For Quick Alerts
ALLOW NOTIFICATIONS  
For Daily Alerts

നടി ലക്ഷ്മി ഗോപാലസ്വാമി ഇതുവരെ വിവാഹം കഴിച്ചില്ലേ? കാരണമുണ്ടെന്ന് നടി, ഉടനെ അത് സംഭവിക്കുമോ?

|

മലയാള സിനിമയുടെ പ്രിയപ്പെട്ട നടിയാണ് ലക്ഷ്മി ഗോപാലസ്വാമി. മമ്മൂട്ടിയുടെ നായികയായി വെള്ളിത്തിരയിലെത്തിയ ലക്ഷ്മി ഇന്ന് വലിയ ഉയരങ്ങളാണ് കീഴടക്കിയിരിക്കുന്നത്. സിനിമ പോലെ തന്നെ നൃത്ത ലോകത്താണ് സജീവമായി പ്രവര്‍ത്തിക്കുകയാണ് നടിയിപ്പോള്‍. ലക്ഷ്മി ഗോപാലസ്വാമി സിനിമയിലെത്തിയിട്ട് ഇരുപത് വര്‍ഷം പൂര്‍ത്തിയാവുകയാണെന്ന് പറയുമ്പോള്‍ ആര്‍ക്കും വിശ്വസിക്കാന്‍ കഴിയില്ല.

എല്ലാത്തിനുമപരി പ്രേക്ഷകര്‍ ചോദിക്കുന്നത് ലക്ഷ്മി ഗോപാലസ്വാമി ഇതുവരെ വിവാഹം കഴിക്കാത്തത് എന്ത് കൊണ്ടാണെന്നാണ്. ഏറെ കാലത്തിന് ശേഷം നടിയുടെ നേരെ വീണ്ടും ഈ ചോദ്യം ഉയര്‍ന്നിരിക്കുകയാണ്. തനിക്ക് വിവാഹത്തോട് അലര്‍ജി ഒന്നുമില്ലെന്നും പക്ഷേ ഇതുവരെ വിവാഹം നടക്കാത്തതിനൊരു കാരണമുണ്ടെന്ന് നടി പറഞ്ഞിരിക്കുകയാണ്.

അരയന്നങ്ങളുടെ വീട് എന്ന ചിത്രത്തിലൂടെ മമ്മൂട്ടിയുടെ നായികയായിട്ടാണ് ലക്ഷ്മി ഗോപാലസ്വാമി സിനിമയിലേക്ക് അരങ്ങേറ്റം നടത്തുന്നത്. ആദ്യ സിനിമയിലൂടെ തന്നെ മികച്ച രണ്ടാമത്തെ നടിയ്ക്കുള്ള സംസ്ഥാന ചലച്ചിത്ര പുരസ്‌കാരം ലക്ഷ്മിയെ തേടി എത്തിയിരുന്നു. പിന്നീടിങ്ങോട്ട് മോഹന്‍ലാല്‍, ജയറാം, മമ്മൂട്ടി തുടങ്ങി മുന്‍നിര നായകന്മാരുടെ എല്ലാം നായികയായി അഭിനയിക്കാനെത്തി. വീട്ടമ്മയുടെ വേഷവും നര്‍ത്തകിയുടെ വേഷവുമെല്ലാം ലക്ഷ്മി അതിമനോഹരമായി അവതരിപ്പിച്ചുന്നു. ശക്തമായ സ്ത്രീകഥാപാത്രങ്ങളും നടിയെ തേടി എത്തി.

രണ്ടിനും ഒരേ പ്രധാന്യമുണ്ടെങ്കിലും സിനിമയെക്കാള്‍ നടി സ്‌നേഹിക്കുന്നത് നൃത്തമാണ്. ക്ലാസിക്കല്‍ ഡാന്‍സര്‍ കൂടിയായ നടി ഭരതനാട്യത്തില്‍ ബിരുദം എടുത്തിട്ടുള്ള ആളാണ്. തമിഴ് കുടുംബത്തില്‍ ജനിച്ച ആളാണെങ്കിലും വളര്‍ന്നത് ബംഗ്ലൂരിലായിരുന്നു. അമ്മ സംഗീത അധ്യാപക ആയിരുന്നതിനാല്‍ മകളെ ഭരതനാട്യം പഠിപ്പിക്കുകയായിരുന്നു. നൃത്തത്തിലുള്ള നൈപുണ്യമായിരുന്നു ലക്ഷ്മിയെ സിനിമയിലേക്ക് എത്തിച്ചത്. ഇത്ര വലിയ ഉയരങ്ങള്‍ കീഴടക്കിയിട്ടും കുടുംബ ജീവിതത്തില്‍ പിന്നോട്ട് നില്‍ക്കുകയായിരുന്നു നടി.

വിക്കിപീഡിയ സൂചിപ്പിക്കുന്ന കണക്ക് പ്രകാരം ഈ വര്‍ഷം 49 വയസ് പൂര്‍ത്തിയായി 50-ാം വയസിലേക്ക് കടക്കുകയാണ് ലക്ഷ്മി. ഇപ്പോഴും ചെറുപ്പക്കാരിയുടെ ഊര്‍ജസ്വലതയോടെ പ്രവര്‍ത്തിക്കാന്‍ നടിയ്ക്ക് കഴിയാറുണ്ട്. നൃത്തവേദികളിലെല്ലാം ത്രസിപ്പിക്കുന്ന പ്രകടനം കാഴ്ച വെച്ച് എല്ലാവരെയും അതിശയിപ്പിക്കാറുമുണ്ട്. എന്നിട്ടും ലക്ഷ്മി ഗോപാലസ്വാമി വിവാഹം കഴിക്കാത്തത് എന്ത് കൊണ്ടാണെന്നാണ് ആരാധകര്‍ക്ക് അറിയാനുള്ളത്. പലപ്പോഴും ഈ ചോദ്യങ്ങള്‍ക്ക് നടി മറുപടി പറയാറില്ലെങ്കിലും ഇപ്പോള്‍ വീണ്ടും പറഞ്ഞിരിക്കുകയാണ്.

തനിക്ക് യോജിച്ച ഒരു പുരുഷനെ കണ്ടെത്താന്‍ ആയിട്ടില്ലെന്നാണ് ലക്ഷ്മി ഗോപാലസ്വാമി പറയുന്നത്. എന്ന് കരുതി വിവാഹത്തോട് തനിക്ക് അലര്‍ജി ഒന്നുമില്ലെന്നും നടി വ്യക്തമാക്കുന്നു. രൂപഭാവങ്ങളിലും കാഴ്ചപാടുകളിലും അഭിരുചിയിലും താനുമായി യോജിക്കുന്ന ആളായിരിക്കണം ജീവിത പങ്കാളി എന്നാണ് നടിയുടെ സങ്കല്‍പ്പം. അത്തരമൊരു ആളെ ഇതുവരെ കണ്ടെത്താന്‍ കഴിഞ്ഞിട്ടില്ലെന്നും കണ്ടെത്തിയാല്‍ ഏത് നിമിഷവും വിവാഹത്തിന് താന്‍ ഒരുക്കണമാണെന്നും ലക്ഷ്മി പറയുന്നു.

സിനിമ പോലെ തന്നെ ടെലിവിഷന്‍ പരിപാടികളിലും ലക്ഷ്മി അഭിനയിച്ചിരുന്നു. 2006 ല്‍ തമിഴ് സീരിയലിലും നടി അഭിനയിച്ചിരുന്നു. മലയാളത്തില്‍ സീരിയലുകളിലും ടെലിവിഷന്‍ അവതാരകയായിട്ടുമെല്ലാം നടി പ്രവര്‍ത്തിച്ചിരുന്നു.

കേരളത്തിന് പുറമേ കന്നഡ അടക്കമുള്ള ഭാഷകളില്‍ അഭിനയിച്ചിട്ടുണ്ടെങ്കിലും സിനിമയില്‍ നിന്നും ചെറുതായി ഇടവേള എടുത്തിരിക്കുകയാണ് നടിയിപ്പോള്‍. 2017 ല്‍ റിലീസിനെത്തിയ തമിഴ് ചിത്രം അരുവി യില്‍ ആണ് അവസാനം അഭിനയിച്ച സിനിമ. കംബോജി ആണ് മലയാളത്തില്‍ അവസാനമെത്തിയ ചിത്രം. ലക്ഷ്മി ഗോപാലസ്വാമിയുടെ ശക്തമായ വേഷങ്ങള്‍ക്ക് വേണ്ടി കാത്തിരിക്കുകയാണ് ആരാധകര്‍.

മമ്മൂട്ടിയുടെ ഊഴം കഴിഞ്ഞു! മോഹന്‍ലാലിനൊപ്പം പുലിമുരുകന്റെ രണ്ടാം ഭാഗവുമായി വൈശാഖും സംഘവും?

English summary
Lakshmi Gopalaswami Talks About Her Marriage
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more