Don't Miss!
- Sports T20 World Cup: ഡികെയ്ക്ക് ഇനിയും അവസരം കൊടുക്കണ്ട! യോഗ്യരായ യുവാക്കള് പുറത്തുണ്ട്; തുറന്നടിച്ച് മുന് താരം
- Lifestyle മഹാവ്യാധിയും ദുരിതവും അകറ്റാന് ശക്തി തരും കേതു: കലഹം, ദാരിദ്ര്യം, രോഗം പരിഹാരം ഇതെല്ലാം
- News 48 മണിക്കൂര് ഒരു തുള്ളി മദ്യം കിട്ടില്ല, ബിവറേജും ബാറും അടച്ചിടും; കേരളത്തില് നാളെ മുതല് ഡ്രൈ ഡേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Automobiles ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഷൂട്ടിംഗിനിടെ പരിക്കേറ്റിട്ടില്ല, സംഭവം മേക്കപ്പ്: കമല്ഹസന്
ദൃശ്യത്തിന്റെ തമിഴ് പതിപ്പായ പാപനാശത്തിന്റെ ചിത്രീകരണത്തിനിടെ പരിക്കേറ്റു എന്ന വാര്ത്തകള് ഉലകനായകന് കമല്ഹസന് നിഷേധിച്ചു. ചിത്രീകരണത്തിനിടെ പരിക്കേറ്റു എന്ന തരത്തിലുള്ള വാര്ത്തകള് പ്രചരിക്കുന്നുണ്ട്. എന്നാല് അങ്ങനെ ഒരു സംഭവം ഇല്ല. എനിക്ക് പരിക്കേറ്റു എന്ന വാര്ത്തകള് തെറ്റാണ് - കമല്ഹസന് ഒരു പ്രസ്താവനയില് പറഞ്ഞു.
ഷൂട്ടിംഗിന് വേണ്ടി ഉപയോഗിച്ച മേക്കപ്പാണ് പ്രശ്നക്കാരനായതെന്നും കമല് പറഞ്ഞു. മുഖത്തുനിന്നും മേക്കപ്പ് മാറ്റാന് വൈദ്യസഹായം വേണ്ടിവന്നു എന്നത് നേരാണ്. സ്റ്റണ്ട് സീന് ചിത്രീകരണമായതിനാല് മുഖത്ത് കൃത്രിമമായി ഉണ്ടാക്കിയ പരിക്കുകളും ചോരപ്പാടുകളും ഉണ്ടായിരുന്നു. പരിക്കേറ്റ മുഖവുമായി കമലഹാസന് ആശുപത്രിയിലേക്ക് പോകുന്നത് കണ്ടതോടെയാണ് ഷൂട്ടിംഗിനിടെ പരിക്കേറ്റ കമല് ആശുപത്രിയില് എന്ന വാര്ത്ത പരന്നത്.
സംഭവം ഷൂട്ടിംഗിനിടയിലെ കലാപരിപാടിയാണെന്നും പരിക്കേറ്റതല്ലെന്നും കമല് തന്നെ വിശദീകരിച്ചപ്പോഴാണ് ആരാധകര് സത്യമറിയുന്നത്. മലയാളത്തില് വന് വിജയമായിരുന്ന ദൃശ്യം എന്ന മോഹന്ലാല് ചിത്രത്തിന്റെ തമിഴ് പതിപ്പാണ് പാപനാശം. ദൃശ്യം ഒരുക്കിയ ജീത്തു ജോസഫ് തന്നെയാണ് പാപനാശത്തിനും സ്റ്റാര്ട്ട്, ആക്ഷന്, കട്ട് പറയുന്നത്.
മലയാളത്തില് മോഹന്ലാലിന് ജോഡിയായി അഭിനയിച്ച് മീനയായിരുന്നു. തമിഴില് ഗൗതമിയായിരിക്കും കമലിന് കൂട്ടായി എത്തുന്നത്. മലയാളത്തില് അന്സിബ ഹസന് കൈകാര്യം ചെയ്ത മോഹന്ലാലിന്റെ മകള് വേഷം തമിഴില് നിവേദയ്ക്കാണ്. കന്നഡയിലും ദൃശ്യം റീമേക്ക് ചെയ്തിരുന്നു. കന്നഡയില് ചിത്രത്തിന് പേര് ദൃശ്യം എന്ന് തന്നെയായിരുന്നു.