ലാലിന്റെ മകളുടെ വിവാഹ വിരുന്നില്‍ മാസ് എന്‍ട്രിയുമായി നടി സീനത്ത്! മമ്മൂട്ടിയ്ക്ക് പോലും കിട്ടിയില്ല

| Updated: Monday, January 29, 2018, 10:45 [IST]

നടനും സംവിധായകനുമായ ലാലിന്റെ മകളുടെ വിവാഹ വിരുന്നില്‍ മമ്മൂട്ടിയടക്കം പ്രമുഖരെല്ലാം പങ്കെടുത്തിരിക്കുകയാണ്. നവതാരദമ്പതികളായ ഭാവനയും നവീനുമായിരുന്നു പാര്‍ട്ടിയില്‍ ശ്രദ്ധിക്കപ്പെട്ടിരുന്നത്. ഒപ്പം മഞ്ജു വാര്യര്‍, സംയുക്ത വര്‍മ്മ, ഇന്ദ്രജിത്ത് തുടങ്ങിയ താരങ്ങളുടെയെല്ലാം ചിത്രങ്ങള്‍ സോഷ്യല്‍ മീഡിയയിലൂടെ വൈറലാവുകയാണ്.

ലാലേട്ടന് ഇനി ഒരു നീരാളയുണ്ട്! ആരാധകര്‍ക്കായി തന്റെ നീരാളിയെ കുറിച്ച് തുറന്ന് പറഞ്ഞ് മോഹന്‍ലാല്‍! ലാലേട്ടന് ഇനി ഒരു നീരാളയുണ്ട്! ആരാധകര്‍ക്കായി തന്റെ നീരാളിയെ കുറിച്ച് തുറന്ന് പറഞ്ഞ് മോഹന്‍ലാല്‍!

വിരുന്നില്‍ പങ്കെടുക്കാനെത്തിയ മമ്മൂട്ടിയെക്കാള്‍ പ്രധാന്യത്തോടെ തന്നെ പാര്‍ട്ടിയില്‍ സ്വീകരിച്ചതിനെ കുറിച്ച് നടി സീനത്ത് തുറന്ന് പറഞ്ഞിരിക്കുകയാണ്. ഫേസ്ബുക്കിലൂടെ പുറത്ത് വിട്ട കുറിപ്പിലൂടെയാണ് നടി ഇക്കാര്യം പറഞ്ഞത്. തനിക്ക് പകരം മോഹന്‍ലാല്‍ ആയിരുന്നെങ്കില്‍ സോഷ്യല്‍ മീഡിയ അത് തകര്‍ത്തേനെ എന്നും നടി പറയുന്നു.

സീനത്തിന്റെ മാസ് എന്‍ട്രി

ഇന്നലെ സംവിധായകന്‍ ലാലിന്റെ മോളുടെ വിവാഹ സല്‍ക്കാരത്തില്‍ പങ്കെടുത്തു. ഇങ്ങനെയുള്ള അവസരത്തിലല്ലേ എല്ലവരെയും ഒരുമിച്ചു കാണു. പക്ഷെ ഹാളിലേക്കുള്ള എന്റെ എന്‍ട്രി അവിടെയുള്ള എല്ലാവരെയും ഞെട്ടിച്ചു. എന്നെയും.. നിങ്ങള്‍ പലതും തീരുമാനിക്കാന്‍ വരട്ടെ..

അകത്തേക്കുള്ള ക്ഷണം

ഹോട്ടല്‍ ക്രൗണ്‍ പ്ലാസയില്‍ ആയിരുന്നു വിരുന്ന്. ഞാന്‍ കാറില്‍ നിന്നും ഇറങ്ങി. ഹോട്ടല്‍ മുഴുവന്‍ ദീപങ്ങള്‍കൊണ്ട് അലങ്കരിച്ചിരിക്കുന്നു. നല്ല സംഗീതം കേള്‍ക്കാം. ചുറ്റും ഒന്ന് കണ്ണോടിച്ചു അറിയുന്നവര്‍ ആരെങ്കിലും ഉണ്ടോ? ഇല്ല ആരേയും കാണുന്നില്ല. പെട്ടെന്ന് റോസ് കളര്‍ ഫ്രോക്ക് ധരിച്ച ഒരു പെണ്‍കുട്ടി ഓടി വന്നു മേഡം വരൂ അവള്‍ എന്നെ അകത്തേക്ക് ക്ഷണിച്ചു. കൈ മുന്നോട്ടു നീട്ടി നടക്കാന്‍ ആംഗ്യം കാണിച്ചു.

പിന്നണി ഗാനത്തോടെയുള്ള വരവേല്‍പ്പ്

ഞാന്‍ പതുക്കെ നടക്കാന്‍ തുടങ്ങിയതും മറ്റൊരു വശത്തുനിന്നും ഒരു വയലിന്‍ വായിച്ചുകൊണ്ടു ഒരാള്‍ വന്നു. ഞാന്‍ കരുതി അയാള്‍ അവിടെ നില്‍ക്കുമെന്ന്. ഇല്ല അയാള്‍ ഞാന്‍ നടക്കുന്നത് അനുസരിച്ചു അയാള്‍ വായന തുടങ്ങി. അയാള്‍ മുന്നിലും ഞാന്‍ പിന്നിലും. ഞാന്‍ നടത്തം ഒന്ന് നിര്‍ത്തി തിരിഞ്ഞു നോക്കി ഇനി മമ്മുക്കയോ ലാലോ (മോഹന്‍ലാല്‍) ഉണ്ടോ പിന്നില്‍ അവര്‍ക്കുള്ള വരവേല്‍പ്പ് ആണോ? ഇല്ല ആരും ഇല്ല. ഞാന്‍ വീണ്ടും നടന്നു. സ്‌റ്റേജിന്റെ അടുത്തെത്തിയപ്പോള്‍ എല്ലാവരും ഒന്നടങ്കം തിരിഞ്ഞു എന്നെ നോക്കുന്നു. എനിക്കാണെങ്കില്‍ ആകെ ചമ്മല്‍.

മമ്മുക്കയുടെ മുഖത്തും ഒരു അന്താളിപ്പ്

മമ്മുക്കയും ഉണ്ട് സ്റ്റേജില്‍. മമ്മുക്കയുടെ മുഖത്തും ഒരു അന്താളിപ്പ്...മനസ്സില്‍ തോന്നിക്കാണും ഞാന്‍ ഇവിടെ ഉണ്ടല്ലോ പിന്നെ ആര്‍ക്കാ ഇത്രയും വലീയ ഒരു സംഗീത അകമ്പടി ? സ്റ്റേജില്‍ നിന്നും സിദ്ധിഖ് (സംവിധായകന്‍ ) സ്വതസിദ്ധമായ നര്‍മത്തില്‍ പൊതിഞ്ഞ ശൈലിയില്‍ അതാ വരുന്നു ഡയലോഗ്. ആഹാ സീനത്തിനായിരുന്നോ ഈ സംഗീതം? ഉടനെ മനോജും മറ്റുള്ളവരും അത് ഏറ്റുപിടിച്ചു. എന്റെ അവസ്ഥയോ തട്ടത്തിന്മറയത്തിലെ ഡയലോഗ് പോലെ.. എന്റെ സാറെ ഒരു നിമിഷത്തേക്ക് ചുറ്റും ഉള്ളതൊന്നും കാണാത്തപോലെ?

ഓടി രക്ഷപ്പെടുകയായിരുന്നു..

എങ്ങിനെയോ പെണ്ണിനേയും ചെക്കനേയും ആശീര്‍വദിച്ചു താഴെ ഇറങ്ങി ഞാന്‍ മറ്റുള്ളവരോട് ചോദിച്ചു എന്താ ശരിക്കും സംഭവിച്ചത്? അത് മറ്റൊന്നും അല്ല വയലിന്‍ വായിക്കുന്ന ആര്‍ട്ടിസ്റ്റ്‌നുള്ള എന്‍ട്രി ആയിരുന്നു. ആ ഫ്രോക്ധാരി സുന്ദരികുട്ട്യാ പണി പറ്റിച്ചേ. അവള്‍ ടൈമിംഗ് തെറ്റി എന്നെ അകത്തേക്ക് ക്ഷണിച്ചേ? വീട്ടിലേക്കു മടങ്ങുമ്പോള്‍ കാറില്‍ ഇരുന്നു ഞാന്‍ ഒരു തമാശയായി ഓര്‍ത്തു.

സോഷ്യല്‍ മീഡിയ ആഘോഷിക്കുമായിരുന്നു

ഇതിപ്പോ ഞാന്‍ ആയത്‌കൊണ്ട് കുഴപ്പം ഇല്ല. എനിക്ക് പകരം മോഹന്‍ലാല്‍ ആയിരുന്നേല്‍ ആകെ പ്രശ്‌നം ആയേനെ? മമ്മുക്ക വന്നപ്പോള്‍ മ്യൂസിക് ഇല്ല മോഹലാലാല്‍ വന്നപ്പോള്‍ ഗംഭീര സ്വീകരണം സോഷ്യല്‍ മീഡിയ അത് തകര്‍ത്തേനെ.. നാന്‍സിയും ലാലും കുടുങ്ങും മമ്മുക്കയോട് ഇതെങ്ങിനെ പറഞ്ഞു മനസിലാക്കും? എന്നുമായിരുന്നു നടി പറഞ്ഞത്.