Click it and Unblock the Notifications
Don't Miss!
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
എന്ഡിഎക്ക് പിന്തുണ പ്രഖ്യാപിച്ച് സജി മഞ്ഞക്കടമ്പില്; പുതിയ പാര്ട്ടി 'കേരള കോണ്ഗ്രസ് ഡെമോക്രാറ്റിക്' -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പ്രണയ നായകനായി ദുല്‍ഖര്‍ വീണ്ടും തമിഴിലേക്ക്!!! ഒരുങ്ങുന്നത് ഒരു റൊമാന്റിക് റോഡ് മൂവി???
നവാഗതനായ രാ കാര്‍ത്തിക് സംവിധാനം ചെയ്യുന്ന തമിഴ് ചിത്രത്തില്‍ ദുല്‍ഖര്‍ നായകനാകുന്നു.
കേരളത്തിലെന്ന പോലെ തമിഴ്‌നാട്ടിലും ആരാധകരുള്ള താരമാണ് ദുല്‍ഖര്‍. വായ്മൂടി പേസുവോം എന്ന ചിത്രത്തിലൂടെയായിരുന്നു ദുല്‍ഖറിന്റെ തമിഴ് അരങ്ങേറ്റം. ചിത്രം സംസാരം ആരോഗ്യത്തിന് ഹാനികരം എന്ന പേരില്‍ ഒരേ സമയം മലയാളത്തിലും റിലീസ് ചെയ്തിരുന്നു. പിന്നീട് മണിരത്‌നം ചിത്രമായ ഒ കാതല്‍ കണ്‍മണിയിലൂടെ തമിഴ് പ്രേക്ഷകര്‍ക്കും ദുല്‍ഖര്‍ പ്രിയങ്കരനായി. ഇപ്പോഴിതാ ഒരിടക്കാലത്തിന് ദുല്‍ഖര്‍ ഒരു തമിഴ് ചിത്രത്തില്‍ നായകനാകുന്നതായാണ് റിപ്പോര്‍ട്ട്.
നവാഗതനായ ര കാര്‍ത്തിക് ആണ് ദുല്‍ഖറിനെ നായകനാക്കി ചിത്രമൊരുക്കുന്നത്. പ്രണയത്തിന് പ്രധാന്യം നല്‍കുന്ന റോഡ് മൂവിയായിട്ടാണ് ചിത്രം ഒരുക്കുന്നത്. ഹൈവേ, ജബ് വി മെറ്റ് തുടങ്ങിയ റോഡ് മൂവികള്‍ക്ക് സമാനമായ ചിത്രമായിരിക്കും ദുല്‍ഖറിനായി രാ കാര്‍ത്തിക് ഒരുക്കുന്നത്. ചിത്രത്തിന്റെ രണ്ടാം പകുതി പൂര്‍ണമായും ഉത്തരേന്ത്യയിലായിരിക്കും ചിത്രീകരിക്കുന്നതെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
കെനന്യ ഫിലിംസ് നിര്‍മിക്കുന്ന ചിത്രത്തിന് ക്യാമറ കൈകാര്യം ചെയ്തിരിക്കുന്നത് തെരി, കത്തി, രാജാ റാണി, സഖാവ് തുടങ്ങിയ ചിത്രങ്ങള്‍ക്ക് ക്യാമറ കൈകാര്യം ചെയ്ത ജോര്‍ജ് സി വില്യംസാണ്. ദേശീയ പുരസ്‌കാര ജേതാവായ ശ്രീകര്‍ പ്രസാദാണ് ചിത്രം എിഡിറ്റ് ചെയ്യുന്നത്. പ്രണയ ചിത്രത്തിന് സംഗീതമൊരുക്കുന്നത് ദീന ദയാലനാണ്. പ്രണയ ചിത്രമാണെങ്കിലും എല്ലാ പ്രായത്തിലുമുള്ള പ്രേക്ഷകരേയും ആകര്‍ഷിക്കുന്ന ചിത്രമായിരിക്കുമെന്ന് സംവിധായകന്‍ പറയുന്നു. വ്യത്യസ്തമായ ലുക്കുകളിലാണ് ദുല്‍ഖര്‍ ചിത്രത്തില്‍ പ്രത്യക്ഷപ്പെടുന്നത്. ഡിസംബറില്‍ ചിത്രീകരണം ആരംഭിക്കാനുദ്ദേശിക്കുന്ന ചിത്രത്തില്‍ നായികയെ തീരുമാനിച്ചിട്ടില്ല.
പ്രേക്ഷകര്‍ ആകാംഷയോടെ കാത്തിരിക്കുന്ന ദുല്‍ഖര്‍ ചിത്രമായ സോളോ മലയാളത്തിനൊപ്പം തന്നെ തമിഴിലും റിലീസിനെത്തന്നുണ്ട്. ദുല്‍ഖര്‍ നായകനായി എത്തിയ നീലാകാശം പച്ചക്കടല്‍ ചുവന്ന ഭൂമി എന്ന സിനിമ മലയാളത്തിലെ ലക്ഷണമൊത്ത ഒരു റോഡ് മൂവിയാണ്. പ്രണയം തന്നെയായിരുന്നു ചിത്രത്തിന്റെയും പ്രമേയം. ഇതിന് ശേഷം ദുല്‍ഖല്‍ അഭിനയിക്കുന്ന റോഡ് മൂവിയായിരിക്കും രാ കാര്‍ത്തികിന്റെ തമിഴ് ചിത്രം.
