''പുലിമുരുകന്‍ വിജയിച്ചപ്പോള്‍ ആദ്യം വിളിച്ചത് മമ്മൂട്ടി''

രണ്ടാമത്തെ ദിവസം തന്നെ മമ്മൂട്ടി വിളിച്ചു

പുലി മുരുകന്റെ വിജയത്തില്‍ ആദ്യമായൊരു ഗിഫ്റ്റ് തന്നത് മമ്മൂട്ടിയാണെന്ന് വൈശാഖ് പറയുന്നു. ചിത്രം റീലീസ് ചെയ്ത് രണ്ടാമത്തെ ദിവസം തന്നെ മമ്മൂട്ടി തന്നെ വിളിച്ചു. യാതൊരു പിശുക്കുമില്ലാതെയാണ് മമ്മൂട്ടി തന്റെ സന്തോഷം അറിയിച്ചതെന്നും സംവിധായകന്‍ പറയുന്നു.

സിനിമയുടെ സാധ്യതകളെ കുറിച്ച് സംസാരിച്ചു

മമ്മൂട്ടി വിളിച്ചപ്പോള്‍ പുലിമുരുകനെ കുറിച്ച് മാത്രമല്ല സംസാരിച്ചത് സിനിമയുടെ പുതിയ സാധ്യതകളെ കുറിച്ചും തങ്ങള്‍ തമ്മില്‍
സംസാരിച്ചു.

പോക്കിരിരാജയുടെ സംവിധാനത്തെ കുറിച്ച്

ആദ്യ ചിത്രം പോക്കിരിരാജയുടെ കാസ്റ്റിങ്ങിനായി പോയപ്പോള്‍ മമ്മൂട്ടി തന്റെ സംവിധാനത്തെ കുറിച്ച് ചോദിച്ചിരുന്നു. നന്നായിട്ടൊക്കെ സംവിധാനം ചെയ്യുമോടോ എന്നാണ് അന്ന് മമ്മൂട്ടി ചോദിച്ചതെന്ന് വൈശാഖ് പറയുന്നു.

ചിത്രങ്ങള്‍ മമ്മൂട്ടിയ്ക്ക് ഇഷ്ടമാവുമോ എന്നു വിചാരിക്കും

താന്‍ ചെയ്യുന്ന ചിത്രങ്ങളെല്ലാം മമ്മൂട്ടിയ്ക്ക് ഇഷ്ടമാവുമോ എന്ന് ആലോചിക്കാറുണ്ടെന്നും താന്‍ മമ്മൂട്ടിയുടെ കണ്ടെത്തലാണെന്നും വൈശാഖ് അഭിമുഖത്തില്‍ പറയുന്നുണ്ട്.