതുവെ വിശേഷിപ്പിച്ചിരുന്നത്. തമാശ പറയുന്ന, മറ്റുള്ളവരുടെ സങ്കടങ്ങള് പങ്കുവയ്ക്കുന്ന, ചെറിയൊരു പ്രണയവും അല്പ്പം ചുറ്റിക്കളിയുമൊക്കെയുള്ളൊരു പയ്യന്. ഈ വേഷം ദിലീപ് നന്നായി ചെയ്ത് കയ്യടി വാങ്ങിയിരുന്നു. എന്നാല് അടുത്തിടെയായി ദിലീപ് ആക്ഷന് വേഷങ്ങളിലേക്കു പോയതോടെ ദിലീപിന്റെ ഈ ഇമേജിനു തിരിച്ചടി കിട്ടി. ചില ചിത്രങ്ങള് വേണ്ടത്ര ശ്രദ്ധിക്കാതെ പോയി. അതുകൊണ്ട് അടുത്ത വീട്ടിലെ പയ്യന് എന്ന ഇമേജ് വീണ്ടെടുക്കാന് വിണ്ടും സാധാരണക്കാരുടെ വേഷം ചെയ്യാന് പോകുകയാണ് ദിലീപ്.
ഈ വര്ഷത്തെ മികച്ച നടനും നടിയും ആര്, സിനിമ ഏത്??
ദിലീപും ജീത്തു ജോസഫും ഒന്നിക്കുന്ന ലൈഫ് ഓഫ് ജോസൂട്ടി, സുരേഷ് ദിവാകര് ഒരുക്കുന്ന മര്യാദ രാമന് എന്നിവയില് സാധാരണക്കാരനായിട്ടാണ് ദിലീപ് അഭിനയിക്കുന്നത്.
മലയോര ഗ്രാമത്തിലെ ജോസൂട്ടി എന്ന സാധാരണക്കാരനായിട്ടാണ് ദിലീപ് ജോസൂട്ടിയില് അഭിനയിക്കുന്നത്. കുടുംബവുമായി ഏറെ അടുപ്പം പുലര്ത്തുന്ന ജോസൂട്ടി ഒരു കര്ഷകനാണ്. ജോസൂട്ടിയുടെ എട്ടു വയസ്സു മുതല് 38 വരെയുള്ള ജീവിതമാണ് സിനിമയില് പറയുന്നത്. ജ്യോതികൃഷ്ണയും ദേവികയുമാണ് നായികമാര്. സുരാജ് വെഞ്ഞാറമൂട്, ചെമ്പില് അശോകന്, ഹരീഷ് പേരടി എന്നിവരാണു മറ്റു താരങ്ങള്. രാജേഷ് വര്മയാണ് കഥയും തിരക്കഥയും. ജീത്തു ജോസഫ് ആദ്യമായി മറ്റൊരാളുടെ തിരക്കഥയില് സംവിധാനം ചെയ്യുകയാണ്. മൈ ബോസിനു ശേഷം ദിലീപുമായി ഒന്നിക്കുന്ന ചിത്രം മുഴുനീള കോമഡിയാണ്.
സിബി കെ.തോമസ്- ഉദയ്കൃഷ്ണ കഥയുംതിരക്കഥയും എഴുതുന്ന മര്യാദ രാമനില് അരിമില് തൊഴിലാളിയായിട്ടാണ് ദിലീപ് അഭിനയിക്കുന്നത്. സൈക്കിളില് അരിയെത്തിച്ചു നല്കുന്ന രാമു. നിക്കി ഗില്റാണിയാണ് നായിക. ആന്റോ ജോസഫ് ചിത്രം നിര്മിക്കുന്നത്.
വീണ്ടും സാധാരണക്കാരില് ഒരുവായിട്ട് എത്തുകയാണ് ദിലീപ്. പ്രേക്ഷകര് കൈവിടില്ല എന്നു പ്രതീക്ഷിക്കാം.