അന്ന് പ്രശസ്ത സംവിധായകന്റെ ക്ഷണം ഞാന്‍ നിരസിച്ചു! പക്ഷേ എന്‍റെ തെറ്റ് ഞാന്‍ തിരുത്തി: മേനക

അന്നത്തെ കാലത്ത് നായകന്മാരുടെ ആധിപത്യം നിലനിന്നിരുന്ന മലയാള സിനിമയില്‍ വളരെ അപൂര്‍വ്വമായി പുറത്തിറങ്ങിയ സ്ത്രീ പ്രാധാന്യമുളള ചിത്രം കൂടിയായിരുന്നു ഓപ്പോള്‍. ഓപ്പോളിലെ വേഷം തന്നെ തേടിയെത്തിപ്പോള്‍ ആദ്യം നിരസിക്കുകയാണുണ്ടായത് എന്ന് മേനക തുറന്നുപറഞ്ഞിരുന്നു. പിന്നീട് വേഷം സ്വീകരിക്കാന്‍ കാരണക്കാരനായ സംവിധായകനെ കുറിച്ചും മേനക തുറന്നുപറഞ്ഞു.

എംടി വാസുദേവന്‍ നായരുടെ രചനയിലായിരുന്നു കെഎസ് സേതുമാധവന്‍ ഓപ്പോള്‍ എന്ന ചിത്രം അണിയിച്ചൊരുക്കിയത്. എംടിയുടെ ചെറുകഥയില്‍ നിന്നും രൂപംകൊണ്ട സിനിമ കൂടിയായിരുന്നു ഇത്. സേതുമാധവന്‍ സര്‍ ഓപ്പോളിലേക്ക് വിളിച്ചപ്പോള്‍ ആദ്യം ഞാന്‍ സമ്മതിച്ചില്ലെന്ന് മേനക പറയുന്നു. അദ്ദേഹം തിരികെ പോകുമ്പോഴാണ് തമിഴ് സംവിധായകന്‍ അഴകപ്പന്‍ സര്‍ വീട്ടിലേക്ക് വന്നത്.

മമ്മൂട്ടിയുടെ മകളായി കീർത്തി സുരേഷ് | filmibeat Malayalam

കാര്യം അറിഞ്ഞപ്പോള്‍ അദ്ദേഹം പറഞ്ഞു മണ്ടിപെണ്ണേ അത് എത്ര പെരിയ സംവിധായകന്‍ എന്ന് നിനക്ക് തെരിയുമോ എന്ന്. അദ്ദേഹത്തിന്റെ സിനിമയില്‍ ഒന്ന് മുഖം കാണിക്കാന്‍ എത്ര പേരാണ് കാത്തുനില്‍ക്കുന്നതെന്നോ. ഇപ്പോള്‍ തന്നെ പോയി അഭിനയിക്കാം എന്ന് സമ്മതിക്കണം. അങ്ങനെ ഞാനും അച്ഛനും കൂടി അദ്ദേഹത്തെ എവിഎം സ്റ്റുഡിയോയില്‍ ചെന്ന് സമ്മതം അറിയിക്കുകയായിരുന്നു. ഒരു പ്രമുഖ മാഗസിന് നല്‍കിയ അഭിമുഖത്തില്‍ മേനക സുരേഷ് കുമാര്‍ പറഞ്ഞു.

അതേസമയം അഭിനേതാവിന് പുറമെ നിര്‍മ്മാതാവായും മേനക സുരേഷ് കുമാര്‍ തിളങ്ങിയിരുന്നു. നടിയുടെ ഭര്‍ത്താവും നിര്‍മ്മാതാവുമായ സുരേഷ് കുമാറും എല്ലാവര്‍ക്കും സുപരിചിതനാണ്. ഇളയമകള്‍ കീര്‍ത്തി സുരേഷ് തെന്നിന്ത്യയിലെ മുന്‍നിര നായികമാരില്‍ ഒരാളാണ്. അടുത്തിടെ കീര്‍ത്തിക്കൊപ്പമാണ് മേനകയും വാര്‍ത്തകളില്‍ നിറഞ്ഞത്. മഹാനടി എന്ന ചിത്രത്തിലൂടെയുളള താരപുത്രിയുടെ ദേശീയ പുരസ്‌കാരം കുടുംബം ഒന്നടങ്കം ആഘോഷിച്ചിരുന്നു. ഈ അവാര്‍ഡ് അമ്മയ്ക്കാണ് താന്‍ സമര്‍പ്പിക്കുന്നതെന്ന് മുന്‍പ് കീര്‍ത്തി സുരേഷ് തുറന്നുപറഞ്ഞിരുന്നു. മലയാളത്തില്‍ അരങ്ങേറ്റം കുറിച്ച താരം തമിഴ്, തെലുങ്ക് ഭാഷകളിലാണ് പിന്നീട് കൂടുതല്‍ തിളങ്ങിയത്.