ഹോം

വാർത്ത

സ്ത്രീ വിഷയങ്ങളില്‍ താല്‍പര്യമുള്ള രണ്ടു ഡോക്ടര്‍മാര്‍. അതിലൊരാള്‍ ദിലീപ്. മറ്റേയാള്‍ ബിജു മേനോനും. ഹ്യൂമറിന്റെ പശ്ചാത്തലത്തില്‍ ദിലീപും ബിജുമേനോനും പുതിയൊരു ഹിറ്റിനായി വീണ്ടും ഒന്നിക്കുകയാണ്. മായാമോഹിനിയില്‍ പ്രേക്ഷകരെ ചിരിപ്പിച്ച ഈ കൂട്ടുകെട്ട് ഒരുക്കുന്നത് ജയസൂര്യയാണ്. സ്പീഡ് ട്രാക്ക്, എയ്ഞ്ചല്‍ ജോണ്‍ എന്നീ ചിത്രങ്ങള്‍ക്കു ശേഷം ജയസൂര്യ സംവിധാനം ചെയ്യുന്ന ചിത്രം നിര്‍മിക്കുന്നത് ദിലീപ് തന്നെ.

സംവിധായകന്റെതാണ് കഥയും തിരക്കഥയും. ആശുപത്രിയുടെ പശ്ചാത്തലത്തിലാണ് കഥയൊരുങ്ങുന്നത്. ജയസൂര്യയുടെ ആദ്യ ചിത്രത്തിലും ദിലീപ് തന്നെയായിരുന്നു നായകന്‍. സ്‌പോര്‍ട്‌സിന്റെ പശ്ചാത്തലത്തിലായുന്നു സിനിമയൊരുക്കിയിരുന്നത്. ചാര്‍മിയായിരുന്നു നായിക. ആവറേജ് ഹിറ്റായിരുന്നു ചിത്രം. രണ്ടാമത്തെ ചിത്രമായ എയ്ഞ്ചല്‍ ജോണില്‍ മോഹന്‍ലാല്‍അതിഥി താരമായിരുന്നു. ഭാഗ്യരാജിന്റെ മകന്‍ ശന്തനു ആയിരുന്നു നായകന്‍. പക്ഷേ, ചിത്രം വന്‍ പരാജയമായിരുന്നു.

ഇപ്പോള്‍ ജിത്തു ജോസഫിന്റെ ലൈഫ് ഓഫ് ജോസൂട്ടിയിലാണ് ദിലീപ് അഭിനയിക്കുന്നത്്. സുഗീതിന്റെ നാരങ്ങാമിഠായിയിലാണ് ബിജു മേനോനുള്ളത്.