പ്രണയവും സംഗീതവും ഇഴചേര്‍ന്ന മണിരത്‌നം ചിത്രത്തിന്റെ ട്രെയിലര്‍!!! എആര്‍ റഹ്മാന്‍ മാജിക്ക്!!!!

പ്രണയും സംഗീതവും ഇഴചേരുന്ന ചിത്രമായിരിക്കും കാട്ര് വെളിയിടൈ എന്നാണ് ലഭിക്കുന്ന സൂചന. പൈലറ്റിന്റെ വേഷമാണ് കാര്‍ത്തിക്ക്. ഡോക്ടറും പൈലറ്റും തമ്മിലുള്ള പ്രണയമാണ് ചിത്രത്തിന്റെ പ്രമേയം. എന്നാല്‍ പ്രണയം മാത്രമല്ല ചിത്രത്തിലുള്ളതെന്നാണ് ട്രെയിലര്‍ നല്‍കുന്ന സൂചന.

ചിത്രത്തിന്റെ ട്രെയിലര്‍ ഫേസ്ബുക്ക് ലൈവിലൂടെയാണ് പുറത്തിറക്കിയിരിക്കുന്നത്. ഫേസ്ബുക്കില്‍ ലൈവില്‍ മണിരത്‌നവും എആര്‍ റഹ്മാനും എത്തുന്നു. ചിത്രത്തിന്റെ സംഗീതം തന്റെ ഫോണിലെ പിയാനയില്‍ ഒരുക്കിയിതിനേക്കുറിച്ചു എആര്‍ റഹ്മാന്‍ പറയുന്നുണ്ട്. മണിരത്‌നവും എആര്‍ റഹ്മാനും തമ്മിലുള്ള സംഭാഷണമാണ് ഫേസ്ബുക്ക് ലൈവില്‍.

മണിരത്‌നം ഒരുക്കുന്ന 25ാമത്തെ ചിത്രമാണ് കാട്ര് വിളൈയിടെ. ദുല്‍ഖറും നിത്യാമേനോനും പ്രധാന വേഷത്തിലെത്തിയ ഓകെ കണ്‍മണിയായിരുന്നു ഒടുവിലിറങ്ങിയ ചിത്രം. മദ്രാസ് ടാക്കീസിന്റെ ബാനറില്‍ മണിരത്‌നം തന്നെയാണ് ചിത്രം നിര്‍മിക്കുന്നതും. തമിഴ്, തെലുങ്ക്, മലയാളം എന്നിങ്ങനെ മൂന്ന് ഭാഷകളിലായാണ് ചിത്രം പുറത്തിറങ്ങുന്നത്.

മഹാകവി ഭാരതിയാരുടെ ഒരു കവിതയില്‍ നിന്നും പ്രചോദനമുള്‍ക്കൊണ്ടാണ് സിനിമയ്ക്ക് 'കാട്ര് വെളിയിടെ' എന്ന പേര് നല്‍കിയത്. മണിരത്‌നം-എആര്‍ റഹ്മാന്‍ കൂട്ടുകെട്ടില്‍ പ്രക്ഷകര്‍ക്ക് എന്നും മനോഹര ഗാനങ്ങളാണ് ലഭിച്ചിട്ടുള്ളത്. ഈ കൂട്ടുകെട്ടിന്റെ പുതിയ ചിത്രത്തിനും മികച്ച പ്രേക്ഷക പ്രതികരണമാണ് ലഭിക്കുന്നത്.

ചിത്രത്തിന്റെ ട്രെയിലര്‍ പുറത്തിറക്കിയ ഫേസ്ബുക്ക് ലൈവ് കാണാം.