For Quick Alerts
    ALLOW NOTIFICATIONS  
    For Daily Alerts

    ഇതാണോ ബെഡ് റൂം സീന്‍! ചിരി നിര്‍ത്താതെ ഷാരൂഖും കജോളും; ആ സംഭവം ഇങ്ങനെ

    |

    ബോളിവുഡിന്റെ മാത്രമല്ല, ഇന്ത്യന്‍ സിനിമയുടെ തന്നെ ചരിത്രത്തിലെ നാഴികക്കല്ലായി മാറിയ ചിത്രമാണ് ദില്‍വാലേ ദുല്‍ഹനിയ ലേ ജായേംഗെ. ബോളിവുഡിലെ ഹിറ്റ് പ്രണയജോടികളായ ഷാരൂഖും കജോളും തകര്‍ത്തഭിനയിച്ച ഈ ചിത്രത്തിന് എക്കാലവും ആരാധകരുണ്ട്.

    മുംബൈയിലെ മറാത്ത മന്ദിര്‍ തീയറ്ററില്‍ ഇപ്പോഴും ഈ പ്രണയചിത്രം പ്രദര്‍ശിപ്പിക്കുന്നുണ്ട്. സിനിമാപ്രേമികളുടെ എക്കാലത്തെയും പ്രിയപ്പെട്ട സിനിമകളിലൊന്നായ ദില്‍വാലേയുടെ വിശേഷങ്ങള്‍ പറഞ്ഞാലും പറഞ്ഞാലും തീരില്ല. അടുത്ത സുഹൃത്തുക്കളായ ഷാരൂഖിന്റെയും കജോളിന്റെയും കെമിസ്ട്രി ഏറ്റവും നന്നായി വര്‍ക്കൗട്ടായതും ഈ ചിത്രത്തിലായിരുന്നു.

    ddlj

    ചിത്രത്തിലെ ഏറ്റവും ശ്രദ്ധ നേടിയ രംഗങ്ങളിലൊന്നായിരുന്നു ഷാരൂഖും കജോളും തമ്മിലുള്ള ഒരു ബെഡ് റൂം സീന്‍. ആദിത്യ ചോപ്ര ഇത് വളരെ റൊമാന്റിക്കായി ചിത്രീകരിക്കാനുദ്ദേശിച്ച് എഴുതിവെച്ചതാണെങ്കിലും പക്ഷെ, അതത്ര എളുപ്പമായിരുന്നില്ല.

    അനേകം ടേക്കുകള്‍ക്കൊടുവിലാണ് ആ രംഗം ഒന്ന് ശരിയായത്. ആ രംഗം അഭിനയിക്കാന്‍ തുടങ്ങിയപ്പോള്‍ മുതല്‍ ഇരുവരും ചിരി നിര്‍ത്തിയിട്ടില്ല. എങ്ങനെയൊക്കെയോ പിന്നീട് സംവിധായകന്റെ ചീത്തവിളികള്‍ക്കൊടുവില്‍ ആ രംഗം പൂര്‍ത്തീകരിക്കുകയായിരുന്നു.

    Also Read: അക്ഷയ് എന്നെ ഉപയോഗിക്കുകയായിരുന്നു, വേറെ ആളെ കിട്ടിയപ്പോള്‍ ഇട്ടിട്ടു പോയി; വഞ്ചന തുറന്ന് പറഞ്ഞ് ശില്‍പ ഷെട്ടി

    അതേക്കുറിച്ച് കജോള്‍ ഒരു മാധ്യമത്തോട് പറഞ്ഞത് ഇങ്ങനെയായിരുന്നു.'രണ്ട് മാഗസിനുകള്‍ മുഴുവന്‍ എഴുതിയാലും പറഞ്ഞു തീരാത്ത അത്ര കാര്യങ്ങളുണ്ട് ആ സംഭവത്തെക്കുറിച്ച്. ആ സീനിന് ഇടയില്‍ ഞാന്‍ സിബ്ബ് താഴേക്ക് വലിച്ച് ഊരാന്‍ തുടങ്ങുമ്പോള്‍ തന്നെ ഞങ്ങള്‍ രണ്ടും ചിരി തുടങ്ങും. അങ്ങനെ ചിരിച്ച് ചിരിച്ച് ഒരു വഴിയായെന്ന് പറഞ്ഞാല്‍ മതിയല്ലോ. ചിരി നിര്‍ത്താന്‍ പറ്റാതെ കുറേ കഷ്ടപ്പെട്ടു. പിന്നെ എങ്ങനെയൊക്കെയോ ആ സീന്‍ ചെയ്തു.' കജോള്‍ പറയുന്നു.

    ddlj

    1995-ലാണ് ആദിത്യ ചോപ്ര സംവിധാനം ചെയ്ത ദില്‍വാലേ ദുല്‍ഹനിയ ലേ ജായേംഗെ പുറത്തിറങ്ങിയത്. യാഷ് ചോപ്രയായിരുന്നു നിര്‍മ്മാണം. ഇന്ത്യയില്‍ നിന്നും വിദേശത്തു നിന്നും മികച്ച കളക്ഷന്‍ നേടിയ ചിത്രം ആ വര്‍ഷത്തെ ഏറ്റവും മികച്ച ജനപ്രിയ ചിത്രത്തിനുള്ള ദേശീയ അവാര്‍ഡും പത്ത് ഫിലിം ഫെയര്‍ പുരസ്‌കാരങ്ങളും കരസ്ഥമാക്കിയിരുന്നു. ചിത്രത്തിലെ ഗാനങ്ങളും സൂപ്പര്‍ ഹിറ്റുകളായിരുന്നു.

    English summary
    An Unknown Backstory Of Kajol-SRK's Particular Scene In DDLJ Goes Viral Again
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X