Don't Miss!
- News പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി
- Lifestyle ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും
- Sports IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ്
- Automobiles പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പേരില്ലാതെ പേരെടുക്കാന് ദുല്ഖര് തയ്യാര്
സിനിമയിലെ കഥാപാത്രങ്ങള്ക്ക് പേര് നിര്ബന്ധമാണോ ? ഓ പേരില്ലാതെ എന്ത് കഥാപാത്രമെന്ന് പറഞ്ഞ് നെറ്റിചുളിക്കുന്നവര്ക്ക് മുന്നിലേക്ക് പേരില്ലാത്ത കഥാപാത്രവുമായി എത്തുകയാണ് മലയാളത്തിലെ യുവതാരനിരയില് ശ്രദ്ധേയനായ ദുല്ഖര് സല്മാന്. എന്തായാലും മലയാളസിനിമയില് ഇത് പുതിയ പരീക്ഷണങ്ങളുടെ കാലമാണ്. സംവിധായകന് കമലിന്റെ മകന് ജാനൂസ് മുഹമ്മദ് ആദ്യമായി സംവിധാനം നിര്വഹിക്കുന്ന 100 ഡേയ്സ് ഓഫ് ലവ് എന്ന ചിത്രത്തിലാണ് ദുല്ഖര് പേരില്ലാത്ത കഥാപാത്രമാകുന്നത്. ലണ്ടന് ഫിലിം സ്കൂളില് നിന്ന് ബിരുദ പഠനം പൂര്ത്തിയാക്കിയ ജാനൂസ് നിരവധി ചിത്രങ്ങളില്
സഹസംവിധായകനായി പ്രവര്ത്തിച്ചിട്ടുണ്ട്. ആഷിഖ് അബുവിന്റെ 22 ഫീമെയില് കോട്ടയം, ലാല് ജോസിന്റെ അയാളും ഞാനും തമ്മില് എന്നിവ അവയില് ചിലതാണ്. കാര്ട്ടൂണിസ്റ്റാകാന് ആഗ്രഹിച്ചുനടക്കുന്ന മാധ്യമപ്രവര്ത്തകന്റെ വേഷമാണ് സിനിമയില് ദുല്ഖറിന്. ഉസ്താദ് ഹോട്ടല് എന്ന ചിത്രത്തില് ദുല്ഖറിനൊപ്പം തിളങ്ങിയ നിത്യാമേനോനാണ് ഈ ചിത്രത്തിലും ദുല്ഖറിന്റെ നായിക.
കമല് ചിത്രങ്ങളിലെ പോലെ തന്നെ കാല്പനികമായ പ്രണയത്തിലൂടെ കഥ പറയാനാണ് തന്റെ ആദ്യ ചിത്രത്തിലൂടെ ജാനൂസിന്റെ ശ്രമം. ബാഗ്ലൂര് ഡേയ്സിനു ശേഷം ദുല്ക്കറും നിത്യയും ബാഗ്ലൂര് പശ്ചാത്തലമുളള സിനിമയില് അഭിനയിക്കുന്നുവെന്ന പ്രത്യേകതയും ചിത്രത്തിനുണ്ട്. നൂറ് ദിവസത്തിനുളളില് സംഭവിക്കുന്ന രസകരമായ ഒരു പ്രണയകഥയുടെ ചലച്ചിത്രാവിഷ്ക്കാരമാണ് 100 ഡേയ്സ് ഓഫ് ലവ്. സംവിധായകന്റേതു തന്നെയാണ് തിരക്കഥ. ഐശ്വര്യ സ്നേഹ മൂവീസ് ബാനറില് വിജയകുമാര് പാലക്കുന്നാണ് ചിത്രം നിര്മ്മിക്കുന്നത്. പ്രതീഷ് വര്മ്മ ഛായാഗ്രഹണം നിര്വഹിക്കുന്ന ചിത്രം ആന്മെഗാമീഡിയ തിയേറ്ററുകളിലെത്തിക്കും.റഫീഖ് അഹമ്മദിന്റേതാണ് ഗാനരചന. തൈക്കൂടം ബ്രിഡ്ജ് എന്ന ബാന്ഡിലൂടെ ശ്രദ്ധേയനായ ഗോവിന്ദ് മേനോനാണ് സംഗീതസംവിധാനം. ചിത്രത്തിന്റെ ഷൂട്ടിങ് ബാംഗ്ലൂരില് പുരോഗമിക്കുകയാണ്. വിനീത്, അജു വര്ഗീസ്, ശേഖര് മേനോന്, പ്രവീണ എന്നിവരാണ് ചിത്രത്തിലെ മറ്റ് താരങ്ങള്.