അശ്വിന്റെ അവസ്ഥ നിമിഷിന് വരില്ല, ഇത് ഭാര്യവീട്ടിൽ അശ്വിൻ തന്നെ വരുത്തിവെച്ച സാ​ഹചര്യം; ചർച്ച

എന്നാൽ ചിലർ ഈ വാദത്തെ അം​ഗീകരിക്കുന്നില്ല. നിമിഷ് അറിയപ്പെടുന്ന സിനിമോട്ടോ​ഗ്രാഫറാണ്. കോടികൾ പ്രതിഫലം വാങ്ങുന്നയാൾ. പണവും പ്രശസ്തിയുമുള്ളതിന്റെ പരി​ഗണന നിമിഷിന് ലഭിച്ചേക്കുമെന്നതാണ് ഇവർ പറയുന്നത്. മറുവശത്ത് അശ്വിൻ സാധാരണക്കാരനാണ്. ദിയയെ വിവാഹം ചെയ്തതും ദിയ നൽകുന്ന ആഡംബര ലെെഫ് സ്റ്റെെലും വലിയ സൗഭാ​ഗ്യമായി കാണുന്നയാൾ. ഈ പരി​ഗണനയേ അശ്വിന് ലഭിക്കൂ, കാരണം അമിത വിനയം കാണിച്ച് അശ്വിൻ തന്നെ വരുത്തി വെച്ച സാഹചര്യമാണിതെന്നും അഭിപ്രായങ്ങളുണ്ട്.

അമ്മൂമ്മയെയും കസിൻ തൻവിയെയും പൂർണമായും തള്ളിക്കളയുന്ന പരാമർശമാണ് കഴിഞ്ഞ ദിവസം അഹാന നടത്തിയത്. അമ്മൂമ്മ എന്നും പ്രശ്നക്കാരിയാണെന്നും ആ സ്ത്രീ വളരെ മോശമായി സംസാരിക്കാറുണ്ടെന്നും അഹാന പറയുന്നു. തൻവി ഓരോ ഘട്ടത്തിലും തനിക്കാെപ്പമുള്ളവരെ കുറ്റം പറയുന്നയാളാണെന്നും അഹാന പറഞ്ഞു. തൻവി പറയുന്നത് പോലെ തൻവിയുടെ അമ്മ വില്ലത്തിയല്ലെന്നും അഹാന പറഞ്ഞു. ഇതോടെ അഹാനയ്ക്ക് നേരെ വ്യാപക വിമർശനം വന്നു.

തൻവിയുടെ കുട്ടിക്കാലത്ത് അച്ഛനും അമ്മയും വേർപിരിഞ്ഞതാണ്. അച്ഛനൊപ്പമായിരുന്നു തൻവി. എന്നാൽ അച്ഛന്റെ മരണ ശേഷം തിരിച്ച് വരേണ്ടി വന്നു. അമ്മ മറ്റൊരു വിവാഹം ചെയ്ത് കുടുംബ ജീവിതം നയിക്കുന്നതിനാൽ അമ്മൂമ്മയും അപ്പൂപ്പനുമാണ് തൻവിയെ വളർത്തിയത്. ചെറിയ പ്രായത്തിലേ തൻവി അനുഭവിച്ച മാനസിക പ്രയാസങ്ങൾ അഹാന പൂർണമായും തള്ളിക്കളയുന്നെന്നും ഇത് വളരെ മോശമാണെന്നും അഭിപ്രായങ്ങൾ വന്നു. പിന്നാലെ തൻവി അമ്മൂമ്മയെ അഹാന അസഭ്യം പറയുന്ന മെസേജുകളും പുറത്ത് വിട്ടു.