4 സിനിമകളും 400 കോടിയും മരുന്നു തീര്‍ന്നെന്നു പറയുന്നവര്‍ക്ക് മറുപടിയുമായി മോഹന്‍ലാല്‍

നാലു സിനിമകളും 400 കോടിയും

മോഹന്‍ലാലിന്റെ നാലു സിനിമകളാണ് കഴിഞ്ഞ വര്‍ഷം റിലീസ് ചെയ്തത്. തെലുങ്ക സിനിമകളായ വിസ്മയം, ജനതാ ഗാരേജ്, മലയാള സിനിമകളായ ഒപ്പം, പുലിമുരുകന്‍ എന്നിവ. നൂറുകോടി ക്ലബിലെത്തുന്ന ആദ്യ മലയാള ചിത്രമെന്ന റെക്കോര്‍ഡ് പുലിമുരുകന്‍ സ്വന്തമാക്കി കഴിഞ്ഞു. ഇതടക്കമാണു 400 കോടിയോളം രൂപ നേടിയത്.

തെലുങ്കിലും വെന്നിക്കൊടി പാറിച്ചു

വിസ്മയം ശരാശരി കലക്ഷന്‍ നേടിയ തെലുങ്കു ചിത്രമായിരുന്നുവെങ്കിലും ജനതാ ഗാരേജ് തെലുങ്കില്‍ ഏറെ ശ്രദ്ധിക്കപ്പെട്ട ചിത്രമാണ്. ആദ്യ ദിവസത്തെ കളക്ഷനായി 41 കോടി രൂപയാണ് ലഭിച്ചത്. 140 കോടി രൂപയാണ് ജനതാ ഗാരേജിന്റെ ഇതുവരെയുള്ള കളക്ഷന്‍.

നൂറു കോടി ക്ലബിലിടം നേടിയ പുലിമുരുകന്‍

4.5 കോടി രൂപയാണ് ചിത്രത്തിന്റെ ആദ്യ ദിവസത്തെ കളക്ഷന്‍. ആദ്യ ദിവസത്തെ പതിവ് പിന്നീടങ്ങോളം ആവര്‍ത്തിച്ച ചിത്രം നൂറു കോടി ക്ലബിലും ഇടം പിടിച്ചു.

വിദേശത്തും ലാല്‍ ചിത്രങ്ങള്‍ക്ക് ഡിമാന്‍ഡ്

30 വിദേശ രാജ്യങ്ങളിലാണ് പുലിമുരുകന്‍ റിലീസ് ചെയ്തത്. മോഹന്‍ലാല്‍ എന്ന നടന്റെ വിപണി മൂല്യമാണ് കുത്തനെ ഉയര്‍ന്നത്. മൂന്നുദിവസം കൊണ്ടു 12 കോടിയും 30 ദിവസം കൊണ്ടു 100 കോടിയും ഉണ്ടാക്കാന്‍ ചിത്രത്തിനു കഴിഞ്ഞു.