Don't Miss!
- Automobiles മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- Lifestyle വൈഡ് ലെഗ് ജീന്സ് മുതല് ബഗെറ്റ് ബാഗ് വരെ; ജെന് Z ആഗ്രഹിക്കുന്ന ഫാഷന് എസന്ഷ്യലുകള് ഇവയാണ്
- News ഈ രാശിക്കാർക്ക് കര്മ്മപുഷ്ടിയും സാമ്പത്തികനേട്ടവും, ദൂരയാത്രകള് ആവശ്യമായി വരും, രാശിഫലം
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ട്രോളന്മാര്ക്ക് വടി കൊടുത്ത് അടി വാങ്ങി അജു വര്ഗീസ്! കൂട്ടത്തിലൊരു പണി നിവിന് പോളിയ്ക്കിട്ടും
അങ്ങോട്ടും ഇങ്ങോട്ടും പണി കൊടുത്ത് ഫേസ്ബുക്കില് പഴയ ഫോട്ടോസ് കുത്തിപൊക്കി കൂട്ടുകാര് തമ്മില് ആഘോഷം നടത്തുകയാണ്. എവിടെ നോക്കിയാലും എല്ലാം പഴയ ഫോട്ടോസ് മാത്രമാണ്. സുഹൃത്തുക്കള് തമ്മില് ആരംഭിച്ച പരിപാടി ഇപ്പോള് സിനിമാ താരങ്ങളിലേക്കും എത്തിയിരിക്കുകയാണ്.
ഫേസ്ബുക്കില് കുത്തിപൊക്കല് മത്സരം, മമ്മൂട്ടി, പൃഥ്വിരാജ്, സണ്ണി ലിയോണിനെ പോലും വെറുതേ വിട്ടില്ല
മമ്മൂട്ടി, മോഹന്ലാല്, പൃഥ്വിരാജ്, ഇന്ദ്രജിത്ത്, ആസിഫ് അലി, കുഞ്ചാക്കോ ബോബന്, തുടങ്ങി താരങ്ങളുടെ ഫോട്ടോസ് എല്ലാം ചില വില്ലന്മാര് കുത്തിപൊക്കി കഴിഞ്ഞു. അതിനിടെ യുവതാരം അജു വര്ഗീസ് ട്രോളന്മാര്ക്ക് വടി കൊടുത്ത് അടി വാങ്ങിയിരിക്കുകയാണ്.
പൃഥ്വിരാജ് പുറത്ത് വിട്ടത് കട്ട സസ്പെന്സ് മാത്രമല്ല മറ്റൊരു കാര്യമുണ്ടെന്ന് സംവിധായകന്..
കുത്തിപൊക്കല്
കഴിഞ്ഞ കുറേ ദിവസമായി ഫേസ്ബുക്കില് നടക്കുന്ന കലാപരിപാടിയാണ് കുത്തിപൊക്കല്. പഴയ ഫോട്ടോസിന് താഴെ കമന്റിട്ടാല് അത് വീണ്ടും പൊങ്ങി വരും. കുറെ വര്ഷം മുന്പുള്ള ഫോട്ടോസ് ആയതിനാല് ഇന്നത്തെ ലുക്കും അന്നത്തെ ലുക്കും കണ്ടാല് ചിരി വരുമെന്നുള്ളതാണ് കാര്യം. ഇവരെ പേടിച്ച് പലരും പഴയ ചിത്രങ്ങളെല്ലാം കളയാനും തുടങ്ങിയിട്ടുണ്ട്. ഫോട്ടോസ് കുത്തിപൊക്കുന്ന വിദ്വാന്മാര് സജീവമായതോടെ സിനിമാ താരങ്ങള്ക്കും രക്ഷ ഇല്ലാതെയായി.
തുടക്കമിങ്ങനെ..
ഫേസ്ബുക്ക് സ്ഥാപകന് സക്കര്ബര്ഗില് നിന്ന് തന്നെയാണ് ഈ കുത്തിപൊക്കല് പരിപാടി തുടങ്ങിയത്. അദ്ദേഹത്തിന്റെ പഴയ ചിത്രങ്ങളില് പലതിലും കമന്റ് ഇട്ടതോടെ അത് വ്യാപകമായി ഷെയര് ചെയ്യപ്പെട്ടു. ഇതേ രീതി പിന്നീട് ഹോളിവുഡിലേക്കും ബോളിവുഡിലേക്കുമടക്കം എല്ലാ ഇന്ഡസ്ട്രികളിലേക്കും തരംഗമായി. മലയാളത്തില് നിന്നും മമ്മൂട്ടി, മോഹന്ലാല്, പൃഥ്വിരാജ്, ഇന്ദ്രജിത്ത്, ആസിഫ് അലി, കുഞ്ചാക്കോ ബോബന്, നിവിന് പോളി, ചില നടിമാര് തുടങ്ങി നിരവധി താരങ്ങളുടെ വര്ഷങ്ങള് പഴക്കമുള്ള ചിത്രങ്ങളാണ് പുറത്ത് വന്നത്.
അജു വര്ഗീസിന് കിട്ടിയ പണി
ആരാധകര് പഴയ ഫോട്ടോസ് കുത്തിപൊക്കാന് വരുന്നതിന് മുന്പ് അജു വര്ഗീസ് തന്നെ അതങ്ങ് ചെയ്തിരിക്കുകയാണ്. കുത്തിപൊക്കണ്ട ഞാന് തന്നെ ഇട്ടോളം എന്ന് പറഞ്ഞായിരുന്നു അജു സ്വന്തം ഫോട്ടോ തന്നെ പോസ്റ്റ് ചെയ്തത്. ഇത് ശരിക്കും ട്രോളന്മാര്ക്ക് വടി കൊടുത്ത് അടി വാങ്ങിയ അവസ്ഥ പോലെയായി എന്ന് പറയാം. അജുവിന്റെ ഈ തമാശയ്ക്ക് നിറയെ ട്രോളുകളാണ് വന്നത്.
ഷെയര് ചെയ്യാന് മടിയില്ല..
തന്നെ ട്രോളുന്നതിനോട് എതിരഭിപ്രായം ഒന്നുമില്ലാത്ത നടനാണ് അജു വര്ഗീസ്. അതിനാല് ട്രോളന്മാരുടെ പോസ്റ്റുകള് നന്ദി പറഞ്ഞ് അദ്ദേഹം സ്വന്തം വാളിലും പോസ്റ്റ് ചെയ്യാറുണ്ട്. അതിന് കൂടുതല് ലൈക്ക് കിട്ടുന്നതിനാല് അജു വര്ഗീസ് ഷെയര് ചെയ്യുമെന്ന പ്രതീക്ഷയില് ട്രോള് ഉണ്ടാക്കുന്നവരുമുണ്ട്. ജഗതി ശ്രീകുമാറിന്റെ ഫോട്ടോയ്ക്കൊപ്പം അജുവിനെ ട്രോളിയവര്ക്ക് അദ്ദേഹം നന്ദി പറഞ്ഞിരിക്കുകയാണ്. ട്രോളേന്മാര്ക്ക് നന്ദി!!! ഇതിഹാസ നടനോടൊപ്പം ഫോട്ടോയിലെങ്കിലും കൂടെ വെച്ചതില് എന്നും പറഞ്ഞ് അദ്ദേഹം ആ ട്രോള് ഷെയര് ചെയ്യുകയും ചെയ്തിരുന്നു.
ബുദ്ധിപരമായ നീക്കം
ട്രോളന്മാരുടെ പണി ഏറ്റെടുക്കുക മാത്രമല്ല ഒരു റിക്വസ്റ്റ് കൂടി അജു നടത്തിയിട്ടുണ്ട്. മോഹന്ലാലിനും മമ്മൂട്ടിയ്ക്കുമൊപ്പമുള്ള രണ്ട് ചിത്രങ്ങള് പങ്കുവെച്ച് കൊണ്ട് ഞാന് ഫീല്ഡ് ഔട്ട് ആയി കഴിയുമ്പോള് ഇത് ഒന്ന് കുത്തിപ്പൊക്കി (ഫേമസ് ആക്കി) എടുക്കണേ? ഒരു മനസുഖത്തിന് വേണ്ടിയാണെന്നും താരം പറഞ്ഞിരിക്കുകയാണ്.
മത്സരമാക്കി എടുത്തു
ആദ്യം ഒരു തമാശയായി തുടങ്ങിയതാണെങ്കിലും കുത്തിപൊക്കല് ഇപ്പോള് ഒരു മത്സരമായി മാറിയിരിക്കുകയാണ്. സിനിമാ താരങ്ങളെ മാത്രമല്ല രാഷ്ട്രീയക്കാരെയും വിടാതെ പിടിച്ചിട്ടുണ്ട്. മുഖ്യമന്ത്രി പിണറായി വിജയന്, പ്രധാനമന്ത്രി നരേന്ദ്ര മോദി, മിസോറാം ഗവര്ണര് കുമ്മനം രാജശേഖരനുമടക്കം എല്ലാവര്ക്കും പണി കിട്ടിയിട്ടുണ്ട്. ഇവരുടെ കര്മ്മ മേഖലയായ രാഷ്ട്രീയത്തെ ബന്ധപ്പെടുത്തിയാണ് പണി വന്നതെന്നുള്ളതും ശ്രദ്ധേയമാണ്.
സണ്ണി ലിയോണും ഉണ്ട്
കേരളത്തില് നിന്നുള്ള നടിമാര്ക്കൊന്നും കാര്യമായ പണി കിട്ടിയില്ലെങ്കിലും ഇന്ത്യന് ഹോട്ട് താരം സണ്ണി ലിയോണിനെ ആരാധകര് വിട്ടില്ല. മലയാളികളായ ആരാധകര് സണ്ണിയുടെ നിരവധി ഫോട്ടോസ് ഇതുപോലെ പുറത്തെത്തിച്ചിരുന്നു. ഒന്നും രണ്ടുമൊന്നുമല്ല സണ്ണിയുടെ പഴയ ഒരുപാട് ചിത്രങ്ങളാണ് പൊങ്ങി വരുന്നത്.
-
ബിഗ് ബോസിലെ വിന്നറാവാന് സാധ്യത ഇവര്ക്കോ? ടോപ്പ് ഫൈവിലേക്ക് എത്താന് ചാന്സുള്ളവരെ പറ്റി ആരാധകര്
-
ഒരു പെണ്കുട്ടിയെ നേരിടാന് ഒരു പട! കഴിഞ്ഞതൊക്കെ എല്ലാവരും മറന്നോ? ജിന്റോയെ സ്ത്രീവിരുദ്ധനാക്കിയില്ലേ?
-
ഹീറോയിന് ആവാന് കാത്തിരുന്ന് സമയം പോയി; ഇല്ലെങ്കില് ഇത്ര സങ്കടം വരില്ലായിരുന്നു: ശരണ്യ പറയുന്നു