Don't Miss!
- Lifestyle ഹൃദയത്തിലെ ബ്ലോക്കിനെ യോഗയില് പൂര്ണമായും നിയന്ത്രിക്കാം
- News എന്തെല്ലാം പകിടകളി കളിച്ചാലും കാസർകോഡ് തിരിച്ചുപിടിച്ചിരിക്കും; എംവി ബാലകൃഷ്ണൻ
- Automobiles പാവങ്ങളുടെ ലംബോർഗിനി ആവാനുള്ള യുദ്ധം ടാറ്റയും സിട്രണും തമ്മിൽ; ഇതിൽ മിടുക്കൻ ആരെന്ന് അറിയാം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
നടി നന്ദിനി ഇനി മെഗാസീരിയല് നായിക
കൊച്ചി: ഒരുപിടി മികച്ച ചിത്രങ്ങളാല് മലയാളി പ്രേക്ഷകര്ക്ക് സുപരിചിതയായ, നന്ദിനിയെന്ന് കേരളത്തില് അറിയപ്പെടുന്ന നടി കൗസല്യ മെഗാ സീരിയലില് നായികയാകുന്നു. സൂര്യ ടീവി അടുത്തുതന്നെ പുറത്തിറക്കുന്ന സീരിയലിലാണ് നന്ദിനി പ്രധാന വേഷം കൈകാര്യം ചെയ്യുന്നത്. സീരിയലിന്റെ പ്രമോ ചാനല് പ്രക്ഷേപണം ചെയ്തു തുടങ്ങിയിട്ടുണ്ട്.
മലയാളത്തില് പതിനഞ്ചോളം ചിത്രങ്ങളില് നായികയായ നന്ദിനി സീരിയലിലെ നായികാ കഥാപാത്രമായാണ് മിനി സ്ക്രീനില് ചുവടുവയ്ക്കുന്നതെന്നാണ് വിവരം. സീരിയലിന്റെ കൂടുതല് വിവരങ്ങള് പുറത്തുവിട്ടിട്ടില്ല. മലയാളത്തിലെ പ്രമുഖ നടീനടന്മാരും സീരിയലില് അഭിനയിക്കുന്നുണ്ട്.
മലയാള സിനിമയില് മുന്നിര നടന്മാര്ക്കൊപ്പമെല്ലാം നായികയാകാനുള്ളനുള്ള ഭാഗ്യം നന്ദിനിക്ക് ലഭിച്ചിട്ടുണ്ട്. മമ്മൂട്ടിക്കൊപ്പം തച്ചിലേടത്തു ചുണ്ടനിലും. മോഹന്ലാലിനൊപ്പം അയാള് കഥയെഴുതുകയാണ് എന്ന ചിത്രത്തിലും, സുരേഷ് ഗോപിക്കൊപ്പം ലേലത്തിലും നന്ദിനി നായികയായി. ബാലചന്ദ്രമേനോന്റെ ഏപ്രില് 19 എന്ന ചിത്രത്തിലൂടെയായിരുന്നു പുതുമുഖമായി നന്ദിനിയുടെ സിനിമാപ്രവേശം.
മലയാളത്തില് അവസരങ്ങള് കുറഞ്ഞതോടെ നന്ദിനി തമിഴില് ഒരുകൈ നോക്കിയെങ്കിലും ഭാഗ്യം തുണച്ചില്ല. അടുത്തിടെ വിവാദ സ്വാമി നിത്യാനന്ദയുടെ ശിഷ്യയാവുകയാണെന്ന വിവരം പുറത്തുവന്നത് നന്ദിനിയെ വീണ്ടും വാര്ത്തകളിലെത്തിച്ചിരുന്നു. എന്തായാലും, സിനിമയില് നിന്നും അപ്രത്യക്ഷമായ നടിയെ ഇനിമുതല് സീരിയലിലൂടെ കാണാമെന്ന പ്രതീക്ഷയിലാണ് മലയാളി വീട്ടമ്മമാര്.