ഇന്നസെന്‍റ് 'അമ്മ'യെ കൈയ്യൊഴിയുന്നു, നേതൃനിരയിലേക്ക് ഇനിയാര്? പൃഥ്വിയോ ഇടവേളയോ?

ഇന്നസെന്റ് ഒഴിയുന്നു

താരസംഘടനായ അമ്മയുടെ പ്രസിഡന്റ് സ്ഥാനത്തു നിന്നും ഇന്നസെന്റ് ഒഴിയുകയാണ്. അടുത്ത ജൂണില്‍ നടക്കുന്ന തിരഞ്ഞെടുപ്പില്‍ മത്സരിക്കില്ലെന്നും അദ്ദേഹം വ്യക്തമാക്കിയിട്ടുണ്ട്.

എംപി ആയപ്പോഴും തുടര്‍ന്നു

രാഷ്ട്രീയത്തില്‍ പ്രവേശിച്ച് എംപി സ്ഥാനം ലഭിച്ചതിന് ശേഷം അദ്ദേഹം ഈ സ്ഥാനം ഒഴിയുമെന്ന തരത്തില്‍ അഭ്യൂഹങ്ങളുണ്ടായിരുന്നു. എന്നാല്‍ രാഷ്ട്രീയവും സിനിമയും അദ്ദേഹം ഒരുമിച്ച് തന്നെ കൈകാര്യം ചെയ്തു.

പ്രതിച്ഛായ തകര്‍ന്നത്

കൊച്ചിയിലേക്കുള്ള യാത്രയ്ക്കിടെ നടി ആക്രമിക്കപ്പെട്ട സംഭവത്തെ തുടര്‍ന്നാണ് അദ്ദേഹത്തിന്റെ പ്രതിഛായ കുറഞ്ഞത്. കേസുമായി ബന്ധപ്പെട്ട് അറസ്റ്റിലായ ദിലീപ് നിരപരാധിയാണെന്ന് വിശ്വസിക്കുന്നുവെന്നായിരുന്നു അദ്ദേഹം പറഞ്ഞത്.

അറസ്റ്റിന് ശേഷം

മണിക്കൂറുകള്‍ നീണ്ട ചോദ്യം ചെയ്യലിനൊടുവില്‍ ദിലീപ് അറസ്റ്റിലായപ്പോള്‍ ഇന്നസെന്റ് പ്രതികരിച്ചിരുന്നില്ല. താരസംഘടനയുടെ പ്രസിഡന്റെന്ന തരത്തില്‍ അദ്ദേഹത്തിന്റെ പ്രതികരണം അറിയുന്നതിനായുള്ള കാത്തിരിപ്പിലായിരുന്നു സഹപ്രവര്‍ത്തകര്‍.

മറ്റൊരാളെ കണ്ടെത്തുന്നത്

17 വര്‍ഷമായി സംഘടനയുടെ തലപ്പത്തിരിക്കുന്ന ഇന്നസെന്റ് മാറുമ്പോള്‍ ആ സ്ഥാനത്തേക്ക് ആരു വരുമെന്നറിയാനായുള്ള കാത്തിരിപ്പിലാണ് മറ്റ് ഭാരവാഹികളും സഹപ്രവര്‍ത്തകരും. അവര്‍ നേരിടുന്ന വലിയ വെല്ലുവിളിയും ഇതു തന്നെയാണ്.

ഇടവേള ബാബുവിന് പിന്തുണ

ഇന്നസെന്റിന്റെ അഭാവത്തില്‍ സംഘടനയുടെ കാര്യങ്ങള്‍ നോക്കുന്നത് ഇടവേള ബാബുവാണ്. അദ്ദേഹം പ്രസിഡന്റ് സ്ഥാനത്തേക്ക് വരുന്നതിന് പിന്തുണയുമായി ഒരു വിഭാഗം രംഗത്തെത്തിയിട്ടുണ്ട്.