കുത്തിത്തിരിപ്പുണ്ടാക്കുന്നവര്‍ കേള്‍ക്കണം, ഐശ്വര്യയുടെ ഈ അവസ്ഥ കാരണം ജയ പിറന്നാള്‍ ആഘോഷിച്ചില്ല!!

പിറന്നാളിന് ആഘോഷമില്ല

ഈ കഴിഞ്ഞ ഞായറാഴ്ചയായിരുന്നു ജയ ബച്ചന്റെ 65 ആം പിറന്നാള്‍. എന്നാല്‍ മരുമകളുടെ അച്ഛന്‍ മരിച്ചിട്ട് ഒരു മാസം മാത്രമേ ആവുന്നുള്ളൂ എന്ന കാരണത്താല്‍ ജയ പിറന്നാള്‍ ആഘോഷങ്ങളൊന്നും വേണ്ട എന്നുവച്ചത്രെ...

മകളുടെ അടുത്ത്

ഇത്തവണത്തെ പിറന്നാളിന് ജയ മകള്‍ ശ്വേതയുടെ കൂടെയായിരുന്നു. ദില്ലിയിലുള്ള മകളുടെ വീട്ടില്‍ പുസ്തകം വായിക്കുകയൊക്കെയായി വളരെ സാധാരണമൊരു ദിവസമായിരുന്നു ജയയ്ക്ക്. മകളും ഭര്‍ത്താവും കുട്ടികളുമല്ലാതെ മറ്റാരും ആ വീട്ടിലന്ന് ഉണ്ടായിരുന്നില്ല

മകനും ഭര്‍ത്താവും അടുത്തില്ല

ഭര്‍ത്താവ് അമിതാഭ് ബച്ചനും മകന്‍ അഭിഷേക് ബച്ചനും പോലും പിറന്നാളിന് ജയയുടെ കൂടെയില്ലായിരുന്നു. ഐശ്വര്യയ്ക്കും മകള്‍ ആരാധ്യയ്ക്കുമൊപ്പം മാംഗ്ലൂരിലാണ് അഭിഷേക്. അമിതാഭ് ബച്ചനാകട്ടെ മുംബൈയിലും.

കൂടെ തന്നെ അഭിഷേക്

അച്ഛന്റെ മരണത്തില്‍ മനം നൊന്തിരിയ്ക്കുകയാണ് ഐശ്വര്യ. പഴയ നിലയിലേക്ക് തിരിച്ചെത്തുന്നത് വരെ അഭിഷേക് കൂടെ തന്നെ ഉണ്ടാവും എന്നാണ് റിപ്പോര്‍ട്ടുകള്‍. അമ്മയെക്കാള്‍ ആഷിന് അടുപ്പം അച്ഛനുമായിട്ടായിരുന്നു. ഐശ്വര്യയ്ക്ക് മാത്രമല്ല, അഭിഷേകും കൃഷ്ണരാജ് റായിയുമായി നല്ല അടുപ്പമായിരുന്നു.