എന്നാപ്പിന്നെ അവരുടെ തര്‍ക്കം തീരട്ടെ; മമ്മൂട്ടിയും കാളിദാസും അത് കഴിഞ്ഞ് വരും.. ഹല്ല പിന്നെ!!

ദ ഗ്രേറ്റ് ഫാദര്‍

ഏറെ പ്രതീക്ഷയോടെ എത്തുന്ന മമ്മൂട്ടിയുടെ ദ ഗ്രേറ്റ് ഫാദര്‍ എന്ന ചിത്രത്തിന്റെ റിലീസ് മാര്‍ച്ചിലേക്ക് നീട്ടി. തിയ്യതി തീരുമാനിച്ചിട്ടില്ല. നവാഗതനായ ഹനീഫ് അദേനി സംവിധാനം ചെയ്യുന്ന ചിത്രം ജനവരി 27 ന് റിലീസ് ചെയ്യാനായിരുന്നു പദ്ധതിയിട്ടിരുന്നത്. ആഗസ്റ്റ് സിനിമാസാണ് ചിത്രം നിര്‍മിയ്ക്കുന്നത്.

പൂമരം

കാളിദാസ് ആദ്യമായി മലയാളത്തില്‍ നായകനായി അഭിനയിക്കുന്ന പൂമരം എന്ന ചിത്രവും മാര്‍ച്ചിലേക്ക് നീട്ടി വച്ചു. എബ്രിഡ് ഷൈന്‍ സംവിധാനം ചെയ്യുന്ന ചിത്രം ഫെബ്രുവരി 4 ന് റിലീസ് ചെയ്യാനായിരുന്നു നേരത്തെ പദ്ധതിയിട്ടിരുന്നത്.

ജോമോനും എസ്രയും മുന്തിരി വള്ളികളും

മോഹന്‍ലാല്‍ നായകനാകുന്ന മുന്തിരി വള്ളികള്‍ തളിര്‍ക്കുമ്പോള്‍, പൃഥ്വിരാജ് നായകനാകുന്ന എസ്ര, ദുല്‍ഖര്‍ സല്‍മാന്‍ നായകനാകുന്ന ജോമോന്റെ സുവിശേഷങ്ങള്‍, ജയസൂര്യ നായകനാകുന്ന ഫുക്രി, ദിലീപ് നായകനാകുന്ന ജോര്‍ജ്ജേട്ടന്റെ പൂരം എന്നീ ചിത്രങ്ങളും റിലീസ് ഡേറ്റ് മാറ്റി.

തമിഴ് ചിത്രം വരും

അതേ സമയം പൊങ്കലിന് റിലീസ് ചെയ്യുന്ന തമിഴ് ചിത്രം കേരളത്തിലും റിലീസ് ചെയ്യും എന്നാണ് വാര്‍ത്തകള്‍. കീര്‍ത്തി സുരേഷും വിജയ് യും കേന്ദ്ര കഥാപാത്രങ്ങളായി എത്തുന്ന ഭൈരവ എന്ന തമിഴ് ചിത്രത്തിലാണ് ഇനി മലയാളികള്‍ക്കും പ്രതീക്ഷ