മോഹന്‍ലാല്‍ രക്ഷിച്ചു, തമിഴ് ഗ്ലാമര്‍ താരം നമിത പഴയ പ്രതാപത്തോടെ തിരിച്ചെത്തുന്നു...

തടി പാരയായപ്പോള്‍

ഒരു കാലത്ത് തമിഴ് സിനിമയിലെ മാദക സുന്ദരിയായിരുന്ന നമിത ഇന്റസ്ട്രിയില്‍ നിന്ന് ഔട്ടായത് പെട്ടന്നാണ്. ശരീരത്തിന്റെ തടി അമിതമായി കൂടിയപ്പോള്‍ എത്ര ഗ്ലാമറാകാന്‍ തയ്യാറായിട്ടും നമിതയ്ക്ക് അവസരം ലഭിച്ചില്ല.

ഇടവേള എടുത്ത് തിരിച്ചെത്തി

അവസരങ്ങള്‍ കുറഞ്ഞതോടെ നമിത പതിയെ സിനിമാ ലോകത്ത് നിന്ന് വിട്ടു നിന്നു. അമിതമായി കൂടിയ തടി കൃത്യമായ വ്യായമത്തിലൂടെയും ഡയറ്റിലൂടെയും കുറച്ചെടുത്തു. പഴയതിലും സുന്ദിരിയായി നമിത തിരിച്ചെത്തി.

ലാല്‍ അവസരം നല്‍കി

തടി കുറച്ച് സുന്ദരിയായി, നാല് വര്‍ഷത്തിന് ശേഷം നമിത തിരിച്ചെത്തിയത് മോഹന്‍ലാല്‍ ചിത്രത്തിലൂടെയാണ്. ലാലിനെ നായകനാക്കി വൈശാഖ് സംവിധാനം ചെയ്ത പുലിമുരുകനില്‍ നമിത കഥാപാത്രമായെത്തി. അത് ക്ലിക്കാകുകയും ചെയ്തു.

നായകയായി മാറുന്നു

പുലിമുരുകന് ശേഷം നമിതയ്ക്കിതാ കൂടുതല്‍ അവസരങ്ങള്‍ വന്നുകൊണ്ടിരിയ്ക്കുകയാണ്. മിയ എന്ന പുതിയ തമിഴ് ഹൊറര്‍ ചിത്രത്തില്‍ നായികയായി അഭിനയിച്ചുകൊണ്ടിരിയ്ക്കുകയാണ് നമിത. നമിതയ്‌ക്കൊപ്പം സോണിയ അഗര്‍വാളും തിരിച്ചെത്തുന്നു.

പൊട്ട്

മിയയ്ക്ക് പുറമെ പൊട്ട് എന്ന ചിത്രത്തിലും നമിത അഭിനയിക്കുന്നുണ്ട്. ഇനിയ ടൈറ്റില്‍ റോളിലെത്തുന്ന ചിത്രത്തില്‍ ഒട്ടും പ്രധാന്യം കുറയാത്ത കഥാപാത്രത്തെ തന്നെയാണ് നമിതയും അവതരിപ്പിയ്ക്കുന്നത്. ഭരത്താണ് നായകന്‍.