തന്റെ പ്രേമം വിട്ടുകൊടുത്തിന് നിവിന്‍ പോളി സ്വന്തമാക്കിയത് ?, എന്നിട്ട് എന്ത് സംഭവിച്ചു ?

പ്രേമത്തിന് ശേഷം നിവിന്‍

നിവിന്‍ പോളിയുടെ കരിയറിനെ പ്രേമത്തിന് മുന്‍പെന്നും ശേഷമെന്നും വിശേഷപ്പിയ്ക്കുന്നത് വരെ എത്തിയിരുന്നു ആ സിനിമയുടെ വിജയം. മലയാളത്തിന് പുറമെ തെലുങ്കിലും തമിഴിലും കന്നടയിലുമൊക്കെ നിവിന്‍ ആരാധകരെ കൂട്ടിയത് പ്രേമം എന്ന ഒറ്റ ചിത്രത്തിലൂടെയാണ്.

തമിഴില്‍ ഹിറ്റായത്

നേരം എന്ന സിനിമ നിവിന്റെ പേരില്‍ തമിഴകത്ത് റിലീസ് ചെയ്തിരുന്നുവെങ്കിലും, നടന് സ്വീകാര്യത ലഭിച്ചത് പ്രേമത്തിന് ശേഷമാണ്. ചെന്നൈയില്‍ ചിത്രം 250 ദിവസം പ്രദര്‍ശിപ്പിച്ചു. പ്രേമത്തിന് ശേഷം തമിഴകത്ത് നിന്ന് ധാരാളം അവസരങ്ങള്‍ നിവിനെ തേടിയെത്തി. എന്നാല്‍ നല്ലൊരു തിരക്കഥയ്ക്ക് വേണ്ടി കാത്തിരിയ്ക്കുകയായിരുന്നു താരം.

റിച്ചി എന്ന ചിത്രം കിട്ടിയത്

അങ്ങനെ ഏറ്റവുമൊടുവില്‍ നിവിന്‍ തമിഴില്‍ ഒരു സിനിമ ഏറ്റെടുത്തു. ഗൗതം രാമചന്ദ്രന്‍ സംവിധാനം ചെയ്യുന്ന റിച്ചി റിലീസിന് തയ്യാറെടുക്കുകയാണ്. 2014 ല്‍ കന്നട സിനിമാ ലോകത്തെ ഇളക്കി മറിച്ച ഉളിദവരു കണ്ടതെ എന്ന ചിത്രത്തിന്റെ തമിഴ് റീമേക്കാണ് റിച്ചി. ആക്ഷന്‍ ചിത്രമായ ഉളിദവരു കണ്ടതെയെ ഏറെ മാറ്റങ്ങള്‍ക്ക് വിധേയമാക്കിയാണ് തമിഴ് സംസാരിപ്പിക്കുന്നത്.

പ്രേമം വിട്ടുകൊടുത്ത് നേടിയത്

റിച്ചി നിവിന്‍ തിരെഞ്ഞെടുക്കാന്‍ കാരണവും പ്രേമം തന്നെയാണ്. കന്നഡസിനിമയിലെ സകലകലാഭല്ലവനായ രക്ഷിത്‌ഷെട്ടി 'പ്രേമം' ചോദിച്ചപ്പോള്‍ ഉളിദവരു കണ്ടതെയെ നിവിന്‍ തിരിച്ചും ചോദിച്ചു. 2016 ല്‍ നിവിന്‍ പോളിയുടെ പ്രേമം ഏറെ ഭേദഗതികളോടെ 'കിരിക്ക് പാര്‍ട്ടി' എന്ന പേരില്‍ രക്ഷിത് ഷെട്ടി കന്നഡയിലേക്ക് റിമേക്ക് ചെയ്തിരുന്നു. ചിത്രം ബ്ലോക്ക് ബസ്റ്റര്‍ ലിസ്റ്റിലായിരുന്നു സ്ഥാനം പിടിച്ചത്.