ഭാനുമതിയെയും ഭദ്രയെയും പോലെ സുജാത.. മഞ്ജുവിന്റെ ഈ ഫോട്ടോ കണ്ടിട്ട് എന്ത് തോന്നുന്നു ?

ഭാനുവിനെയും ഭദ്രയെയും പോലെ

കന്മദം എന്ന ചിത്രത്തിലെ ഭാനുമതിയുടെയും കണ്ണെഴുതി പൊട്ടും തൊട്ട് എന്ന ചിത്രത്തിലെ ഭദ്രയുടെയും ഒരു ഛായ സുജാതയ്ക്കും ഇല്ലേ. മഞ്ജുവിന്റെ മുഖത്തെ ചിരി ഈ സിനിമയില്‍ കുടുംബ പ്രേക്ഷകര്‍ക്ക് നല്‍കുന്ന വിശ്വാസമാണ്.

ആരാണ് സുജാത

വിധവയും പതിനഞ്ച് വയസ്സുകാരിയുടെ അമ്മയുമാണ് സുജാത. തിരുവനന്തപുരത്തെ ചെങ്കല്‍ചോളക്കാരിയായ സുജാത ജീവിയ്ക്കാനും മകളെ പഠിപ്പിയ്ക്കാനും വേണ്ടി നടത്തുന്ന പോരാട്ടമാണ് ഉദാഹരണം സുജാത എന്ന ചിത്രം പറയുന്നത്.

കുടുംബ പ്രേക്ഷകര്‍ക്ക്

മാര്‍ട്ടിന്‍ പ്രക്കാട്ടിന്റെ സഹസംവിധായകനായിരുന്ന ഫാന്റം പ്രവീണ്‍ ആദ്യമായി സംവിധാനം ചെയ്യുന്ന ചിത്രമാണ് ഉദാഹരണം സുജാത . പൂര്‍ണമായും കുടുംബ പ്രേക്ഷകരെ ലക്ഷ്യം വച്ചാണ് സിനിമ എത്തുന്നത്. മാര്‍ട്ടിന്‍ പ്രക്കാട്ടും ജിജോ ജോര്‍ജ്ജും ചേര്‍ന്നാണ് ചിത്രം നിര്‍മിയ്ക്കുന്നത്.

മംമ്ത മോഹന്‍ദാസും

ചിത്രത്തില്‍ ഐപിഎസ് ഓഫീസറായി മംമ്ത മോഹന്‍ദാസും വേഷമിടുന്നുണ്ട്. ആദ്യമായാണ് മംമ്തയും മഞ്ജുവും ഒന്നിച്ചഭിനയിക്കുന്നത്. മഞ്ജുവിന്റെ മകളായി നവാഗതയായ അനശ്വര എത്തുന്നു. മറ്റ് കഥാപാത്രങ്ങളെ കുറിച്ചുള്ള വിവരങ്ങള്‍ പുറത്തുവിട്ടിട്ടില്ല.