ഒപ്പത്തിന് ശേഷം പുലിമുരുകനെക്കാള്‍ വലിയ ചിത്രവുമായി മോഹന്‍ലാലും പ്രിയദര്‍ശനും ഒന്നിയ്ക്കുന്നു

ലാലും പ്രിയനും വീണ്ടും

ഒപ്പത്തിന് ശേഷം മലയാളത്തിലെ ഹിറ്റ് സംവിധായകന്‍ - നായകന്‍ കൂട്ടുകെട്ട് വീണ്ടും ഒന്നിയ്ക്കുകയാണ്. ടികെ രാജീവ് കുമാറാണ് ഈ മോഹന്‍ലാല്‍ - പ്രിയദര്‍ശന്‍ ചിത്രത്തിന് തിരക്കഥ എഴുതുന്നത്.

മണിയന്‍ പിള്ളയുടെ റോള്‍

ചിത്രത്തിന്റെ നിര്‍മാതാവാണ് മണിയന്‍പിള്ള രാജു. 25 കോടിയ്ക്കാണ് ടോമിച്ചന്‍ മുളകുപാടം പുലിമുരുകന്‍ നിര്‍മിച്ചത്. എന്നാല്‍ ഈ പ്രിയന്‍ - മോഹന്‍ലാല്‍ ചിത്രം മണിയന്‍പിള്ള രാജു നിര്‍മിയ്ക്കുന്നത് 30 കോടി രൂപയ്ക്കാണ്.

നിര്‍മാണ രംഗത്ത് രാജു

പ്രിയനും ലാലും ഒന്നിച്ച ഹലോ മൈ ഡിയര്‍ റോങ് നമ്പര്‍ എന്ന ചിത്രത്തിലൂടെയാണ് മണിയന്‍ പിള്ള രാജു ആദ്യമായി സിനിമാ നിര്‍മാണ രംഗത്ത് എത്തുന്നത്. പിന്നീട് ഇതേ കൂട്ടുകെട്ടില്‍ വെള്ളാനടകളുടെ നാട് എന്ന ചിത്രവും പിറന്നു. ഏയ് ഓട്ടോ, അനശ്വരം, കണ്ണെഴുതി പൊട്ടും തൊട്ട്, അനന്ദഭദ്രം, ചോട്ട മുംബൈ, ഒരു നാള്‍ വരും, ബ്ലാക്ക് ബട്ടര്‍ ഫ്‌ളൈ, പാവാട എന്നീ ചിത്രങ്ങളും രാജു നിര്‍മിച്ചു.

പുതിയ ചിത്രത്തെ കുറിച്ച്

സിനിമയില്‍ കഥാപാത്രങ്ങളെ തീരുമാനിയ്ക്കുന്ന തിരക്കിലാണ് ഇപ്പോള്‍ ഞങ്ങള്‍. നായികയെ രണ്ട് മൂന്ന് ദിവസം കൊണ്ട് തീരുമാനിക്കും. കഥാപാത്രങ്ങളെ എല്ലാം തീരുമാനിച്ച ശേഷം സിനിമയെ കുറിച്ച് ഔദ്യോഗികമായ പ്രഖ്യാപനമുണ്ടാവും. അതുവരെ ചിത്രത്തെ കുറിച്ച് എനിക്ക് കൂടുതലൊന്നും പറയാന്‍ കഴിയില്ല - മണിയന്‍ പിള്ള രാജു പറഞ്ഞു.