For Quick Alerts
    ALLOW NOTIFICATIONS  
    For Daily Alerts

    'വിജയ് എനിക്ക് സഹോദരനെ പോലെ'; നടനെക്കുറിച്ച് ആമിർ ഖാന്റെ വാക്കുകൾ

    |

    ‌ബോളിവുഡ് നടൻ ആമിർ ഖാന്റെ പുതിയ ചിത്രം ലാൽ സിം​ഗ് ഛദ്ദ റിലീസിന് ഒരുങ്ങുകയാണ്. ആ​ഗസ്റ്റ് 12 ന് റിലീസ് ചെയ്യുന്ന ചിത്രത്തിൽ ഏറെ പ്രതീക്ഷയാണ് ആമിറിന്റെ ആരാധകർക്കുള്ളത്. ഒരിടവേളയ്ക്ക് ശേഷം ആമിർ നായകനാവുന്ന സിനിമ, ഹോളിവുഡ് ചിത്രം ഫോറസ്റ്റ് ​ഗംപിന്റെ റീമേക്ക് തുടങ്ങി ആമിർ ഖാൻ ആരാധകർക്ക് പ്രതീക്ഷകളേറെയാണ്.

    തമിഴ്, തെലുങ്ക്, കന്നഡ എന്നീ തെന്നിന്ത്യൻ ഭാഷകളിലും ചിത്രം മൊഴി മാറ്റി റിലീസ് ചെയ്യുന്നു. ഉദനനിധി സ്റ്റാലിനാണ് ലാൽ സിം​ഗ് ഛദ്ദയുടെ തമിഴ്നാട്ടിലെ വിതരണാവകാശം സ്വന്തമാക്കിയത്.

    ചിത്രത്തിന്റെ റിലീസിന് മുമ്പായി ചെന്നെെയിൽ നടത്തിയ പ്രത്യേക സ്ക്രീനിം​ഗിൽ മാധ്യമങ്ങളോട് സംസാരിച്ചിരിക്കുകയാണ് ആമിർ. തമിഴ് സൂപ്പർ താരങ്ങളായ വിജയും അജിത്തും തനിക്ക് പ്രിയപ്പെട്ടവരാണെന്ന് ആമിർ ഖാൻ പറയുന്നു.

    'വിജയ് സർ ഒരു മികച്ച നടനാണ്. അദ്ദേഹത്തെ കാണുമ്പോൾ എനിക്ക് ഒരു സഹോദരനെ പോലെ തോന്നും. രജനി സാറെ കാണുമ്പോഴും എനിക്ക് അത് തന്നെ തോന്നും,' ആമിർ ഖാൻ പറഞ്ഞു. ലാൽ സിം​ഗ് ഛദ്ദയുടെ തമിഴ് പതിപ്പിന്റെ സ്ക്രീനിം​ഗിന് ഉദയ് സ്റ്റാലിൻ, ശിവകാർത്തികേയൻ, ഖുശ്ബു തുടങ്ങിയവരും പങ്കെടുത്തിരുന്നു. ‌‌‌‌

    Also read: സെറ്റിൽ നിന്ന് സാധനങ്ങൾ മോഷ്ടിക്കാറുണ്ടോയെന്ന് റിതേഷ്; ഐശ്വര്യയെ മോഷ്ടിച്ചതെന്ന് അഭിഷേകിന്റെ തഗ് മറുപടി

    നടൻ അജിത്തിനെ പറ്റിയും ആമിർ ഖാൻ സംസാരിച്ചു. 'അജിത്തിനുള്ളിലും പൊട്ടിത്തെറിക്കാൻ കാത്തിരിക്കുന്ന ആന്തരിക ശക്തി ഉണ്ട്. അദ്ദേഹത്തിന് ആ വ്യക്തിത്വമുണ്ട്,' ആമിർ ഖാൻ പറഞ്ഞു. തെന്നിന്ത്യൻ നടനായ നാ​ഗചൈതന്യയും ലാൽ സിം​ഗ് ഛദ്ദയിൽ പ്രധാന വേഷത്തിലെത്തുന്നുണ്ട്. ഇദ്ദേഹവും ചെന്നെെയിലെ പ്രൊമോഷൻ പരിപാടികളിൽ പങ്കെടുത്തു.

    Also read: വിജയ് സേതുപതി ഭാര്യ ജെസിയെ കാണുന്നത് വിവാഹനിശ്ചയത്തിന്റെ അന്ന്? ഇന്റര്‍നെറ്റിലൂടെയുള്ള പ്രണയകഥയിങ്ങനെ..

    ബോളിവുഡ് സിനിമാ ലോകവും ഏറെ പ്രതീക്ഷയോടെയാണ് ലാൽ സിം​ഗ് ഛദ്ദയുടെ റിലീസ് കാത്തിരിക്കുന്നത്. കഴിഞ്ഞ കുറച്ചു നാളുകളായി ബോളിവുഡിലിറങ്ങിയ ബി​ഗ് ബജറ്റ് സിനിമകളെല്ലാം ബോക്സ് ഓഫീസിൽ പരാജയപ്പെടുകയാണുണ്ടായത്. മറുവശത്ത് പുഷ്പ, ആർആർആർ, കെജിഎഫ് തുടങ്ങിയ തെന്നിന്ത്യൻ സിനിമകൾ ഹിന്ദിയിൽ മൊഴി മാറ്റിയെത്തിയപ്പോൾ വൻ ഹിറ്റാവുകയും ചെയ്തു.

    Also read: പാപ്പന്‍ സിനിമയില്‍ ആരായിരുന്നു പ്രിയ നളിനി; ജൂവല്‍ മേരി മനോഹരമാക്കിയ കഥാപാത്രത്തെ കുറിച്ച് തിരക്കഥാകൃത്ത്

    Recommended Video

    ആമിര്‍ ഖാനെ വിവാഹം കഴിക്കാന്‍ ആഗ്രഹിച്ചിരുന്നു : Sai Tamhankar | FilmiBeat Malayalam

    ആമിറിന്റെ തന്നെ ദം​ഗൽ എന്ന സിനിമയുടെ ഇന്ത്യയിലെ ബോക്സ് ഓഫീസ് റെക്കോഡ് തകർത്തത് കെജിഎഫ് ചാപ്റ്റർ 2 വിന്റെ ഹിന്ദി പതിപ്പാണ്. ബോളിവുഡിന്റെ ഖ്യാതി ഇല്ലാതായി തെന്നിന്ത്യൻ സിനിമകൾ ഉത്തരേന്ത്യയിലെ തിയറ്ററുകൾ ഭരിക്കുന്ന കാലം വരുമോയെന്നാണ് ബി ടൗണിലെ വമ്പൻമാർ ആശങ്കപ്പെടുന്നത്.

    ഹിന്ദി സിനിമകളുടെ മോശം സമയത്ത് ഈ പ്രതിസന്ധി അകറ്റാൻ ഇന്ത്യയൊട്ടുക്കും ആരാധകരുള്ള ആമിറിന് പറ്റുമെന്നാണ് ഇവർ കരുതുന്നത്. ദം​ഗൽ, സീക്രട്ട് സൂപ്പർ സ്റ്റാർ, പികെ തുടങ്ങിയ ആമിർ ചിത്രങ്ങളുണ്ടാക്കിയ അലയൊലികൾ ലാൽ സിം​ഗ് ഛദ്ദയ്ക്കും ഉണ്ടാക്കാനാവുമെന്നാണ് പ്രതീക്ഷ.

    Read more about: aamir khan vijay
    English summary
    aamir khan about south indian super stars vijay and ajith kumar; says vijay is like a brother
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X