ഞങ്ങളുടെ അമ്മ മരിച്ചപ്പോൾ അനുഭവിച്ചത് അവരനുഭവിക്കരുത്; ശ്രീദേവി മരിച്ചപ്പോൾ ഓടിയെത്തിയതിന് കാരണം: അൻഷുള

ശ്രീദേവിയോട് ഇവർക്ക് അടുപ്പമുണ്ടായിരുന്നില്ല. എന്നാൽ ശ്രീദേവിയുടെ മരണ ശേഷം അച്ഛനെയും അർദ്ധ സഹോദരങ്ങളെയും ആശ്വസിപ്പിക്കാൻ ഇവരെത്തി. ഇന്ന് ഇവരെല്ലാം നല്ല സ്നേഹത്തിലാണ്. ജാൻവി കപൂർ, ഖുശി കപൂർ എന്നിവരാണ് ബോണിക്കും ശ്രീദേവിക്കും പിറന്ന മക്കൾ. ശ്രീദേവി മരിച്ചപ്പോൾ ഇവരെ ആശ്വസിപ്പിക്കാൻ എത്തിയതിനെക്കുറിച്ച് അൻഷുള കപൂർ പറഞ്ഞ വാക്കുകളാണിപ്പോൾ ശ്രദ്ധ നേടുന്നത്.

ഞങ്ങളുടെ അമ്മ മരിച്ച സമയത്തെ ഞങ്ങളേക്കാൾ ചെറുപ്പമായിരുന്നു അവർക്ക് അന്ന്. ആ സാഹചര്യത്തെ ഒറ്റയ്ക്ക് അവർ അഭിമുഖീകരിക്കേണ്ടി വരരുതെന്നുണ്ടായിരുന്നു. അവർ 17, 20 എന്നിങ്ങനെയാണ് പ്രായം. അവരെ പിന്തുണയ്ക്കാനാണ് ഞങ്ങളെത്തിയത്. ശൂന്യമായ സ്ലേറ്റ് പോലെയായിരുന്നു ഞങ്ങൾ. പരസ്പരം സ്നേഹബന്ധമുണ്ടാകാൻ കുറച്ച് സമയമെടുത്തെന്നും അൻഷുള കപൂർ പറഞ്ഞു. മാതൃകാപരമായ കാര്യമാണ് അർജുനും അൻഷുളയും അന്ന് ചെയ്തത്.

ബോണി തന്നെ വിവാഹം ചെയ്ത ശേഷം ആദ്യ ഭാര്യയായ മോണ കപൂറിനെ കാണുന്നതിൽ പോലും ശ്രീദേവിക്ക് എതിർപ്പുണ്ടായിരുന്നു എന്നാണ് പുറത്ത് വന്ന റിപ്പോർട്ടുകൾ. മോണ കപൂറിനെ ഡിവോഴ്സ് ചെയ്യണമെന്ന് നിർബന്ധം പിടിച്ചതും ശ്രീദേവിയാണ്. ബോണി കപൂർ തന്നെയാണ് മോണ കപൂറിനോട് താൻ ശ്രീദേവിയുമായി ഇഷ്ടത്തിലാണെന്ന് പറയുന്നത്. ബന്ധമൊഴിയാൻ മോണ കപൂർ തയ്യാറായി. കുടുംബം കീഴ്മേൽ മറിയുന്നത് അൻഷുളയും അർജുനും കണ്ടു. എന്താണ് നടക്കുന്നതെന്ന് ആർക്കുമറിയാത്ത സമയത്ത് അച്ഛനും അമ്മയും വേർപിരിയുന്നത് മനസിലാക്കുക വലിയൊരു ഘട്ടമായിരുന്നു. മുൻവിധിയോടെയുള്ള ആന്റിമാരുടെ നോട്ടങ്ങളും. ഒരു ​ഗ്രൂപ്പിലേക്ക് ചെല്ലുമ്പോൾ പെട്ടെന്ന് അവർ നിശബ്ദരാകുന്നു. മറ്റുള്ളവർക്ക് എന്നോട് സംസാരിക്കേണ്ട. ഇത് ചില തരത്തിൽ ബാധിക്കും. അച്ഛനും അമ്മയും പിരിഞ്ഞതിന് കാരണമായി ഞാൻ കണ്ടത് എന്നെയാണ്. കുറേക്കാലം താൻ സ്വയം പഴിച്ചെന്ന് അൻഷുള കപൂർ തുറന്ന് പറഞ്ഞിട്ടുണ്ട്. വിവാഹ ശേഷം ബോണി കപൂറിനും ശ്രീദേവിക്കും പൊതുസമൂ​ഹത്തിൽ നിന്നും വലിയ വിമർശനം നേരി‌ടേണ്ടി വന്നിരുന്നു.