twitter
    For Quick Alerts
    ALLOW NOTIFICATIONS  
    For Daily Alerts

    ലണ്ടനില്‍നിന്നെത്തിയ രണ്‍ബീറിന് 60000രൂപ പിഴയിട്ടു

    By Lakshmi
    |

    Ranbir Kapoor
    മുംബൈ: ബോളിവുഡ് താരം രണ്‍ബീര്‍ കപൂറിനെ മുംബൈ അന്താരാഷ്ട്രത്തില്‍ തടഞ്ഞുവെയ്ക്കുകയും അറുപതിനായിരം രൂപ പിഴയീടാക്കുകയും ചെയ്തു. വ്യക്തിഗത ആവശ്യത്തിനായി അനുവദനീയമായതിലും കൂടുതല്‍ ബ്രാന്റഡ് ഉല്‍പ്പന്നങ്ങള്‍ കൊണ്ടുവന്നതാണ് രണ്‍ബീറിന് വിനയായത്. ശനിയാഴ്ചയാണ് മുംബൈ വിമാനത്താവളത്തില്‍ വന്നിറങ്ങിയ രണ്‍ബീറിനെ കസ്റ്റംസുകാര്‍ തടഞ്ഞത്.

    ബ്രിട്ടീഷ് എയര്‍വേസ് വിമാനത്തില്‍ ലണ്ടനില്‍ നിനിന്നും തിരിച്ച രണ്‍ബീര്‍ ഉച്ചയ്ക്ക് 12. 30ഓടെയാണ് മുംബൈ വിമാനത്താവളത്തില്‍ ഇറങ്ങിയത്. പിന്നീട് വിമാനത്താവളത്തിലെ ജീവനക്കാര്‍ക്കും ഉദ്യോഗസ്ഥര്‍ക്കും പുറത്തേയ്ക്കുപോകാനുള്ള വഴിയിലൂടെ പോകാന്‍ ശ്രമിച്ച രണ്‍ബീറിനെ കസ്റ്റംസ് പിടികൂടുകയും പരിശോധിയ്ക്കുകയുമായിരുന്നു. തുടര്‍ന്നാണ് ബാഗില്‍ അനുവദനീയമായതിലും കൂടുതല്‍ വിദേശവസ്തുക്കള്‍ ഉണ്ടെന്ന് കണ്ടെത്തിയത്- കസ്റ്റംബസ് ഡെപ്യൂട്ടി കമ്മീഷണര്‍ സമീര്‍ വാങ്കഡെ പറഞ്ഞു.

    പെര്‍ഫ്യൂമുകള്‍, തുണിത്തരങ്ങള്‍, ചെരുപ്പുകള്‍ തുടങ്ങി ഒരുലക്ഷത്തോളം രൂപയുള്ള വിദേശ ഉല്‍പ്പന്നങ്ങലായിരുന്നുവത്രേ രണ്‍ബീറിന്റെ ബാഗില്‍ ഉണ്ടായിരുന്നത്. ഇതുമായി യാത്രക്കാര്‍ കസ്റ്റംസ് പരിശോധനയ്ക്കുശേഷം കടന്നുപോകേണ്ട വഴിയിലൂടെ പോകാതെ രണ്‍ബീര്‍ ഉദ്യോഗസ്ഥര്‍ക്കും ജീവനക്കാര്‍ക്കുമായുള്ള വഴിയിലൂടെ പുറത്തുകടക്കാന്‍ ശ്രമിക്കുകയായിരുന്നു- കസ്റ്റംസ് ഉദ്യോഗസ്ഥര്‍ പറഞ്ഞു.

    ബാഗുകള്‍പരിശോധിച്ചശേഷമാണ് കസ്റ്റംസ് ഉദ്യോഗസ്ഥര്‍ 60,000 രൂപ രണ്‍ബീറിന് പിഴയിട്ടത്. തുടര്‍ന്ന് രണ്‍ബീര്‍ ഈ തുക അടയ്ക്കുകയും കൊണ്ടുവന്ന വസ്തുക്കളുമായി വിമാനത്താവളത്തില്‍ നിന്നും പുറത്തുകടക്കുകയും ചെയ്തു. ഒരു ചിത്രത്തിന്റെ ഷൂട്ടിങ്ങിന് ശേഷം ലണ്ടനില്‍ നിന്നും മടങ്ങിവരുകയാണെന്നാണ് രണ്‍ബീര്‍ അധികൃതരെ അറിയിച്ചത്. ഇതിന് മുമ്പ് ബിപാഷ ബസു, മിന്നിഷ ലംബ, ഗായകന്‍ മിക്ക സിങ്, മല്ലിക ഷെരാവത്തിന്റെ സഹോദരന്‍ വിക്രം ലംബ എന്നിവര്‍ക്കെല്ലാം ഇത്തരത്തില്‍ അനുവദനീയമായതിലും കൂടുതല്‍ വസ്തുക്കള്‍ കൊണ്ടുവന്നതിനെത്തുടര്‍ന്ന് പിഴയടയ്‌ക്കേണ്ടിവന്നിട്ടുണ്ട്.

    English summary
    Ranbir Kapoor was on Saturday detained and fined about Rs 60,000 on undeclared branded personal goods he was carrying at the Mumbai Airport.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X