»   » ആഷ ബ്ലാക്കിലൂടെ ശരത് കുമാര്‍ വീണ്ടും

ആഷ ബ്ലാക്കിലൂടെ ശരത് കുമാര്‍ വീണ്ടും

Posted by:
Subscribe to Filmibeat Malayalam
Sarath Kumar
ചെറിയൊരു ഇടവേളയ്ക്ക് ശേഷം തമിഴ്താരം ശരത് കുമാര്‍ വീണ്ടും മലയാളസിനിമയിലെത്തുന്നു. സംവിധായകന്‍ ജോണ്‍ റോബിന്‍സണിന്റെ ആഷ ബ്ലാക്ക് എന്ന ചിത്രത്തിലൂടെയാണ് ശരത് കുമാര്‍ വീണ്ടും മലയാളത്തില്‍ സാന്നിധ്യമറിയിക്കുന്നത്.

മനോജ് കെ ജയന്‍ തന്മാത്ര ഫെയിം അര്‍ജുന്‍ ലാല്‍ എന്നിവര്‍ പ്രധാന വേഷത്തിലെത്തുന്ന ആഷാ ബ്ലാക്കില്‍ വളരെ പ്രധാനപ്പെട്ട വേഷത്തിലാണ് ശരത് കുമാറും എത്തുന്നത്. തീര്‍ത്തും വ്യത്യസ്തരായ രണ്ട് വ്യക്തികളുടെ ജീവിതത്തെക്കുറിച്ചുള്ള കഥയാണ് ഈ ചിത്രത്തിന്റേത്. ആഷ, രഞ്ജിത്ത് എന്നിവരാണ് ചിത്രത്തിലെ പ്രധാന കഥാപാത്രങ്ങള്‍, അവരുടെ തീര്‍ത്തും വ്യത്യസ്തമായ പ്രണയവും അതിന്റെ കഥകളുമാണ് ചിത്രത്തില്‍ കാണാന്‍ കഴിയുക. ഒപ്പം അച്ഛനും മകളും തമ്മിലുള്ള ആത്മബന്ധത്തിന്റെ കഥകൂടി പറയുന്നുണ്ട് ഈ ചിത്രം. ബാംഗ്ലൂര്‍, ദില്ലി എന്നിവിടങ്ങളിലാണ് ചിത്രത്തിന്റെ ഷൂട്ടിങ് നടക്കുന്നത്.

പഴശ്ശിരാജയിലെ ഇടച്ചേന കുങ്കന്‍ എന്ന കഥാപാത്രത്തെ അവതരിപ്പിച്ചുകൊണ്ടാണ് ശരത് കുമാര്‍ മലയാളസിനിമയിലെത്തിയത്. ആ ചിത്രത്തിലെ അഭിനയത്തിന് ഏറെ പ്രശംസകള്‍ ശരത്തിന് ലഭിയ്ക്കുകയും ചെയ്തിരുന്നു. പിന്നീട് ഒരിടത്തൊരു പോസ്റ്റ്മാന്‍, ദി മെട്രോ, ക്രിസ്റ്റിയന്‍ ബ്രദേഴ്‌സ്, വീരപുത്രന്‍, അച്ഛന്റെ ആണ്‍മക്കള്‍ തുടങ്ങിയ ചിത്രങ്ങളിലെല്ലാം ശരത് കുമാര്‍ അഭിനയിച്ചിട്ടുണ്ട്.

English summary
Kollywoood Super Star Sarath Kumar plays a pivotal role in Malayalam movie Asha Black
Please Wait while comments are loading...

Malayalam Photos

Go to : More Photos