For Quick Alerts
    ALLOW NOTIFICATIONS  
    For Daily Alerts

    പ്രിയദര്‍ശനൊപ്പമുള്ള ഫോട്ടോ പങ്കുവെച്ച് മോഹന്‍ലാല്‍, പിറന്നാള്‍ ദിനത്തിലെ ആശംസ പോസ്റ്റ് വൈറല്‍

    |

    മലയാളികളുടെ എക്കാലത്തേയും പ്രിയപ്പെട്ട സംവിധായകനാണ് പ്രിയദര്‍ശന്‍. വ്യത്യസ്തമായ സിനിമകളിലൂടെ ശ്രദ്ധ നേടുകയായിരുന്നു അദ്ദേഹം. തിരക്കഥ, സംവിധാനം, നിര്‍മ്മാണം തുടങ്ങി സിനിമയുടെ സമസ്ത മേഖലകളില്‍ കഴിവ് തെളിയിച്ച് മുന്നേറുകയാണ് അദ്ദേഹം. പ്രിയദര്‍ശന്റെ പിറന്നാളാണ് ശനിയാഴ്ച. താരങ്ങളും ആരാധകരുമുള്‍പ്പടെ നിരവധി പേരാണ് അദ്ദേഹത്തിന് പിറന്നാളാശംസ അറിയിച്ച് എത്തിയിട്ടുള്ളത്. തെന്നിന്ത്യന്‍ സിനിമകളിലെല്ലാമായി കഴിവ് തെളിയിച്ചിട്ടുണ്ട് അദ്ദേഹം.

    പ്രിയപ്പെട്ട പ്രിയന് ആശംസ അറിയിച്ച് മോഹന്‍ലാലും എത്തിയിരുന്നു. ഇരുവരും ഒരുമിച്ചുള്ള ചിത്രം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. മുഖാമുഖം നോക്കി ചിരിക്കുന്നതിന്റെ ചിത്രമാണ് മോഹന്‍ലാല്‍ പോസ്റ്റ് ചെയ്തത്. താരങ്ങളും ആരാധകരുമുള്‍പ്പടെ നിരവധി പേരാണ് പോസ്റ്റിന് കീഴില്‍ കമന്റുകളുമായെത്തിയത്. ലാലുവുമായുള്ള അടുപ്പത്തെക്കുറിച്ചും ആ കെമിസ്ട്രിയെക്കുറിച്ചുമെല്ലാം തുറന്നുപറഞ്ഞ് പ്രിയദര്‍ശന്‍ എത്തിയിരുന്നു. ഒപ്പത്തിന് ശേഷം മരക്കാര്‍ അറബിക്കടലിന്റെ സിംഹത്തിലൂടെയാണ് ഇരുവരും ഒരുമിക്കുന്നത്.

    ഞങ്ങളുടെ കൂട്ടുകെട്ടിലെ മികച്ച സിനിമ ഇതുവരെ കണ്ടതൊന്നുമല്ല, ഇനി വരാനിരിക്കുന്നതേയുള്ളൂവെന്നായിരുന്നു പ്രിയദര്‍ശന്‍ പറഞ്ഞത്.ഇതോടെ ആരാധക പ്രതീക്ഷ വര്‍ധിക്കുകയായിരുന്നു. നീണ്ടനാളത്തെ ഇടവേള അവസാനിപ്പിച്ചാണ് ഇരുവരും മരക്കാറിനായി ഒരുമിച്ചത്. തെന്നിന്ത്യന്‍ സിനിമാലോകത്തെ തന്നെ ആവേശത്തിലാഴ്ത്തിയ പ്രഖ്യാപനമായിരുന്നു ചിത്രത്തിന്റേത്. അന്യഭാഷയിലെ പ്രമുഖരുള്‍പ്പടെ വന്‍താരനിരയാണ് ചിത്രത്തിനായി അണിനിരന്നിട്ടുള്ളത്.

    Mohanlal

    Bigg Boss season 3 to premiere soon with Mohanlal as host

    മഞ്ജു വാര്യരാണ് മരക്കാര്‍ അറബിക്കടലിന്റെ സിംഹത്തില്‍ നായികയായെത്തുന്നത്. പ്രണവ് മോഹന്‍ലാല്‍, കീര്‍ത്തി സുരേഷ്, അനി ശശി തുടങ്ങിയവരും ഈ ചിത്രത്തിനായി അണിനിരക്കുന്നുണ്ട്. പ്രിയദര്‍ശന്റെ മക്കളും ഈ സിനിമയില്‍ ഒരുമിച്ച് പ്രവര്‍ത്തിക്കുന്നുണ്ട്. കല്യാണി അഭിനയ രംഗത്ത് സജീവമായപ്പോള്‍ വിഎഫ്എക്‌സിലാണ് സിദ്ധാര്‍ത്ഥ് കഴിവ് തെളിയിച്ചത്. ഇതിനകം തന്നെ സംസ്ഥാന പുരസ്‌കാരവും സ്വന്തമാക്കി കഴിഞ്ഞിട്ടുണ്ട് താരപുത്രന്‍. റിലീസിന് മുന്‍പ് തന്നെ മികച്ച നേട്ടം സ്വന്തമാക്കുകയായിരുന്നു ചിത്രം.

    English summary
    Mohanlal's sweet birthday wishes to Priyadarshan, latest photo went viral
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X