വിളിച്ചാല്‍ രണ്ട് വാക്ക്! പുള്ളിക്ക് ഫാമിലി ലൈഫിന്റെ ആവശ്യമുണ്ടോ എന്ന് ചിന്തിച്ചുപോയിട്ടുണ്ട് : സുമ ജയറാം

20 വയസിലെ കാര്യങ്ങള്‍ നാല് വയസില്‍ പറഞ്ഞ് കൊടുക്കാനാവുമോ. സ്‌റ്റെപ്പ് ബൈ സ്റ്റെപ്പായല്ലേ ഓരോന്ന് പഠിക്കുന്നത്. ഇപ്പോള്‍ അവരെ എബിസിഡി പഠിപ്പിക്കണം. അങ്ങനെ ചെയ്യണമെങ്കില്‍ എനിക്ക് സമാധാനം വേണ്ടേ. മക്കളെ നന്നായി നോക്കാനും, ലൈഫ് നന്നായി പോവാനും പറ്റണം. അതിന് മനസില്‍ സന്തോഷം വേണം, സമാധാനം വേണം. കുഞ്ഞുങ്ങളുടെ കാര്യം നോക്കുക. നമ്മുടെ ശരീരം നന്നായി പരിപാലിക്കുക. ജീവിതം ആസ്വദിക്കുക, അതൊക്കെയാണ് ഇപ്പോള്‍ വേണ്ടത്. പുള്ളിക്കാരന്റെ അമ്മയ്ക്ക് ഇപ്പോള്‍ എല്ലാം പറ്റുന്നുണ്ട്. പിന്നെ സഹായത്തിന് ആളുകളുണ്ട്. ഇവിടെ പ്രായമായൊരു ചേച്ചിയാണ് എനിക്ക് സഹായത്തിനുള്ളത്. ഞങ്ങള്‍ രണ്ടും പണിപ്പെട്ടാണ് മക്കളെ രാവിലെ സ്‌കൂളിലേക്ക് ഒരുക്കി വിടുന്നത്.

ഫുഡ് കഴിച്ച് കഴിഞ്ഞിട്ട് കാര്‍ട്ടൂണ്‍ അങ്ങനെ സ്ട്രിക്ടായാണ് ഞാന്‍ പറയാറുള്ളത്. എന്തിനാണ് ഇത്ര സ്ട്രിക്ട് എന്നൊക്കെയാണ് മമ്മി എന്നോട് ചോദിക്കാറുള്ളത്. അവര്‍ കാര്യങ്ങള്‍ മനസിലാക്കി ചെയ്യേണ്ട പ്രായമാണ്. അതിനുവേണ്ടി അവരെ പ്രാപ്തരാക്കണം. ലല്ലുഷിനെ നോക്കാന്‍ അമ്മയുണ്ടല്ലോ എന്ന കാര്യത്തില്‍ സമാധാനമാണ്. പുള്ളിയുടെ ഹെല്‍പ്പിനായി ഫുള്‍ടൈം ഒരാളുണ്ട്. ലല്ലുഷും ഇപ്പോള്‍ ഹാപ്പിയാണ്, ഞാനും അതെ എന്നും സുമ പറഞ്ഞിരുന്നു. വീഡിയോ കോളിലൂടെയായി ലല്ലുഷിനെ വിളിച്ച് സുഖവിവരങ്ങള്‍ അന്വേഷിക്കുന്നതും അവര്‍ കാണിച്ചിരുന്നു. ഭക്ഷണം കഴിച്ചുവെന്നും, സുഖമായിരിക്കുവെന്നും, തനിക്ക് വേണ്ടി പ്രാര്‍ത്ഥിക്കണം എന്നുമായിരുന്നു സുമയോട് ലല്ലുഷ് പറഞ്ഞത്.

ഫോണ്‍ വിളിച്ച് കഴിഞ്ഞാല്‍ രണ്ടുവാക്ക് പറഞ്ഞ് അവസാനിപ്പിക്കും. വീട്ടുകാരുടെ ഇടയിലായത് കൊണ്ട് സംസാരിക്കാന്‍ നല്ല പേടിയുണ്ട് പുള്ളിക്ക്. കുട്ടികളെപ്പോലെയാണ് പുള്ളി. മിണ്ടരുതെന്ന് പറഞ്ഞാല്‍ മിണ്ടില്ല. വിളിക്കാം എന്ന് പറഞ്ഞാല്‍ ചിലപ്പോള്‍ വിൡക്കും. അമ്മയെയാണ് വിളിക്കേണ്ടതെങ്കില്‍ 25 പ്രാവശ്യം വിളിച്ചേനെ. പുള്ളിക്ക് ഫാമിലി ലൈഫിന്റെ ആവശ്യമുണ്ടായിരുന്നോ എന്നുപോലും ഞാന്‍ ഇടയ്ക്ക് ചിന്തിക്കാറുണ്ടെന്നുമായിരുന്നു സുമ ജയറാം പറഞ്ഞത്.