പുലിമുരുകന് ശേഷം ചരിത്രമെഴുതുന്നത് മുന്തിരി വള്ളികള്‍ തന്നെ, 75 കോടി കടക്കുമെന്ന് പ്രവചനം

ഈ ചിത്രം സ്വന്തമാക്കുന്ന റെക്കോഡ്

റെക്കോഡുകള്‍ തിരുത്തിയെഴുതുന്ന കാര്യത്തില്‍ ഈ ലാല്‍ ചിത്രവും മുന്നിലാണ്. പുലിമുരുകന് ശേഷം ഏറ്റവും ചുരുങ്ങിയ സമയത്തിനുള്ളില്‍ ഏറ്റവും കൂടുതല്‍ ഷോകള്‍ പൂര്‍ത്തിയാക്കുന്ന ആദ്യ മലയാള സിനിമ എന്ന പേര് ഇപ്പോള്‍ മുന്തിരിവള്ളികള്‍ക്കാണ്. 20 ദിവസങ്ങള്‍ക്കുള്ളില്‍ 5000 ഷോകള്‍ കേരളത്തിനും കേരളത്തിന് പുറത്തുമായി പൂര്‍ത്തിയാക്കി.

കലക്ഷനും വാരിക്കൂട്ടുന്നു

കലക്ഷന്റെ കാര്യത്തിലും ഒട്ടും മോശമല്ല പുലിമുരുകന്‍, 21 ദിവസം കൊണ്ട് ചിത്രം കേരളത്തില്‍ നിന്ന് മാത്രം 25 കോടിയിലേറെ ഗ്രോസ് കലക്ഷന്‍ നേടി എന്നാണ് റിപ്പോര്‍ട്ടുകള്‍. കേരളത്തിന് പുറത്തെ കണക്കുകളും കൂട്ടുമ്പോള്‍ ഇത് മുപ്പത് കോടിയ്ക്ക് മുകളില്‍ പോകുന്നു.

75 കോടിക്ക് മുകളിലെന്ന് പ്രവചനം

ഈ ജൈത്രയാത്ര തുടരുകയാണെങ്കില്‍ മുന്തിരിവള്ളികള്‍ തളിര്‍ക്കുമ്പോള്‍ എന്ന ചിത്രം 75 കോടിക്ക് മുകളില്‍ കലക്ഷന്‍ നേടും എന്നാണ് ട്രേഡ് അനലൈസ് വിലയിരുത്തലുകള്‍. അങ്ങനെയെങ്കില്‍ പുലിമുരുകന് ശേഷം ഏറ്റവും കൂടുതല്‍ കലക്ഷന്‍ നേടുന്ന മലയാള സിനിമയെന്ന പേര് ദൃശ്യത്തിനൊപ്പം മുന്തിരി വള്ളികളും കരസ്ഥമാക്കും.

മുന്തിരി വള്ളികള്‍ തളിര്‍ക്കുമ്പോള്‍

വെള്ളിമൂങ്ങയ്ക്ക് ശേഷം ജിബു ജേക്കബ് സംവിധാനം ചെയ്ത കുടുംബ ചിത്രമാണ് മുന്തിരി വള്ളികള്‍ തളിര്‍ക്കുമ്പോള്‍. മീനയും മോഹന്‍ലാലും താരജോഡികളായി എത്തിയ ചിത്രത്തില്‍ അനൂപ് മേനോന്‍, സൃന്ദ അഷബ്, അയ്മ സെബാസ്റ്റിന്‍, സനൂപ് സന്തോഷ്, നേഹ സെക്‌സാന, രാഹുല്‍ മാധവ് തുടങ്ങിയവര്‍ മറ്റ് കേന്ദ്ര കഥാപാത്രങ്ങളെ അവതരിപ്പിച്ചിരിയ്ക്കുന്നു. വിജെ ജെയിംസിന്റെ പ്രണയോപനിഷത്തിനെ ആസ്പദമാക്കി സിന്ദുരാജ് തിരക്കഥ എഴുതിയ ചിത്രം നിര്‍മിച്ചിരിയ്ക്കുന്നത് സോഫിയാ പോളാണ്.