തമിഴ്‌നാട് പോലീസിനെ പേടിച്ചു വിറച്ച ജയസൂര്യയും പൃഥ്വിയും, പോണ്ടിച്ചേരിയില്‍ അന്ന് സംഭവിച്ചത് ??

പോണ്ടിച്ചേരിയിലെ ഷൂട്ടിങ്ങ്

സ്വപ്‌നക്കൂട് സിനിമയിലുടനീളം മൂവര്‍സംഘം സഞ്ചരിച്ചിരുന്ന ജീപ്പ് തന്നെയാണ് ഈ കഥയിലെയും പ്രധാന കഥാപാത്രം. ഷൂട്ടിങ്ങിന് ഉപയോഗിച്ച് കഴിഞ്ഞ് സ്ഥലം കാണുന്നതിനും കറങ്ങി നടക്കുന്നതിനുമായും വണ്ടി ഉപയോഗിച്ചിരുന്നു. താരങ്ങള്‍ കറങ്ങി നടക്കുന്നതിനിടയിലാണ് ഇക്കാര്യം സംഭവിച്ചത്.

കറങ്ങി നടക്കുന്നതിനിടയില്‍ സംഭവിച്ചത്

സ്വപ്‌നക്കൂടിന്റെ ഷൂട്ടിങ്ങ് കഴിഞ്ഞ് താരങ്ങള്‍ കറങ്ങി നടക്കുന്നതിനിടയിലാണ് താരങ്ങള്‍ പോലീസ് പിടിയിലായത്. വണ്‍വേ തെറ്റിച്ച് വാഹനമോടിച്ചതിനാണ് താരങ്ങളെ പോലീസ് പൊക്കിയത്.

ജയസൂര്യയ്ക്ക് ഇഷ്ടപ്പെട്ടില്ല

പോലീസുകാരന് പൈസ കൊടുത്ത് രക്ഷപ്പെടാനാണ് പൃഥ്വിരാജ് ശ്രമിച്ചത്. എന്നാല്‍ ജയസൂര്യയ്ക്ക് അതിഷ്ടപ്പെട്ടില്ല. തമിഴ് നാട്ടിലുള്ളവരൊക്കെ സിനിമാ താരങ്ങളെ ആരാധിക്കുന്നവരായതിനാല്‍ പൈസ കൊടുക്കാതെ രക്ഷപ്പെടാനാവുമെന്നാണ് ജയസൂര്യ കരുതിയത്.

സിനിമാ താരങ്ങളാണെന്ന് പറഞ്ഞപ്പോള്‍

ജയസൂര്യയുടെ ഐഡിയ പ്രകാരം തങ്ങള്‍ സിനിമാ താരങ്ങളാണെന്നും ഷൂട്ടിങ്ങിനിടയില്‍ സ്ഥലം കാണാനായി വന്നതാണെന്നും അറിയിച്ച താരങ്ങളോട് കൂടുതല്‍ പൈസ ആവശ്യപ്പെട്ടു. നൂറു രൂപയ്ക്ക് പ്രകാരം അഞ്ഞൂറു രൂപ കൊടുത്താണ് പിന്നെ അവിടെ നിന്നും താരങ്ങള്‍ രക്ഷപ്പെട്ടത്.