'പ്രേമ'ത്തിന് മിഴിവേകിയ ക്യാമറക്കണ്ണുകള്‍ക്ക് പ്രണയ സാഫല്യം!!! ആരും അറിയാതെ സൂക്ഷിച്ച പ്രണയം!!!

പ്രേമം സിനിമയുടെ ക്യാമറാമാന്‍ വിവാഹിതനാകുന്നു

പ്രേമം സിനിമയുടെ ക്യാമറാമാന്‍ ആനന്ദ് സി ചന്ദ്രന്‍ വിവാഹിതനാവുകയാണ് വര്‍ഷങ്ങള്‍ നീണ്ടു നിന്ന പ്രണയത്തിനാണ് ഇതോടെ പരിസമാപ്തിയാകുന്നത്. ആനന്ദ് സി ചന്ദ്രനും കൊച്ചി സ്വദേശിയായ സ്വാതി പ്രതാപനുമാണ് വിവാഹിതരാകുന്നത്.

വര്‍ഷങ്ങള്‍ക്കു മുന്‍പ് സ്‌കൂള്‍ യൂത്ത് ഫെസ്റ്റിവലില്‍ വെച്ചാണ് ആനന്ദ് സി ചന്ദ്രനും സ്വാതിയും കണ്ടുമുട്ടിയത്. ഒന്‍പതു വര്‍ഷത്തോളം ആരെയും അറിയിക്കാതെ കൊണ്ടു നടന്ന പ്രണയമാണ് വിവാഹത്തില്‍ കലാശിക്കാന്‍ പോകുന്നത്.

പ്രണയവിവാഹമാണ്

ഞങ്ങളുടേത് പ്രണയ വിവാഹമാണെന്നും ഒന്‍പതു വര്‍ഷം മുന്‍പ് കലോത്സവ വേദിയില്‍ വെച്ചാണ് സ്വാതിയെ കണ്ടുമുട്ടിയതെന്നും ആനന്ദ് പറഞ്ഞു. കൊച്ചി സ്വദേശിയാണ് സ്വാതി പ്രതാപ്.

വിവാഹത്തീയതി പ്രഖ്യാപിച്ചു

ജൂണ്‍ മൂന്നിന് ഗോകുലം കണ്‍വെന്‍ഷന്‍ സെന്ററില്‍ വെച്ചാണ് വിവാഹം. ആനന്ദിന്റേതായി പുറത്തിറങ്ങിയ അവസാന ചിത്രം ആനന്ദമാണ്. ഒരു വര്‍ഷം മുന്നേയാണ് ഇരുവരും തമ്മിലുള്ള എന്‍ഗേജ്‌മെന്റ നടത്തിയത്.