കമല്‍ ഹാസന്റെ കോട്ട് മാത്രമായിരുന്നു ധരിച്ചത്; നടനുമായിട്ടുള്ള ആ പഴയ കഥ വെളിപ്പെടുത്തി നടി അംബിക

മലയാളത്തില്‍ നിരവധി ചിത്രങ്ങള്‍ കമല്‍ അഭിനയിച്ചിട്ടുണ്ട്. ഇപ്പോഴിത കമല്‍ ഹാസന്‍ ചെയ്തു തന്ന സഹായത്തെ കുറിച്ചും നല്‍കിയ പിന്തുണയെ കുറിച്ചും വെളിപ്പെടുത്തുകയാണ് നടി അംബിക. ഉലക മന്നന്റെ ആദ്യകാലത്തെ ഹിറ്റ് നായികയായിരുന്നു അംബിക. നടിയ്ക്ക് തമിഴില്‍ അവസരം നല്‍കിയത് കമല്‍ ഹാസന്‍ ആയിരുന്നു. ഇപ്പോഴിത തന്നെ സഹായിച്ചതിനെ കുറിച്ച് വെളിപ്പെടുത്തുകയാണ് അംബിക. നടന്റെ സാന്നിധ്യത്തില്‍ ഫ്‌ലവേഴ്‌സ് വേദിയില്‍ വെച്ചായിരുന്നു മനസ് തുറന്ന്.

തന്റെ സിനിമ കരിയറില്‍ ഏറ്റവും കൂടുതല്‍ സഹായിച്ച വ്യക്തിയാണ് കമല്‍ ഹൗസന്‍ എന്നാണ് അംബിക പറയുന്നത്. ഇതിനുള്ള നന്ദിയും കടപ്പാടും ഈ അവസരത്തില്‍ ഒരിക്കല്‍ കൂടി പങ്കുവെയ്ക്കുന്നുണ്ട്. കേരളത്തില്‍ വെച്ചാണ് നടനെ ആദ്യമായി കണ്ടതെന്ന് പറഞ്ഞു കൊണ്ടാണ് ആത്മബന്ധത്തെ കുറിച്ച് പറഞ്ഞ് തുടങ്ങിയത്.

അംബികയുടെ വാക്കുകള്‍ ഇങ്ങനെ...' മലയാള സിനിമ ലോകത്ത് ചേട്ടന്‍( കമല്‍ ഹാസന്‍) തിളങ്ങി നില്‍ക്കുന്ന സമയമായിരുന്നു അത്. 'കാത്തിരുന്ന നിമിഷം' എന്ന സിനിമയുടെ സെറ്റില്‍ വെച്ചാണ് ആദ്യമായി കാണുന്നത്. ആലപ്പുഴ ഉദയയില്‍ വെച്ചാണ് ഷൂട്ടിംഗ് നടക്കുന്നത് സേമേട്ടനും( എംജി സോമന്‍) അന്ന് സെറ്റിലുണ്ടായിരുന്നു'; അംബിക കഥ തുടര്‍ന്ന്.

'ഷൂട്ടിംഗ് കണ്ട് കൊണ്ട് നിന്നപ്പോള്‍ എന്നെ അടുത്തേയ്ക്ക് വിളിച്ചു. സിനിമയില്‍ അഭിനയിക്കാന്‍ ആഗ്രഹമുണ്ടോ എന്ന് തിരക്കി. ആ ചോദ്യം ലോട്ടറി അടിച്ചത് പോലെയായിരുന്നു എനിക്ക്. പഠിത്തമൊക്കെ കഴിഞ്ഞ് തമിഴ് സിനിമയില്‍ അഭിനയിക്കുമ്പോള്‍ പറയുവെന്ന് പറഞ്ഞ് അദ്ദേഹം അവിടെ നിന്ന് പോയി. പിന്നെ ഞാന്‍ മലയാളത്തില്‍ നിന്ന് തമിഴില്‍ എത്തി. പിന്നീട് നിരവധി സിനിമകളില്‍ അദ്ദേഹം എന്നെ പേര് നിർദ്ദേശിച്ചു'; അംബിക കൂട്ടിച്ചേര്‍ത്തു.

പ്രണയം കാരണം ദിൽഷയെ തിരിച്ചുവിളിച്ചോ? സത്യം അനിയത്തി പറയുന്നു | Dilsha's Sister Reveals | #Interview

ഇതേ അഭിമുഖത്തില്‍ തന്നെ കമല്‍ ഹാസന്റെ കോട്ടിട്ട് ഗ്ലാമറസ് രംഗം ചെയ്തതിനെ കുറിച്ചും അംബിക പറഞ്ഞു. ആദ്യമായിട്ടായിരുന്നു അത്തരത്തിലൊരു റോള്‍ ചെയ്യുന്നത്. കമല്‍ ചേട്ടന്റെ കോട്ട് മാത്രമായിരുന്നു ഇട്ടിരുന്നത്. കാല് കാണാതിരിക്കാന്‍ കോട്ട് താഴേയ്ക്ക് വലിക്കുമ്പോള്‍ അത് പാവാടയല്ല കോട്ടാണെന്ന് പറഞ്ഞ് അദ്ദേഹം കളിയാക്കി'; നടി പഴയ സംഭവം പങ്കുവെച്ചു.

തന്റെ സിനിമ ജീവിത്തിലെ നാഴികകല്ലാണ് കമല്‍ഹാസന്‍ എന്ന പറഞ്ഞ് കൊണ്ടാണ് അംബിക തന്റെ വാക്കുകള്‍ നിര്‍ത്തിയത്.

വളരെ മികച്ച അഭിനേത്രിയാണ് അംബിക എന്നും ഈ വേളയില്‍ കമല്‍ ഹാസന്‍ പറഞ്ഞു. എന്ത് വേഷവും ചെയ്യാന്‍ അംബിക തയ്യാറാണെന്നും നടിയ്‌ക്കൊപ്പമുള്ള അഭിനയ നിമിഷം പങ്കുവെച്ച് കൊണ്ട് കമല്‍ ഹാസന്‍ കൂട്ടിച്ചേര്‍ത്തു,