മുത്തശ്ശിയുടെ മരണത്തില്‍ സങ്കടമില്ല! കണ്ണീര് കണ്ടില്ല! ഒന്നും അറിയാതെ കഥ മെനയരുത്! മറുപടിയുമായി അപ്‌സര

വ്യത്യസ്തമായ പാട്ടുകളിലൂടെയായി ആസ്വാദകരുടെ ഹൃദയത്തില്‍ ഇടം നേടിയതാണ് എസ് ജാനകി എന്ന ജാനകിയമ്മ. വിയോഗവാര്‍ത്ത അറിഞ്ഞപ്പോള്‍ മുതല്‍ വിഷമം പങ്കുവെച്ച് പ്രിയപ്പെട്ടവര്‍ എത്തിയിരുന്നു. ഭര്‍ത്താവിന്റെയും, മകന്റെയും, കൊച്ചുമകളുടെയും അകാല വിയോഗം അവരെ വല്ലാതെ വേദനിപ്പിച്ചിരുന്നു. ഭര്‍ത്താവ് മരിച്ചപ്പോള്‍ മകനായിരുന്നു അമ്മയെ ജീവിതത്തിലേക്ക് തിരികെ കൊണ്ടുവന്നത്. ഇനി പാടുന്നില്ലെന്ന തീരുമാനം മാറ്റിയത് മകന് വേണ്ടിയായിരുന്നു. മകനായിരുന്നു പിന്നീട് നിഴലായി അമ്മയോടൊപ്പം നിന്നത്. മകന്‍ പോയതോടെ ആകെ തകര്‍ന്നുപോയിരുന്നു അവര്‍. ഇനി പാടുന്നില്ലെന്നും, പുതിയ ഗായകര്‍ക്ക് അവസരങ്ങള്‍ ലഭിക്കട്ടെ എന്നുമായിരുന്നു അവര്‍ പറഞ്ഞത്. അവസാനനിമിഷം വരെ അമ്മൂമ്മയ്‌ക്കൊപ്പമുണ്ടായിരുന്നു കൊച്ചുമകളായ അപ്‌സര. അര്‍ഹിക്കുന്ന ആദരം അവസാന യാത്രയിലും നല്‍കിയതിന് കര്‍ണാടക ഗവണ്‍മെന്റിനോട് അവര്‍ നന്ദി പറഞ്ഞിരുന്നു. സോഷ്യല്‍മീഡിയയിലൂടെയായി മുത്തശ്ശിയെക്കുറിച്ചും, സഹോദരി വര്‍ഷയെക്കുറിച്ചും വാചാലയായിരിക്കുകയാണ് അപ്‌സര.

എന്റെ മുത്തശ്ശിക്ക് ലോകത്തിൽ ഏറ്റവും പ്രിയപ്പെട്ട വ്യക്തി എന്റെ മൂത്ത സഹോദരി വർഷയായിരുന്നു. അവർ തമ്മിൽ വലിയ സാമ്യമുണ്ടായിരുന്നു. വാക്കുകൾ കൊണ്ട് വിവരിക്കാനാവാത്ത വിധത്തിൽ അവർ പരസ്പരം മനസ്സിലാക്കിയിരുന്നു. എല്ലാ അർത്ഥത്തിലും അവർ പരസ്പരം ചേർന്നവരായിരുന്നു. ഇന്ന് ഞാൻ ചെയ്യുന്ന പല കാര്യങ്ങളും ചെയ്യേണ്ടിയിരുന്നത് അവളായിരുന്നു. മുത്തശ്ശിയെ പരിചരിക്കേണ്ടിയിരുന്നതെല്ലാം അവളായിരുന്നു. 2023 ഓഗസ്റ്റിൽ അവൾ നമ്മെ വിട്ടുപിരിഞ്ഞു. ആ നഷ്ടത്തിൽ നിന്ന് ഞങ്ങളുടെ കുടുംബത്തിന് ഒരിക്കലും പൂർണ്ണമായി മുക്തി നേടാനാവില്ല. ദുഃഖം അപ്രത്യക്ഷമാകുന്നില്ല. മറിച്ച്, ജീവിതകാലം മുഴുവൻ ഒപ്പം കൊണ്ടുനടക്കാൻ പഠിക്കുന്ന ഒന്നായി അത് മാറുന്നു. അവർ വീണ്ടും ഒന്നിച്ചുചേർന്നു എന്ന അറിവ് മാത്രമാണ് എനിക്ക് ആശ്വാസം നൽകുന്നതെന്നും അപ്സര പറയുന്നു.