ദുല്‍ഖര്‍ സല്‍മാന്‍ - കാര്‍ത്തി ചിത്രം മണിരത്‌നം ഉപേക്ഷിക്കാന്‍ കാരണം?

ആരും പറഞ്ഞില്ല

ചിത്രം ഉപേക്ഷിച്ചതിനെ കുറിച്ച് ദുല്‍ഖര്‍ സല്‍മാനോ കാര്‍ത്തിയോ മണിരത്‌നമോ ഇതുവരെ ഒന്നും പ്രതികരിച്ചിരുന്നില്ല. അതുകൊണ്ട് തന്നെ പല പല അഭ്യൂഹങ്ങളും ഈ വിഷയത്തില്‍ പ്രചരിച്ചു.

കാര്‍ത്തി പറയുന്നു

ഒടുവിലിതാ കാര്‍ത്തി ആ കരണം വ്യക്തമാക്കുന്നു. കഴിഞ്ഞ ഡിസംബറിലായിരുന്നു ചിത്രത്തിന്റെ ഷൂട്ടിങ് നടക്കേണ്ടിയിരുന്നത്. കഥ കേട്ട് എനിക്കും ദുല്‍ഖറിനും ഇഷ്ടമാകുകയും ചെയ്തു. എന്നാല്‍ പിന്നീട് ഞങ്ങളുടെ രണ്ട് പേരും നേരത്തെ കരാറൊപ്പിട്ട ചിത്രങ്ങളുമായി തിരക്കിലായിപ്പോയതോടെ സിനിമ ഉപേക്ഷിക്കപ്പെട്ടു.

ഡേറ്റ് ക്ലാഷായി

മണിരത്‌നം സിനിമ തുടങ്ങാന്‍ തീരുമാനിച്ച സമയത്താണ് കാര്‍ത്തി കഷ്‌മോര എന്ന ബ്രഹ്മാണ്ഡ ചിത്രത്തിന്റെ തിരക്കിലായിരുന്നു. ദുല്‍ഖര്‍ സല്‍മാന്‍ മലയാളത്തില്‍ കമ്മട്ടിപ്പാടം എന്ന ചിത്രം ചെയ്തുകൊണ്ടിരിയ്ക്കുകയായിരുന്നു അപ്പോള്‍.

കാര്‍ത്തിയ്ക്ക് വീണ്ടും

എന്നാല്‍ കാര്‍ത്തിയ്ക്ക് മണിരത്‌നം ചിത്രം വീണ്ടും കിട്ടി. ഓ കാതല്‍ കണ്‍മണി എന്ന ചിത്രത്തിന് ശേഷം മണിരത്‌നം സംവിധാനം ചെയ്യുന്ന കാട്ര് വെളിയിടൈ എന്ന റൊമാന്റിക് ചിത്രത്തില്‍ കാര്‍ത്തിയാണ് നായകന്‍.