For Quick Alerts
    ALLOW NOTIFICATIONS  
    For Daily Alerts

    ഷാരൂഖിന്റെ ബിഎംഡബ്ല്യു രജനി വാങ്ങില്ല

    By Ajith Babu
    |

    രാ വണ്‍ വെന്നിക്കൊടി പാറിച്ചപ്പോള്‍ സമ്മാനപ്പൊതിയുമായി ഷാരൂഖ് രംഗത്തെത്തിയത് ബി ടൗണില്‍ വലിയ വാര്‍ത്തയൊന്നുമായില്ല. സിനിമ വിജയിച്ചാല്‍ അണിയറപ്രവര്‍ത്തകര്‍ക്ക് എന്തെങ്കിലും സമ്മാനം നല്‍കുന്ന പതിവ് ഷാരൂഖിന് പണ്ടേയുണ്ട്.

    തന്റെ ഡ്രീം പ്രൊജക്ടായ രാ വണിനെ ഒരു സ്‌പെഷ്യല്‍ മൂവിയാക്കി മാറ്റിയ മൂന്ന് പേര്‍ക്കാണ് ഷാരൂഖ് സമ്മാനം നല്‍കാന്‍ തീരുമാനിച്ചത്. വില്ലനായി അഭിനയിച്ച അര്‍ജ്ജുന്‍ രാം പാലിനും സംവിധായകന്‍ അനുഭവ് സിന്‍ഹയ്ക്കും അതിഥി വേഷത്തിലെത്തിയ സൂപ്പര്‍ സ്റ്റാര്‍ രജനീകാന്തിനും ലക്ഷ്വറി ബിഎംഡബ്ല്യു കാര്‍ സമ്മാനിയ്ക്കാനായിരുന്നു താരം ആഗ്രഹിച്ചത്.

    എന്നാലിപ്പോള്‍ ഷാരൂഖിന്റെ സമ്മാനം രജനി സ്വീകരിയ്ക്കാന്‍ സാധ്യതയില്ലെന്ന വിശേഷമാണ് വാര്‍ത്തകളില്‍ ഇടംകണ്ടെത്തിയിരിക്കുന്നത്. എക്കാലത്തും ജീവിതത്തില്‍ ലാളിത്യം കാത്തുസൂക്ഷിയ്ക്കുന്ന രജനികാന്ത് യാത്രകള്‍ക്ക് ഉപയോഗിക്കുന്നത് ഇപ്പോഴും പഴയ കാറുകളാണ്.

    വലിയ ആഡംബരങ്ങള്‍ ആഗ്രഹിയ്ക്കാത്ത സൂപ്പര്‍താരം വിലപിടിപ്പുള്ള ഉപഹാരങ്ങളൊന്നും സ്വീകരിയ്ക്കുക പതിവില്ല. അങ്ങനെയൊന്ന് ലഭിച്ചാല്‍ തന്നെ അടുത്ത സുഹൃത്തുക്കള്‍ക്കോ ബന്ധുക്കള്‍ അത് കൈമാറുകയാണ് പതിവ്. ഇതിനൊക്കെ പുറമെ എന്തെങ്കിലും പ്രതിഫലം ആഗ്രഹിച്ചില്ല സൗഹൃദത്തിന്റെ പേരിലാണ് രജനി രാ വണ്ണില്‍ പ്രത്യക്ഷപ്പെടാന്‍ തയാറായത്. ഇതുകൊണ്ടൊക്കെ തന്നെ ഷാരൂഖിന്റെ സമ്മാനം വാങ്ങാന്‍ രജനി തയാറാവില്ലെന്നാണ് അദ്ദേഹത്തോട് അടുത്തവൃത്തങ്ങള്‍ പറയുന്നത്.

    English summary
    Shahrukh Khan, who had planned to bestow Rajinikanth with a BMW car for doing a cameo in Ra.One, might be disappointed to hear that the Tamil superstar may not accept his gift. The Endhiran star, who is known for his simplicity, agreed to do the cameo on a friendly gesture and not to make something out of it
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X