ആദ്യ കാഴ്ചയില്‍ ഗൗരവക്കാരനായി തോന്നാമെങ്കിലും അടിമുടി മാന്യനാണ് മമ്മൂട്ടിയെന്ന് ഹുമ ഖുറേഷി

മറക്കാന്‍ കഴിയാത്ത അനുഭവം

മമ്മൂക്കക്കൊപ്പം പ്രവര്‍ത്തിച്ചത് എന്റെ അഭിനയജീവിതത്തിലെ തന്നെ മറക്കാന്‍ കഴിയാത്ത സംഭവമായിരുന്നു. ആ തോന്നല്‍ ഒട്ടും തെറ്റിയില്ല.

മലയാള സിനിമ

മലയാളസിനിമയില്‍ നയികമാര്‍ക്കും പ്രാധാന്യമുണ്ടെന്ന് കേട്ടിരുന്നു. അത് സത്യമാണെന്ന് മനസ്സിലായി.

സ്‌ക്രീന്‍ കെമിസ്ട്രി

മമ്മൂക്കക്കൊപ്പം ഒട്ടുമിക്ക സീനുകളിലും അഭിനയിച്ചു. അദ്ദേഹത്തോടൊപ്പം നല്ല സ്‌ക്രീന്‍ കെമിസ്ട്രിയുണ്ടെന്ന് പലരും പറഞ്ഞു.

വിലമതിക്കാനാകാത്ത അനുഭവം

അടിമുടി മാന്യനായ മനുഷ്യനാണ് മമ്മൂട്ടി. അഭിനയത്തില്‍ ഒരിതിഹാസവും. അഭിനയത്തെ സീരിയസ്സായി കാണുന്ന എനിക്ക് മമ്മൂട്ടിയോടൊപ്പമുള്ള സിനിമ വിലമതിക്കാനാവാത്ത അനുഭവമായിരുന്നു.

ലാളിത്യമുള്ള മനുഷ്യന്‍

ആദ്യ കാഴ്ചയില്‍ ഗൗരവക്കാരനെന്ന് തോന്നിക്കുമെങ്കിലും തമാശകള്‍ പറയുന്ന, ലാളിത്യമുള്ളയാളാണ് മമ്മൂക്ക. എനിക്ക് സെറ്റില്‍ അപരിചിതത്വം തോന്നാതിരിക്കാന്‍ അദ്ദേഹം ശ്രദ്ധിച്ചിരുന്നു.

ഇന്ത്യന്‍ സിനിമയുടെ അഭിമാനം

അമിതാഭ്ബച്ചന്‍, മമ്മൂട്ടി, മോഹന്‍ലാല്‍, കമലഹാസന്‍ തുടങ്ങിയവര്‍ ഇന്ത്യന്‍സിനിമയുടെ തന്നെ അഭിമാനമാണ്. ഇത്രയും വര്‍ഷം ഇന്‍ഡസ്ട്രിയില്‍ നിറഞ്ഞുനില്‍ക്കുന്നത് തന്നെയാണ് ഏറ്റവും വലിയ അത്ഭുതം. ഇനിയാര്‍ക്കും അതിന് കഴിയുമെന്നും തോന്നുന്നില്ല- ഹുമ പറഞ്ഞു