നിരോധനത്തെ അനുകൂലിക്കുന്നവര്‍ ബിരിയാണി ഉപേക്ഷിക്കുമോ??ജെല്ലിക്കെട്ടിനെക്കുറിച്ച് ഉലകനായകന്‍

സംസ്കാരവുമായി ബന്ധപ്പെട്ടു കിടക്കുന്നു

ജെല്ലിക്കെട്ട് തമിഴ്‌നാടിന്റെ സംസ്‌കാരത്തിന്റെ ഭാഗമാണ്. മൃഗങ്ങളോടുള്ള ക്രൂരതയെക്കുറിച്ച് വാചാലരാകുന്നവര്‍ ബിരിയാണി ഉപേക്ഷിക്കാന്‍ തയ്യാറാണോയെന്നാണ് ഉലകനായകന്‍ ചോദിക്കുന്നത്.

സ്‌പെയിനിലെ കാളപ്പോരും ജെല്ലിക്കെട്ടും തമ്മില്‍ ബന്ധമില്ല

സ്‌പെയിനിലെ കാളപ്പോരും ജെല്ലിക്കെട്ടും തമ്മില്‍ യാതൊരു ബന്ധവുമില്ല. അവിടെ കാളകള്‍ക്ക് ഉപദ്രവം ഏല്‍ക്കേണ്ടി വരികയും അവ കൊല്ലപ്പെടുകയും ചെയ്യുന്നുണ്ട് എന്നാല്‍ ജെല്ലിക്കെട്ടില്‍ അങ്ങനെയില്ലെന്നാണ് കമല്‍ഹാസന്‍ പറയുന്നത്.

കാളകളെ ദൈവങ്ങളായി കാണുന്ന തമിഴ് ജനത

തമിഴ് നാട്ടിലെ ജനങ്ങള്‍ കാളകളെ ദൈവങ്ങളായാണ് കാണുന്നത്. ജെല്ലിക്കെട്ടില്‍ കാളയെ മെരുക്കുകയാണ് ചെയ്യുന്നത്.ശാരീരിക പ്രശ്‌നങ്ങളൊന്നും സംഭവിക്കില്ലെന്നും താരം വ്യക്തമാക്കി.

ജെല്ലിക്കെട്ട് പരിശീലിച്ചിട്ടുണ്ട്

അനേകം തവണ സിനിമയ്ക്ക് വേണ്ടി താനും ജെല്ലിക്കെട്ട് പരിശീലിച്ചിട്ടുണ്ടെന്ന് കമല്‍ പറഞ്ഞു. തമിഴ് നാട്ടില്‍ ജെല്ലിക്കെട്ട് നിരോധിച്ച സുപ്രീം കോടതി വിധിയെ വിമര്‍ശിച്ച് പ്രമുഖ താരങ്ങള്‍ രംഗത്തെത്തിയിരുന്നു. ഇതാദ്യമായാണ് വിഷയത്തെക്കുറിച്ച് കമല്‍ പ്രതികരിക്കുന്നത്.