പുറമേക്ക് കാണുന്നത് പോലെയല്ല, ഞങ്ങൾ കട്ട ലോക്കൽ; ഇത്രയും പ്രതീക്ഷിച്ചില്ലെന്ന് കമന്റ്; അഹാനയ്ക്ക് പരിഹാസം

അഹാന പറഞ്ഞത് എത്രമാത്രം സത്യമാണെന്ന് ഇപ്പോൾ മനസിലായി എന്നാണ് ആളുകൾ പറയുന്നത്. ഇതെല്ലാം കാണുന്ന അഹാന ഇപ്പോൾ ചിന്തിക്കുന്നത് എനിക്കെന്തിന്റെ കേടായിരുന്നു എന്നായിരിക്കുമെന്നും കമന്റുകളുണ്ട്. അമ്മൂമ്മയെയും കസിൻ തൻവിയെയും പൊതുമധ്യത്തിൽ അപഹാസ്യരാക്കുന്ന പരാമർശമാണ് കഴിഞ്ഞ ദിവസം അഹാന നടത്തിയത്. അമ്മൂമ്മ എന്നും പ്രശ്നക്കാരിയാണെന്നും ആ സ്ത്രീ വളരെ മോശമായി സംസാരിക്കാറുണ്ടെന്നും അഹാന പറഞ്ഞു. തൻവി ഓരോ ഘട്ടത്തിലും തനിക്കാെപ്പമുള്ളവരെ കുറ്റം പറയുന്നയാളാണെന്നും അഹാന പറഞ്ഞു. തൻവി പറയുന്നത് പോലെ തൻവിയുടെ അമ്മ വില്ലത്തിയല്ലെന്നും അഹാന പറഞ്ഞു. ഇതോടെ അഹാനയ്ക്ക് നേരെ വ്യാപക വിമർശനം വന്നു.

തൻവി പങ്കുവെച്ച വ്ലോ​ഗ് ആണ് പ്രശ്നങ്ങളുടെ തുടക്കമെങ്കിലും തൻവിയുടെ വ്ലോ​ഗിൽ സിന്ധു കൃഷ്ണയെയോ കുടുംബത്തെയോ നേരിട്ട് കുറ്റപ്പെടുത്തിയിരുന്നില്ല. എന്നാൽ തൻവിക്ക് മറുപടിയുമായെത്തിയ അഹാന വളരെ സ്വകാര്യമായ കാര്യങ്ങൾ പോലും പറഞ്ഞ് രണ്ട് പേരെയും അപമാനിക്കാൻ ശ്രമിച്ചു. തൻവിയുടെ കുട്ടിക്കാലത്ത് അച്ഛനും അമ്മയും വേർപിരിഞ്ഞതാണ്. അച്ഛനൊപ്പമായിരുന്നു തൻവി. എന്നാൽ അച്ഛന്റെ മരണ ശേഷം തിരിച്ച് വരേണ്ടി വന്നു. അമ്മ മറ്റൊരു വിവാഹം ചെയ്ത് കുടുംബ ജീവിതം നയിക്കുന്നതിനാൽ അമ്മൂമ്മയും അപ്പൂപ്പനുമാണ് തൻവിയെ വളർത്തിയത്. ചെറിയ പ്രായത്തിലേ തൻവി അനുഭവിച്ച മാനസിക പ്രയാസങ്ങൾ അഹാന പൂർണമായും തള്ളിക്കളഞ്ഞു. തൻവിയുടെ അമ്മ വളരെ നല്ലയാളാണെന്നും വില്ലത്തിയായി ചിത്രീകരിക്കാൻ തൻവി ശ്രമിക്കുകയാണെന്നും കമന്റുകൾ വന്നു. പിന്നാലെ തൻവി അമ്മൂമ്മയെ അഹാന അസഭ്യം പറയുന്ന മെസേജുകൾ പുറത്ത് വിട്ടു.