താരകുടുംബത്തിലെ ഇളംതലമുറയ്ക്ക് പിറന്നാള്‍.. പൃഥ്വിക്ക് പിന്നാലെ പ്രാര്‍ത്ഥനയും സിനിമയില്‍ സജീവമാവുമോ

നക്ഷത്രയുടെ പിറന്നാള്‍

നക്ഷത്ര ടീനേജുകാരിയായ സന്തോഷം ഇന്ദ്രജിത്ത് ഫേസ്ബുക്കിലൂടെ പങ്കുവെച്ചിട്ടുണ്ട്. അച്ഛനൊപ്പം നില്‍ക്കുന്ന മകളുടെ ചിത്രവും താരം പങ്കുവെച്ചിട്ടുണ്ട്. നിരവധി പേര്‍ താരപുത്രിക്ക് ആശംസ നേര്‍ന്നിട്ടുണ്ട്.

മനോഹരമായ ഫോട്ടോയുമായി പൂര്‍ണ്ണിമ

മകള്‍ക്ക് ആശംസ നേര്‍ന്ന് പൂര്‍ണ്ണിമയും ഫേസ്ബുക്കില്‍ പോസ്റ്റ് ചെയ്്തിട്ടുണ്ട്. അമ്മയോടൊപ്പമുള്ള മനോഹരമായൊരു ചിത്രവും അവര്‍ പങ്കുവെച്ചിട്ടുണ്ട്. മകള്‍ 13 കാര്യായതിന്റെ സന്തോഷത്തിലാണ് താരദമ്പതികള്‍.

താരകുടുംബത്തിലെ ആദ്യത്തെ പുത്രി

സുകുമാരന്റെയും മല്ലിക സുകുമാരന്റെയും കുടുംബത്തിലെ ആദ്യത്തെ കൊച്ചുമകളാണ് പ്രാര്‍ത്ഥന. പാത്തൂട്ടിയെന്നാണ് സ്‌നേഹത്തോടെ എല്ലാവരും പ്രാര്‍ത്ഥനയെ വിളിക്കുന്നത്.

മല്ലികയുടെ വീടിന്റെ പേര്

മല്ലിക സുകുമാരന്‍ താമസിക്കുന്ന വീടിന് പ്രാര്‍ത്ഥനയെന്നാണ് പേര് നല്‍കിയിട്ടുള്ളത്. കൊച്ചുമകളോടുള്ള സ്‌നേഹം തന്നെയാണ് ഈ പേരിന് പിന്നിലെന്ന് അവര്‍ പറഞ്ഞിരുന്നു.

നക്ഷത്രയും അലംകൃതയും

പ്രാര്‍ത്ഥനയ്ക്ക് ശേഷം കുടുംബത്തിലേക്കെത്തിയ കുഞ്ഞതിഥികളാണ് നക്ഷത്രയും അലംകൃതയും. മരുമക്കളും കൊച്ചുമക്കളുമൊക്കെയുള്ള ജീവിതം വളരെ രസകരമാണെന്ന് മല്ലിക വ്യക്തമാക്കിയിരുന്നു.

സിനിമാപ്രവേശത്തെക്കുറിച്ച്

സിനിമയില്‍ അഭിനയിക്കാതെ തന്നെ താരമായി മാറുന്നവരാണ് താരപുത്രികള്‍. സിനിമാകുടുംബത്തിലെ ഇളംതലമുറ സിനിമയില്‍ സജീവമാവുമോയെന്നറിയാനുള്ള കാത്തിരിപ്പിലാണ് ആരാധകര്‍. ടിയാനില്‍ മികച്ച പ്രകടനമായിരുന്നു പ്രാര്‍ത്ഥന കാഴ്ചവെച്ചത്.