മോഹന്‍ലാലിനൊപ്പം അഭിനയിക്കുന്നതിന് മുന്‍പ് ചെറിയൊരു മാറ്റം, നടുവില്‍ നിന്ന് ഒരു പേര് പോയി !!

എന്താണ് മാറ്റം

പേര് മാറ്റുന്നു.. അതെ ഭാഗ്യം നോക്കിയും ന്യൂമറോളജി നോക്കിയും പലരും പേര് മാറ്റുന്നത് പതിവാണ്. എന്നാല്‍ ലിച്ചി വിളിക്കാനുള്ള സൗകര്യത്തിന് വേണ്ടിയാണ് പേര് മാറ്റുന്നത്. ഭീകരമായ മാറ്റമൊന്നുമില്ല, അന്ന രേഷ്മ രാജന്‍ എന്ന് പേര് ഇനി അന്ന രാജന്‍ എന്ന് മാത്രമാകും.

അന്ന പറയുന്നു

അന്ന തന്നെയാണ് പേര് മാറ്റിയ കാര്യം ആരാധകരെ അറിയിച്ചത്. വിളിക്കാനുള്ള സൗകര്യത്തിന് വേണ്ടിയാണ് അന്ന രേഷ്മ രാജന്‍ എന്ന പേരിന് നടുവില്‍ നിന്ന് രേഷ്മ എന്ന പേര് എടുത്ത് മാറ്റിയത് എന്ന് നടി വ്യക്തമാക്കുന്നു.

ആദ്യ ചിത്രത്തില്‍

ആദ്യ ചിത്രത്തിന്റെ ടൈറ്റില്‍ കാര്‍ഡില്‍ രേഷ്മ രാജന്‍ എന്നാണ് പേര് ഉണ്ടായിരുന്നത്. പേര് രേഷ്മ രാജന്‍ എന്നായാലും, അന്ന രാജന്‍ എന്നായാലും അങ്കമാലി ഡയറീസ് കണ്ടവരുടെ മനസ്സില്‍ ലിച്ചി എന്ന പേര് മാത്രമേ നില്‍ക്കൂ.. അത്രയേറെ ആ കഥാപാത്രം സ്വാധീനിക്കുന്നു

ലാലിനൊപ്പം

അന്ന രാജന്‍ എന്ന പേരോടെയാണ് നടി ഇപ്പോള്‍ മോഹന്‍ലാല്‍ ചിത്രത്തിലേക്ക് കടക്കുന്നത്. വര്‍ഷങ്ങളുടെ കാത്തിരിപ്പിന് ശേഷം ലാല്‍ ജോസും മോഹന്‍ലാലും ആദ്യമായി ഒന്നിക്കുന്ന ചിത്രത്തില്‍ കേന്ദ്ര നായികയാണ് അന്ന.