കൊച്ചൗവ്വ പൗലോ അയ്യപ്പ കൊയ്‌ലോ നിരൂപണം: ഒരു ക്ലാസി എന്റര്‍ടൈന്‍മെന്റുമായി വീണ്ടും ഉദയ

കൊച്ചൗവ്വയായി കുഞ്ചാക്കോ ബോബന്‍

നല്ല ഒത്തിരി കഥാപാത്രങ്ങള്‍ ചാക്കച്ചനെ തേടി ഇപ്പോള്‍ എത്തുന്നുണ്ട്. പക്ഷെ വേണ്ട രീതിയിലുള്ള അംഗീകാരം നടന് ലഭിയ്ക്കുന്നില്ല എന്നതാണ് വാസ്തവം. വളരെ പോസിറ്റീവായ കൊച്ചൗവ്വ എന്ന കഥാപാത്രത്തിന് ആ ഗതി വരാതിരിക്കട്ടെ. നിഷ്‌കളങ്കമായ അഭിനയമായിരുന്നു ചാക്കോച്ചന്റേത്

അയ്യപ്പ ദാസായി രുദ്രാക്ഷ്

നടന്‍ സുധീഷിന്റെ മകന്‍ രുദ്രാക്ഷിന്റെ അഭിനയാരങ്ങേറ്റമാണിത്. വളരെ മികച്ചൊരു തുടക്കം. കഥാപാത്രത്തിന്റെ എല്ലാ ഷേഡും ഉള്‍ക്കൊണ്ടുകൊണ്ടുള്ള സ്വാഭാവികാഭിനയം. കുഞ്ചാക്കോ ബോബനൊപ്പമുള്ള കോമ്പിനേഷന്‍ രംഗങ്ങളിലെ അഭിനയം പ്രത്യേക പരമാര്‍ശം അര്‍ഹിക്കുന്നു.

അഞ്ജുവായി അനുശ്രീ

കൊച്ചൗവ്വയുടെ കാമുകിയായ അഞ്ചു എന്ന കഥാപാത്രത്തെ അവതരിപ്പിച്ചുകൊണ്ടാണ് അനുശ്രീ എത്തുന്നത്. വളരെ കുറച്ച് രംഗങ്ങള്‍ മാത്രമേ അനുശ്രീയ്ക്ക് ചിത്രത്തില്‍ ഉള്ളൂ എങ്കിലും, അതെല്ലാം പ്രാധാന്യമുള്ള രംഗങ്ങളാണ്.

മറ്റ് കഥാപാത്രങ്ങള്‍

കെ പി എ സി ലളിത, നെടുമുടി വേണു, മുകേഷ്, മണിയന്‍പിള്ള രാജു, സുരാജ് വെഞ്ഞാറമൂട്, അജു വര്‍ഗ്ഗീസ്, ഇര്‍ഷാദ്, മുത്തുമണി, സുധീഷ്, തുടങ്ങിയ മറ്റ് കഥാപാത്രങ്ങളും അവരവരുടെ വേഷത്തോട് നീതിപുലര്‍ത്തി.

തിരക്കഥ സംവിധാനം- സിദ്ധാര്‍ത്ഥ് ശിവ

ദേശീയ പുരസ്‌കാര ജേതാവായ സിദ്ധാര്‍ത്ഥ് ശിവ കൊച്ചൗവ്വ പൗലോ അയ്യപ്പ കൊയ്‌ലോ എന്ന ചിത്രത്തെ നല്ലൊരു എന്റര്‍ടൈന്‍മെന്റാക്കാന്‍ ശ്രദ്ധിച്ചു. നല്ലൊരു സന്ദേശവും ചിത്രത്തിലൂടെ കൈമാറുന്നു.

സംഗീതം- ഷാനും സൂരജും

ഷാന്‍ റഹ്മാനും സൂരജ് എസ് കുറുപ്പും ചേര്‍ന്നാണ് ചിത്രത്തിന്റെ സംഗീത സംവിധാനം നിര്‍വ്വഹിച്ചിരിയ്ക്കുന്നത്. വളരെ മനോഹരമായ പാട്ടുകള്‍ ഇതിനോടകം പ്രേക്ഷകശ്രദ്ധ നേടിക്കഴിഞ്ഞു. ചിത്രത്തിന്റെ മൂഡ് അനുസരിച്ചുള്ള പശ്ചാത്തല സംഗീതവും പ്ലസ് പോയിന്റാണ്.

ഒറ്റവാക്കില്‍

ഒറ്റവാക്കില്‍ പറഞ്ഞാല്‍ നല്ലൊരു എന്റര്‍ടൈന്‍മെന്റാണ് ചിത്രം. സ്വപ്‌നങ്ങള്‍ സാക്ഷാത്കരിക്കാനുള്ള യാത്രയില്‍ അയ്യപ്പ ദാസിന് മാത്രമല്ല, നമ്മള്‍ ഓരോരുത്തര്‍ക്കും പ്രചോദനം നല്‍കുന്ന ഒരു സന്ദേശം ചിത്രം കൈമാറുന്നു.