സഹപ്രവര്‍ത്തകയ്ക്ക് ധൈര്യം നല്‍കിയ പൃഥിക്ക് അഭിനന്ദനം, ഗൂഢാലോചന പുറത്തു കൊണ്ടുവരണമെന്നും വിനയന്‍

പൃഥ്വിക്കും അഭിനന്ദനങ്ങള്‍

തനിക്കു നേരെയുണ്ടായ ആക്രമത്തില്‍ തളര്‍ന്ന് നിന്നിരുന്ന സഹപ്രവര്‍ത്തകയെ തിരികെ പ്രൊഫഷനിലേക്ക് തിരിച്ചു കൊണ്ടുവരാന്‍ ധൈര്യം നല്‍കിയ യുവതാരം പൃഥ്വിരാജിനെ വിനയന്‍ അഭിനന്ദിച്ചു. പൃഥ്വി നല്‍കിയ പോത്സാഹനം തികച്ചും അഭിനന്ദനാര്‍ഹമാണ്.

അവള്‍ക്കു ധൈര്യം നല്‍കിയ സുഹൃത്തുക്കള്‍ക്കും അഭിനന്ദനങ്ങള്‍

പുതുതായി ഷൂട്ടിങ്ങ് ആരംഭിച്ച അവരുടെ സിനിമയാക്ക് ഭാവുകങ്ങള്‍ നേരുന്നു. പ്രിയ നടിക്കു പിടിച്ചു നില്‍ക്കാന്‍ തന്റേടം പകര്‍ന്നു നല്‍കിയ മഞ്ജുവാര്യര്‍ ഉള്‍പ്പടെയുള്ള സഹപ്രവര്‍ത്തകരേയും ഈ അവസരത്തില്‍ അഭിനന്ദിക്കുന്നു.. ആരും തകര്‍ന്നുപോകുന്ന അവസ്ഥയിലും ഈ കലാകാരി കാണിച്ച ആത്മ ധൈര്യം ഇന്നാട്ടിലേ എല്ലാ പെണ്‍കുട്ടികള്‍ക്കും മാതൃകയാണ്.

സംഭവത്തിന് പിന്നില്‍ പ്രവര്‍ത്തിച്ചവരെ കണ്ടെത്തണം

നടിയെ ആക്രമിച്ച സംഭവത്തിനു മുന്നിലും പിന്നിലുമായി പ്രവര്‍ത്തിച്ചവരെ നിയമത്തിനു മുന്നില്‍ കൊണ്ടു വരണം. അര്‍ഹിക്കുന്ന ശിക്ഷയും നല്‍കണം. സംഭവത്തിനു പിന്നില്‍ ഗൂഢാലോചനയുണ്ടെന്ന് കൊച്ചു കുട്ടികള്‍ക്കു പോലും അറിയാമെന്നും വിനയന്‍ കുറിച്ചിട്ടുണ്ട്.

ഉന്നതങ്ങളില്‍ നിന്നുള്ള പ്രവചനങ്ങളല്ല വേണ്ടത്

സംഭവത്തെക്കുറിച്ച് കൃത്യമായ അന്വേഷണമാണു വേണ്ടത്. അല്ലാതെ ഉന്നതങ്ങളില്‍ നിന്നുള്ള പ്രവചനങ്ങളല്ല. താരത്തിനു പോലും നീതി ലഭിക്കാത്തത്ര രീതിയില്‍ നിയമപാലകരെയും ഭരണാധികാരികളെയും സ്വാധീനിക്കാന്‍ തക്ക കറുത്ത കരങ്ങള്‍ ഈ നാട്ടിലുണ്ടെന്ന് വന്നാല്‍ പിന്നെ സാധാരണ പെണ്‍കുട്ടികളുടെ അവസ്ഥ എന്താകുമെന്നും വിനയന്‍ ചോദിക്കുന്നു.